CEIP Torre-Illa

BENVIDA

Benvidas e benvidos á páxina web do CEIP Torre Illa !

Aquí podedes acceder a toda a información que precisedes do noso colexio.

Grazas por visitarnos !!!

APERTURA PRAZO SOLICITUDE TRANSPORTE ESCOLAR

DATA: do 20 ao 31 de Maio

Solicitudes: premendo aquí

Lugar de entrega: no colexio

As solicitudes do alumnado que queira facer uso por primeira vez deste servizo deberán acompañarse dun certificado de empadroamento. Os usuarios que xa están facendo uso este curso do transporte escolar deberán renovar na secretaría do colexio a solicitude presentando o impreso correspondente:

Usuario lexítimo: Co domicilio a máis de 2 km do centro.

Usuario excepcional: Co domicilio a menos de 2 km do colexio e a máis de 500m.

APERTURA PRAZO CAMBIO RELIXIÓN/PROXECTO COMPETENCIAL

DATA: do 20 ao 31 de Maio

Solicitudes: solicitar no colexio

Lugar de entrega: no colexio

RESOLUCIÓN DEFINITIVA DE ADMISIÓN DE ALUMNADO PARA O CURO 2024/2025

Todas as solicitudes de admisión presentadas en prazo ordinario foron admitidas de xeito definitivo. Pode consultarse a listaxe no taboleiro interno do centro.

Entre o 20 e o 30 de xuño deberá formalizarse a matrícula. Xunto co formulario de matrícula, que poderá recollerse na secretaría do centro, deberá aportarse a seguinte documentación:

- Fotocopia do DNI do alumno ou da alumna (se ten e non a entregou con anterioridade).

- Fotocopia do DNI dos proxenitores (se non se entregou con anterioridade).

- Fotocopia do libro de familia (se non se entregou con anterioridade).

- Fotocopia da tarxeta sanitaria da alumna ou alumno.

-Fotocopia do libro de vacinas.

- Dúas fotos tamaño carnet.

ESCOLA DE NAIS E PAIS CEIP TORRE ILLA

ADMISIÓN DE ALUMNADO PARA O CURSO 2024/2025

O prazo de presentación de solicitudes será desde o 1 ata o 20 de marzo. As familias poderán cumprimentar as solicitudes de admisión de xeito manual ou a través da aplicación Admisiónalumnado no menú: Solicitudes > Admisión > Crear. Esta solicitude deberase presentar na secretaría do CEIP Torre Illa ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a SEDE ELECTRÓNICA, para o que se precisará de Chave365 ou certificado dixital, sendo esta a canle preferible de presentación.

Enlace a impreso editable de solicitude de admisión.

Enlace á plataforma de admisión do alumnado.

IMPORTANTE: A solicitude, xunto co Anexo II Bis deberá vir asinada por calquera das persoas proxenitoras, titores ou acolledores do menor, e acompañada polo consentimento asinado da outra persoa proxenitora, titora ou acolledora (salvo situacións de violencia de xénero).

Documentación que se debe achegar xunto coa Solicitude + Anexo II Bis:

- Fotocopia do DNI do alumno e copia do libro de familia ou documento equivalente onde figure o/a alumno/a e os demais membros da unidade familiar.

- Certificado de matrícula e/ou certificación do/s curso/s realizado/s anteriormente se se solicita un curso diferente a 4º de ed. infantil.

- De se dar o caso, sentenza xudicial de separación ou divorcio e/ou convenio regulador onde conste a custodia do menor.

XORNADA DE PORTAS ABERTAS EN EDUCACIÓN INFANTIL

O martes 27 de febreiro de 2024, entre as 16 e as 17 horas realizaremos unha xornada de portas abertas para dar a coñecer a oferta educativa en Educación Infantil e as instalacións do centro. Todas as persoas que o desexen poden acudir a coñecernos.

LISTAXE DEFINITIVA DE ALUMNADO CON POSTO RESERVADO

Todas as solicitudes de praza para o curso 2024/2025 do centro adscrito CPR Sonrisas y Lágrimas para 1º de Educación Primaria foron admitidas e treñen praza reservada. Pódese consultar a listaxe no taboleiro interior do colexio.

Entre o 20 e 30 de xuño deberase formalizar a matrícula na secretaría do CEIP Torre Illa.

Igualmente, todas as solicitudes de praza para o curso 2024/2025 de 6º de Educación Primaria para 1º de EducaciónSecundaria no IES Illa de Arousa presentadas en prazo foron admitidas, e treñen praza reservada. Pódese consultar a listaxe no taboleiro interior do colexio. Do 23 de xuño ao 7 de xullo deberase formalizar a matrícula no IES.

RESERVA DE PRAZA PARA O CURSO 2024-2025

Entre o 15 de xaneiro e o 5 de febreiro de 2024, o alumnado que pretenda continuar estudos no IES da Illa de Arousa, ou o alumnado do CPR Sonrisas y Lágrimas que queira continuar estudos neste centro, deberá presentar no centro de orixe, ou a través da aplicación "admisionalumnado" (https://www.edu.xunta.es/admisionalumnado/) o formulario ANEXO I .

Os prazos máis salientables dos previstos na ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C) son:

Reserva de praza no centro de orixe: Do 15 de xaneiro ao 5 de febreiro.
Prazo para renunciar á praza reservada: 28 de febreiro.
Presentación da solicitude de admisión: 1-20 de marzo. Todo o alumnado incluido no ámbito de esta orde poderá presentar solicitude de admisión, pedindo ata 6 centros por orde de preferencia, e alegando os criterios de admisión que pretenda que se valoren. A solicitude de admisión dirixirase ao centro solicitado en primeiro lugar. Despois de presentar solicitude de admisión, para renunciar a ela deberá facerse expresamente, indicando na casilla correspondente da nova solicitude que debe presentarse.
Presentación da documentación acreditativa dos criterios de baremo, no caso de baremación: 10 días hábiles contados a partir dos dous días seguintes ao remate do prazo para presentar solicitudes de admisión.
Publicación das listaxes provisionais de persoas admitidas: Antes do 25 de abril.
Formalización da matrícula: Do 20 ao 30 de xuño.

Postos escolares ofertados para reserva de praza en 4º de Educación Infantil (3 anos): 20

PREMIO NACIONAL BOAS PRÁCTICAS EN CENTROS DOCENTES

O Ministerio de Educación e Formación Profesional concedeu ao CEIP Torre Illa o premio nacional de «Boas Prácticas en centros docentes» grazas ao proxecto "Enredando coa pesca" levado a cabo no curso 2021-2022.

Fai clic para ler a nova do xornal: