O colexio aceptou, un ano mais, a invitación da Comunidade de Montes de Camposantos para colaborar na reforestación da zona do Chans que están a levar a cabo. Tódolos nen@s formaron parellas para prantar cadansua árbore.
Ao rematar convidaron a nen@s a froita e auga para a merenda.
Foi unha actividade moi emotiva e agradecemos de corazón a invitación.
O día 21 de febreiro conmemorábase o Día da Lingua Materna e o Día 24 de febreiro é o Día de Rosalía. Dende o colexio realizamos unha celebración conxunta para que elaboramos este mural.
O 15 de febreiro celebrábase o Día do Cancro Infantil. Dende o colexio o conmemoramos cunhas pegatinas e un acto colaborativo coa asociación "Bicos de Papel". Por mor da chuvia este último acto tívose que aprazar ata o luns.
O venres, 16 de febreiro, tivémolo enterro do Meco-Espada 2018. Como tódolos anos, vestímonos de gala, degustamos uns ricos doces de entroido e choramos un pouquiño polo fin de festas.