Estimadas familias!

Trala constitución hoxe da Xunta Electoral, dende o xoves 10 de novembro ás 9:00 horas ábrese o prazo para a presentación de candidaturas e a consulta do censo electoral que estará dispoñible no centro. Tamén as posibles reclamacións ao censo de existiren algún erro.

O prazo de presentación de candidaturas e reclamacións ao censo rematará o vindeiro xoves 17 de novembro ás 9:00 horas.

Ola familias, tal e como recolle a Resolución do 26 de maio de 2022 da Dirección Xeral de Educación, publicamos as instrucións para o inicio deste curso 2022/2023, entre as que destacan os seguintes aspectos:

• Inicio de curso: 9 de setembro (o día 8 é festivo local).
• Volta aos antigos horarios de entradas e saídas (detalles no apartado 3 do documento).
• Reunión do período de adaptación o luns 5 de setembro ás 13:00 horas na aula de infantil. Acudir preferentemente un único responsable e sen nenos/as.
• Secuenciación do período de adaptación (no anexo I do documento).
• Reunións de inicio de curso: luns 12 de setembro. Educación Infantil ás 16:00 horas e Educación Primaria ás 17:00 horas. Acudir preferentemente un único responsable e sen nenos/as.

Ao non presentarse candidaturas de nais e pais para o Consello Escolar do CEIP de Tabeaio, e segundo recolle o 'artigo 39 do Decreto 374/96 do 17 de outubro, polo que se aproba o Regulamento orgánico das escolas de educación infantil e dos colexios de educación primaria' "1. Dos representantes que lles corresponden aos pais no Consello Escolar un será proposto pola asociación de pais máis representativa...", proclámase como representate das nais e pais no Consello Escolar do CEIP de Tabeaio ao proposto pola ANPA non sendo, por tanto, necesaria ninguha votación. 

Estimadas familias!

Trala constitución onte da Xunta Electoral, dende mañá ábrese o prazo para a presentación de candidaturas e a consulta do censo electoral. Tamén as posibles reclamacións ao censo de existiren algún erro. 

O prazo de presentación de candidaturas rematará o vindeiro xoves 11 de novembro.

Ola familias!

Poñemos a disposición da comunidade educativa a actualización dos plans de Adaptación e Continxencia do CEIP de Tabeaio para o curso 2021/2022. Os podedes descargar no menú da dereita da web 'INFO COVID-19' ou no Menú de 'SECRETARÍA' - Documentos na esquerda da web.

Unha aperta!

Ola familias!

Tedes abaixo nun adxunto a circular de principio de curso con algunha das novidades nas normas, organización e horario de entradas e saídas ao centro escolar.

Unha aperta!

Bo día,

Achégase o modelo de declaración responsable para as familias por mor da Covid-19 para o curso 2020/2021. Tedes na web da Consellería toda a información que precisedes. Para acceder pinchade na imaxe:

Tamén achéganse as autorizacións de uso da imaxe persoal e saídas escolares.

Sempre que vos sexa posible, e para evitar a manipulación innecesaria de documentos, é recomendable que os imprimades e os traiades asinados ao centro.

Ola familias!

Achégase o listado de material para as aulas de Infantil e Primaria para o vindeiro curso 2020/2021. Podédelo descargar nos adxuntos.

A entrega do material realizarase, para evitar aglomeracións un día de escola, o mércores 9 de setembro de 10 a 14h. Deberá vir todo nunha bolsa co nome do neno/a.

Moito ánimo e unha aperta!

Ola familias!

Hoxe é o derradeiro día de escola deste curso 2019/2020, tan accidentado pola COVID-19. Xa tedes a vosa disposición na aplicación abalarMóbil as cualificación finais dos nenos.

Sen festa de fin de curso, sen despedida para os rapaces/as de 2º de Primaria... deixámosvos este vídeo resumo con algunhas das cousas que fixemos este ano. Bo verán para todos! Vémonos en setembro!