Andaina/Ruta deportiva. Día do Medio Ambiente
Enviado por admin o Lun, 20/06/2022 - 00:00Para conmemorar o Día do Medio Ambiente, todo o alumnado e profesorado do centro realizou unha andaina e/ou ruta deportiva en bicicleta pola contorna da vila. Culminou coa visita á Aula da Natureza da Fonsagrada, por tratarse dun fermoso enclave natural. Neste espazo verde, rodeado de natureza, realizamos diversas actividades de convivencia que incluiron xogos variados e unha merenda grupal.
Gustaríanos agradecer especialmente a Nuria e a Quique, a súa colaboración e implicación nesta actividade deportiva. Aquí vos deixamos mostra da xornada.
PATIOS DINÁMICOS EN ACCIÓN!
Enviado por admin o Mér, 15/06/2022 - 00:00Durante este curso escolar foi posible ampliar e diversificar as zonas de xogo xa existentes nos tempos de lecer, ao incorporar un abano diverso de novos xogos pintados no chan:o twister, un campo de chapas, unha portería multifunción, o xogo do tres en raia, e un circuíto deportivo. A música e o baile tamén foron gañando paulatinamente protagonismo.
Salientar que a creación da figura d@ encargad@ de material semanal, contribuiu a potenciar entre os discentes un uso responsable e eficiente dos diferentes materiais de xogo que se empregaban por cursos durante os recreos. Aquí vos deixamos mostra dos patios dinámicos en acción!.
Visita a Ribadeo. Programa Aliméntate Ben: "Ti si que es un bo peixe"
Enviado por admin o Mér, 01/06/2022 - 00:00Mostra das actividades desenvoltas durante a visita a Ribadeo do alumnado de 3º, 4º, 5º e 6º de ed.primaria, e enmarcadas dentro do programa de alimentación saudable: Aliméntate Ben, baixo o lema: "Ti se que es un bo peixe".
Letras Galegas 2022
Enviado por admin o Lun, 23/05/2022 - 00:00Aquí vos deixamos unha mostra das diversas actividades realizadas este curso para conmemorar o noso Día das Letras Galegas e homenaxear ao autor Florencio Delgado Gurriarán, a quen se lle adican este ano. O baile e a diversión acompañaron tamén esta fermosa xornada!.
Letras Galegas 2022. Actuación do grupo: Antaruxas e Sorteiros
Enviado por admin o Lun, 23/05/2022 - 00:00Na xornada de celebración das Letras Galegas, puidemos gozar tamén da compaña de antigos alumn@s integrantes do Grupo musical "Antaruxas e Sorteiros", que nos deleitaron co baile da canción de "Terra", do grupo Tanxugueiras, así como con outras pezas tradicionais galegas. A súa visita fíxonos mover o esqueleto a tod@s e gozar do noso rico folclore popular.
CONVOCATORIA AXUDAS DE LIBROS DE TEXTO E MATERIAL ESCOLAR - CURSO 2022 - 2023
Enviado por admin o Ven, 20/05/2022 - 12:20Ábrese o prazo para participar no fondo solidario de libros de texto e recibir axudas para adquirir libros de texto e material escolar para o vindeiro curso 2022 - 2023.
Día Internacional contra o Acoso Escolar
Enviado por admin o Ven, 13/05/2022 - 00:00Aquí vos deixamos unha mostra das actividades realizadas no centro para conmemorar o Día Internacional contra o Acoso Escolar, co obxectivo de concienciar ao alumnado da necesidade de erradicar calquer forma de acoso escolar.
Excursión á "Aldea das Formigas", en San Clodio
Enviado por admin o Ven, 13/05/2022 - 00:00O pasado 9 de maio realizamos unha excursión a Lugo para gozar dunha sesión de cine, e seguidamente visitamos San Clodio para coñecer a famosa "Aldea das Formigas", un fermoso e singular espazo de creación onde o emprego de materiais reciclados e a creatividade impregnaban cada recuncho. Aquí unha pequena mostra desta experiencia! .
Aliméntate Ben: Charlas informativas
Enviado por admin o Mar, 29/03/2022 - 14:00A través do Programa "Aliméntate Ben" que se desenvolve no centro, realizáronse recentemente varias actividades informativas para concienciar sobre a importancia de adquirir hábitos alimenticios óptimos:
- O día 4 de marzo, asistiu un nutricionista ao colexio para explicar ao alumnado de ed. primaria a relevancia dunha correcta alimentación, e pautas para elaborar almorzos saudables.
- O día 29 de marzo, tivo lugar unha charla no centro dirixida, neste caso, aos proxenitores, e enfocada a concienciar e achegar propostas para crear pratos saudables nos fogares.
Aquí vos deixamos unha pequena mostra de ambas xornadas informativas.
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- …
- seguinte ›
- última »