O luns 26 de febreiro de 16:30 a 17:30 horas terá lugar unha Xornada de Portas Abertas para quen queira vir coñecer o noso centro.

Pregámosvos que confirmedes asistencia a través do noso enderezo electrónico: ceip.tabeaio@edu.xunta.gal

Clicade aquí para ver o cartel en grande

O Decreto 13/2022, do 3 de febreiro e a Orde do 21 de outubro de 2022 da Consellería de Educación e Ordenación Universitaria, regulan o procedemento para a admisión e matriculación do alumnado nos centros docentes sustentados con fondos públicos que imparten ensinanzas de 2º ciclo de educación infantil, primaria, educación secundaria obligatoria e bacharelato.

RESERVA DE PRAZA:

• Para o alumnado que en 3º de Educación Primaria desexa continuar estudos no centro de adscrición (CEIP Vicente Otero Valcárcel).

• O prazo de presentación de solicitudes é do 15 de xaneiro ao 5 de febreiro. 

Acaba de rematar o Nadal e xa estamos pensando na próxima festa!

O Entroido é a seguinte parada e este ano, tendo en conta a temática do proxecto Voz Natura "Flora e fauna autóctonos", imos ir disfrazados de polbo.

A continuación tedes unha breve infografía sobre como podedes facer o voso desfrace.

Estamos desexando ver as vosas creacións. Estamos seguras de que seredes moi, pero que moi orixinais!

Se clicades aquí podedes ver a imaxe con mellor calidade.

Continuamos coa conmemoriación do Día Internacional contra a Violencia de Xénero. Hoxe facendo unha actividade conxunta. Os maiores axudamos aos pequenos a escribir nun lazo violeta palabras contra a violencia.

Ao longo desta semana conmemoraremos o 25N, Día internacional contra a Violencia de Xénero. Ademais das actividades que levemos a cabo no centro queremos contar coa vosa colaboración para elaborar unha nube de palabras contra todo tipo de violencia.

Só tedes que ingresar no seguinte enlace e introducir ata 3 palabras (non é obligatorio introducir 3, podedes poñer 1 ou 2).

Ao finalizar esta semana compartiremos o resultado a través da web.

Animádevos!

Enlace á nube de palabras

O martes desfrutamos dunha gran festa a cargo da ANPA "Os rapaciños".

Comemos castañas, desfilamos, comemos larpeiradas, tivemos un concurso de cabazas e desfrutamos dun contacontos!

Velaquí podedes ver o ben que o pasamos. 

Taller de primeiros auxilios

O venres, como anos pasados, levamos a cabo un taller de primeiros auxilios a cargo de dúas mamás do cole (María e Lucía).

Tamén aprendemos a canción da reanimación.

Gracias, María e Lucía!

O curso escolar comeza o luns 11 de setembro de 2023 no horario habitual, agás para o alumnado de nova incorporación de educación infantil, que seguirá o horario do período de adaptación, sempre que sexa posible.

As reunións previstas durante o mes de setembro son:

-Reunión período de adaptación alumnado de infantil de nova incorporación ao centro: martes 5 de setembro ás 13:00 horas.

-Reunión grupal educación infantil: luns 25 de setembro ás 16:00 horas.

-Reunión grupal educación primaria: luns 25 de setembro ás 17:00 horas.

O Diario Oficial de Galicia (DOG) ven de publicar a ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24.

Aplicación Fondo Libros