Rematamos a unidade de Ciencias Sociais adicada ao 'Tempo Meteorolóxico'. Aquí tedes o video que fixemos como remate coa cacnión 'Botas de goma' de Pablo Díaz:
Tedes máis info no blog de Primaria: http://trasnosnaescola.blogspot.com/2021/01/traballamos-o-tempo-atmosferico.html
Ola familias!
O vindeiro xoves 14 de xaneiro e ata o mércores 27 porase en marcha o 1º período de reparto de froita na escola.
O proxecto ten por obxecto o fomento do consumo de froitas frescas e configurar hábitos alimentarios saudables no alumnado. Deste xeito durante estes días os nenos poderán tomar na escola froitas de temporada coma uva, melón, plátano, pera, arándano, kiwi, mazá ou granada.
Tedes máis info sobre o proxecto en: Aliméntate ben.
Unha aperta!
De acordo co establecido na ORDE do 18 de decembro de 2020 pola que se modifica a Orde do 12 de marzo de 2013 que desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006
Dende o centro desexámosvos unhas felices festas!!!
Esperamos que disfrutedes deste vídeo feito polos nenos e nenas do noso centro.
Bo día familias!
A Consellería de Educación ven de publicar a ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020/21 (código de procedemento ED330E).
ALUMNADO DESTINATARIO:
Alumnado matriculado en Educación Primaria (non para Educación Infantil)
Ola familias!
Seguro que tedes algunhas dúbidas e preguntas sobre o deseño e as adaptacións a este curso tan singular. No 'Protocolo de Adaptación ao contexto COVID-19 do CEIP de Tabeaio' atoparedes moitas das respostas. Tamén tede en conta que será un documento actualizable según as circunstancias que vaian xurdindo. Imos pola versión 4.0. Trátase dun documento baseado en instruccións da Consellería de Sanidade e Educación. Podedes ver o documento premendo AQUÍ. Se queredes ver o derradeiro protocolo oficial da Consellería de Educación podedes premer AQUI.
Unha aperta!
Para dar a coñecer as modificacións que poremos en marcha na escola co inicio de curso e para explicar o desenvolvemento do plan de actuación por mor da COVID-19, este vindeiro luns 14 de setembro levaremos a cabo reunións por nivel con diferentes grupos familias en diferentes horarios:
Estas reunións terán lugar nas aulas de Infantil e Primaria baixo as seguintes normas de seguridade:
- Un único asistente por alumno/a.
- Separación entre cadeiras dun mínimo de 1,5m.
- Obrigatorio o uso de máscara entre os asistentes.
- Entre reunións haberá entre 10’- 15’ de separación, tempo no que se ventilará a aula e realizaranse labores de limpeza nas cadeiras empregadas.
Calqueira dúbida ou consulta podedes enviar un correo electrónico a ceip.tabeaio@edu.xunta.gal
Ola familias!
Tedes adxunto abaixo o 'Programa de Acollida' aprobado esta mañá no Consello Escolar. Inclue todalas medidas que vai adoptar o centro para a súa reapertura por mor dos efectos da Covid-19: Organización e horario de accesos, reunión coas familia; actuación relativas a prevención, hixiene e protección; medidas para a mellora da competencia dixital e emocional dos nenos.
Calqueira dúbida ou consulta recordade que tedes o correo electrónico do centro: ceip.tabeaio@edu.xunta.gal
Moito ánimo!
Ola familias!
Tedes abaixo nun adxunto a circular de principio de curso con algunha das novidades nas normas, organización e horario de entradas e saídas ao centro escolar.
Unha aperta!
Bo día,
Achégase o modelo de declaración responsable para as familias por mor da Covid-19 para o curso 2020/2021. Tedes na web da Consellería toda a información que precisedes. Para acceder pinchade na imaxe:
Tamén achéganse as autorizacións de uso da imaxe persoal e saídas escolares.
Sempre que vos sexa posible, e para evitar a manipulación innecesaria de documentos, é recomendable que os imprimades e os traiades asinados ao centro.