CEIP PLURILINGÜE de SAN ROQUE - CORÓN

Estimadas familias, informamos de que se publicou a Orde que regula o Fondo Solidario de Libros de Texto e axudas para material escolar.

Poden presentar a solicitude vía electrónica mediante a aplicación fondolibros (pulsa para acceder) ou de xeito presencial, presentando o impreso debidamente cumprimentado xunto coa documentación requerida.

Os impresos poden pedilos no centro ou descargalos AQUÍ. O prazo de presentación remata o MÉRCORES 21 DE XUÑO.

A renda a ter en conta é a do ano 2022

Documentación a presentar:

• Anexos I e II debidamente cumprimentados
• Fotocopia do Libro de familia onde figuren o alumno/a e os demais membros computables da unidade familiar
• Fotocopia do DNI (se se opón á consulta)
• Declaración da renda do 2022 (se se opón á consulta)
• Certificación de discapacidade (se é o caso)
• Percepción de pensión por incapacidades (se é o caso)
• Sentencia xudicial de divorcio (se é o caso)
• Volante de convivencia (se o solicitante carece de DNI e Libro de familia)
• OUTROS: violencia de xénero, incapacitación, garda ou tutela da Xunta de Galicia...

1º e 2º de Primaria: Vale para libros de Texto e vale para material escolar 

-  Renda per cápita familiar igual ou inferior a 6.000 €: 240 €.

-  Renda per cápita familiar superior a 6.000 € e igual ou inferior a 10.000 €: 160 €. 

3º e 4º de Primaria: Fondo de libros de texto e vale para material escolar

-  Alumnado con renda per cápita familiar igual ou inferior a 6.000 €: seis (6) libros de texto.

-  Alumnado con renda per cápita familiar superior a 6.000 € e igual ou inferior a 10.000 €: catro (4) libros de texto.

5º e 6º de Primaria: Vale para material escolar. Nestes cursos non hai libros de texto por ser EDIXGAL

 A contía da axuda para adquirir material escolar:

- Renda per cápita familiar igual ou inferior a 6.000 €: 75 €.

- Renda per cápita familiar superior a 6.000 € e igual ou inferior a 10.000 €: 60 €

Máis información nas páxinas web:

• Sede Electrónica da Xunta

Infórmase de que foron admitidas todas as solicitudes presentadas durante o período de admisión para 4º Educación Infantil e para 1º de Educación Primaria.

As listas pódense consultar de forma:

• Presencial: Única e exclusivamente no taboleiro de anuncios situado no interior do edificio escolar.
• Non presencial: Única e exclusivamente a través da aplicación admisionalumnado empregando a Chave365 ou certificado dixital da Fábrica Nacional da Moneda e Timbre.

Comunicarase o prazo de apertura de formalización de matrícula e a documentación que deberá ser presentada cando se dispoña da información. 

Clic sobre este enlace:  Información sobre a admisión alumnado

O claustro do CEIP Plurilingüe de San Roque deséxalles a toda a comunidade educativa un bo ano 2024.

Repoluga elaborou unha lista de libros recomendados para ler ou para agasallar neste Nadal. 

Na lista recóllense unha serie de libros escritos por O Hematocrítico, Miguel López, que naceu na Coruña en 1976. Foi profesor de educación infantil, inglés e primaria, creador de contidos, escritor, podcaster..., e que faleceu o 27 de novembro de 2023 á temperá idade de 47 anos. Visitou o noso centro nalgunha ocasión.

Do 11 ó 15 de decembro o noso centro colaborou ca asociación "Doamos e axudamos" a recoller alimentos e produtos de hixiene.

Damos as grazas a todos e todas que fixeron unha doación.

As/os maiores do CEIP Plurilingüe San Roque compoñen a letra e editan este video "molón" para presentar a todo o centro as normas de funcionamento da nosa Biblioteca.

Grazas pola vosa implicación.

Felicidades fixéstedes un gran traballo.

Presentación por parte do alumnado de 6º de Educación Primaria ó alumnado de 6º de Educación Infantil do funcionamento da biblioteca.

O días non lectivos no noso centro son:

• LUNS 15 DE XANEIRO 2024
• LUNS 20 DE MAIO 2024