Skip to Content

CELEBRAMOS AS NOSAS LETRAS

Mér, 17/05/2023 - 10:30 — admin

Este mércores 17 de maio conmemórase o Día das Letras Galegas. Ao longo desta semana, o alumnado elaborou audios tratando temas relacionados coa nosa lingua e o seu patrimonio. Están á vosa disposición en formato QR no muro do colexio que linda ca rúa Roberto Tojeiro.

Estaremos encantados e encantadas de que nos escoitedes!!

ADMISIÓN ALUMNADO CURSO 2023-2024. LISTAXES DEFINITIVAS

Lun, 15/05/2023 - 13:04 — admin

Informamos que están publicadas as listaxes definitivas de admitidos e non admitidos para o curso 2023-2024.

Estas listaxes pódense consultar no taboleiro interior do centro ou telematicamente a través da aplicación admisionalumnado empregando a chave 365 ou certificado dixital.

O prazo de formalización de matrícula será do 20 ao 30 de xuño. Se finalizado este prazo non se formalizase a matrícula, decaerá o dereito á praza obtida.

MÚSICA E EVOLUCIÓN

Sáb, 13/05/2023 - 12:47 — admin

O pasado luns o alumnado de 4º, 5º e 6º de Educación Primaria asistiu a un concerto explicativo da man dos músicos Rosa e Pablo.

O alumnado tivo a oportunidade de coñecer o porqué dalgúns roles do ser humano na sociedade explicado a través da música tradicional galega.

Todo, ao tempo que se informaban sobre a evolución dos instrumentos galegos que coñecen hoxe en día e da importancia da música na sociedade xa desde as orixes da humanidade e ata os nosos días.

A conclusión foi que a música abarca moitos ámbitos da nosa vida redundando con importantes beneficios en cada un de nós como seres humanos e en conxunto como sociedade.

Velaquí algunhas imaxes da actividade.

 

BOLSAS NEAE 2023-2024

Ven, 12/05/2023 - 14:03 — admin

Informamos de que está aberto o prazo para a solicitude de becas para alumnado NEAE. 

INFORMACIÓN

XA TEMOS ROCÓDROMO

Ven, 12/05/2023 - 13:50 — admin
Estimada comunidade educativa, 
 
Comprácenos informarvos que o noso centro acaba de instalar un rocódromo no patio escolar.  
Este novo elemento, non só nos proporcionará unha nova actividade para os nosos estudantes, senon que tamén promoverá a actividade física e mellora da coordinación e equilibrio.
 
Queremos agradecer a colaboración do Concello de A Coruña  para que este proxecto poidera convertirse en realidade. 
 

SAÍDA Á RÚA

Xov, 11/05/2023 - 15:57 — admin

O alumnado de 6ºA de EI do colexio participou na actividade "Os parrulos coñecen a rúa"

LETRAS GALEGAS

Xov, 04/05/2023 - 15:43 — admin

Ola! Estamos moi contentos de anunciar que o profesorado do equipo TIC preparou un Genially fantástico para celebrar o día das Letras Galegas! O Genially é unha forma interactiva e divertida de aprender. Esperamos que vos guste tanto como a nós.

ADMISIÓN ALUMNADO. LISTAXES PROVISIONAIS CURSO 2023-2024

Lun, 24/04/2023 - 19:02 — admin

Hoxe, día 25 de abril de 2023, procédese á publicación das listaxes provisionais do alumnado admitido e non admitido para o curso 2023-2024.

Estas listaxes pódense consultar no taboleiro interior do centro ou telematicamente a través da aplicación admisionalumnado empregando a chave 365 ou certificado dixital.

Para consulta do detalle do baremo o horario é de 13:00 a 14:00 horas.

Os días de reclamacións ás listaxes son o 26, 27, 28 de abril e o 3 e 4 de maio na administración do centro en horario de 13:00 a 14:00 horas.

As reclamacións resolveranse coa publicación das listaxes definitivas o 15 de maio. A súa publicación comunicarase a través da web do centro.

O prazo de formalización de matrícula será do 20 ao 30 de xuño. Se finalizado este prazo non se formalizara a matrícula, decaerá o dereito á praza obtida.

A HORTA ESCOLAR: SEMENTANDO APRENDIZAXES

Xov, 20/04/2023 - 13:28 — admin

Comprácenos informar que no colexio continuamos a traballar no noso horto escolar. Este ano contamos coa participación e a iniciativa do proxecto "A HORTA QUE QUEREMOS", do Concello de A Coruña e a Fundación Repsol, a quenes queremos agradecer a súa colaboración neste labor.

A través deste proxecto, o noso alumnado está a aprender a cultivar as súas propias verduras e hortalizas, fomentando unha alimentación saudable e sostible. Ademais, están a adquirir habilidades valiosas no coidado do medio ambiente e o traballo en equipo.

Esperamos poder compartir pronto os froitos do noso traballo.

PROXECTO SEMENTE. PARTICIPAMOS OS DE 5º EP!!!

Xov, 20/04/2023 - 11:41 — admin
Onte, unha representación das cooperativas que creamos en 5º curso de EP, impulsadas polo Proxecto Semente, fomos ao Concello solicitar a licenza de venda dos nosos produtos.
Estabamos moi nerviosos pero saíu todo xenial.
Alí coñecemos a nenos e nenas doutros colexios. O acto celebrouse no Salón de Plenos, un lugar belísimo, case tanto coma nós, que fomos moi elegantes.
A alcaldesa felicitounos e animounos a seguir traballando porque o mercado xa será o vindeiro 19 de maio.
Queda pouco tempo e moito por facer.

Ademais Pablo Díaz Bouza entrevistounos para o programa "Hoy por hoy", de Radio Coruña. Mirade que ben falamos...

(Audio)
 

Seguiremos informando, querido colexio.
 
 
 
 
 
 
 
 
 
Distribuir contido


by Dr. Radut