O luns día 5 tivo lugar no salón de actos do centro a entrega de diplomas do programa TEI (Titoria Entre Iguais).
O alumnado de 5º e de 3º de EP é o protagonista convertíndose os de 5º en titores e os de 3º en titorizados.
O obxectivo do programa é favorecer a convivencia, as relación sociais, a resolución pacífica de conflitos, a prevención do acoso escolar, a TOLERANCIA CERO a calquera tipo de violencia, ao que se une o fomento de valores como o respecto, a empatía, o compañerismo e a confianza.
Agradecemos o seu acompañamento neste acto a:
Dona Inés Rey (alcaldesa de A Coruña)
Don Jesús Celemín (concelleiro de Educación)
Don Emilio Veiga (director do Centro de Formación e Recursos)
Don Xosé Marquina e Dona Carlota Sánchez (clube Deportivo Genuine e Feminino)
Dona María José Couso: ex-titora do alumnado titor de 5ºB.
Agradecemos especialmente ao profesorado titor dos grupos de 3º e de 5º de EP pola súa implicación ao longo do curso neste programa.
Está publicada a convocatoria do fondo solidario de libros de texto e axudas para adquirir libros de texto e material escolar destinadas ao alumnado matriculado en educación primaria, ESO educación especial para o curso escolar 2023-2024.
Poderá presentarse na secretaría do centro en horario de 9:15 a 11:30 e de 12:00 a 13:30, así como os luns en horario de 16:00 a 18:00 h. A documentación a presentar é a seguinte:
Unha única solicitude por familia (ANEXO I e II) incluindo todos os fillos e fillas matriculados no centro.
Documentación necesaria para xustificar o alegado na solicitude (orixinal e fotocopia).
DATAS IMPORTANTES
Publicación listaxes provisionais: ata o 12 de xullo.
Reclamación ás listaxes provisionais: dous días hábiles logo tras a publicación das listaxes provisionais.
Publicación listaxes definitivas: ata o 26 de xullo.
Entrega libros de texto do fondo ás familias de 3º a 6º de EP: en setembro. Comunicarase a través da web e/ou abalarmóbil.
Entrega de vales para a adquisición de libros de texto e material: do 30 de xuño ao 7 de xullo. Os vales que non se recollan nestas datas poderán recollerese a partires do día 1 de setembro na administración do centro en horario de 9:30 a 11:30 e de 12:00 a 13:30 horas.
Este ano volvemos a participar no Proxecto Semente, iniciativa do Concello da Coruña para promover o espírito emprendedor e as habilidades sociais entre nenas e nenos.
As nenas e nenos de 5º de EP traballaron moitísimo e crearon unha cooperativa moi especial. Dedicaron moito esforzo e creatividade para desarrollar os seus propios produtos que venderán neste mercado, mañá venres 19 de maio na Praza de María Pita, de 16:30 a 20:30 horas.
Estades todas e todos invitados a que nos acompañedes, será un momento cheo de alegría e diversión para toda a familia, e un gran apoio para as nosas nenas e nenos de 5º de EP.
Este mércores 17 de maio conmemórase o Día das Letras Galegas. Ao longo desta semana, o alumnado elaborou audios tratando temas relacionados coa nosa lingua e o seu patrimonio. Están á vosa disposición en formato QR no muro do colexio que linda ca rúa Roberto Tojeiro.
Estaremos encantados e encantadas de que nos escoitedes!!
Informamos que están publicadas as listaxes definitivas de admitidos e non admitidos para o curso 2023-2024.
Estas listaxes pódense consultar no taboleiro interior do centro ou telematicamente a través da aplicación admisionalumnadoempregando a chave 365 ou certificado dixital.
O prazo de formalización de matrícula será do 20 ao 30 de xuño. Se finalizado este prazo non se formalizase a matrícula, decaerá o dereito á praza obtida.