CEIP Víctor Sáenz

O venres día 14 de decembro, celebrouse na biblioteca do noso centro o DÍA DOS DEREITOS DOS NENOS ademais da IX Carreira Kilómetros de solidariedade da ONG Save the Children, este ano adicado ao Sahel (Níxer). A carreira non se poido levar a cabo polo mal tempo, pero si o resto dos actos previstos. Tamen se recadaron, como tódolos anos, cartos para enviar á ONG, que nestes días se ingresaran na conta correspondente.

O luns día 3 de decembro de 2012, celebrouse no circuito de Campo a Través de Negreira (en fronte ao IES Xulián Magariños) a Fase Comarcal de Campo a Través escolar. Os nenos anotados para ir correr esta carreira xa levaron a información pertinente para os seus pais. A proba comezou ás 11 horas e a participación dos/as nenos/as foi fantástica. Reseñar a medalla de 3ª clasificada da alumna de 3º curso SHEILA LAGO SILVA. NORABOA A TODOS!!!!! Pica na foto para ver as fotos dos nosos atletas.

O mércores día 28 de novembro de 2012, fomos de excursión cos/as alumnos/as de primaria a visitar ás 10:30 as instalacións de Feiraco e ás 12:15 visitamos as instalacións de Lácteos Pérez na Pereira. Ao rematar viñemos xantar ao centro. Os alumnos de infantil irán tamen a Lácteos Pérez, pero ainda está a data sen concretar. Esta actividade é organizada polo Concello de Mazaricos que financiará os autobuses. 

O venres día 9 de novembro pola tarde, celebraremos O MAGOSTO. Ás 3 da tarde teremos a actuación do HOME ORQUESTRA, actividade que se organiza a través dun convenio entre a Deputación e a Anpa, e que quedara aprazada do curso pasado. Ás 4 da tarde comeremos as castañas, asadas previamente. Para ver máis fotos, picade el calquera de estas.

Os/as gañadores/as do CONCURSO DE CABAZAS 2012 foron os seguintes:

(PARA VER AS FOTOS DO CONCURSO, PICADE EN CALQUERA DAS FOTOS QUE APARECEN A CONTINUACIÓN)

ED. INFANTIL: Jorge Lema Zamora (4 anos)

1º CICLO PRIMARIA: Andrea Carballo Pombo (2º)

2º CICLO PRIMARIA: Adrián López Castiñeira (3º)

3º CICLO PRIMARIA: Xabier París Moledo (5º)

E os/as gañadores/as do CERTAME DE RELATOS DE MEDO 2012 foron os seguintes:

ED. INFANTIL: Tódolos nenos de Ed. Infantil

1º CICLO PRIMARIA: Ainhoa Cal Currais (1º)

2º CICLO PRIMARIA: Uxía Dacunha París (4º)

3º CICLO PRIMARIA: Paula Germil Calo (5º)

Estos RELATOS DE MEDO, podédelos visualizar completos picando en cada un deles ou no noso BLOGUE DA BIBLIOTECA.

O 31 de outubro, e días antes, celebraremos a festividade do SAMAÍN no colexio con diversas actividades. Entre elas o III CONCURSO DE RELATOS DE MEDO (organizado dende a comisión de biblioteca e o ENLG). Tamén a partir do luns día 29 comezará o CONCURSO DE CABAZAS como tódolos anos. Este ano en vez de levar a cabo obradoiros, teremos o visionado de películas para os diferentes ciclos sobre o medo. Xa temos no centro unha morea de cabazas, ben traballadas, para participar no Concurso de Cabazas 2012-2013, que se celebra no centro.

Como ben sabedes o curso pasado desenvolvimos no centro moitas actividades relacionadas co bosque. Unha das actividades que máis ilusión nos facía tanto aos ao alumnos como aos profesores era unha visita ás FRAGAS DO EUME, que tivemos que aprazala por motivos climatolóxicos. Esta vez si, e como di o refraneiro popular "Máis vale tarde, que nunca" a hora chegou. O venres día 28 de setembro, visitamos este Parque Natural cos alumnos de 2º e 3º ciclo de Ed. Primaria, saindo do centro ás 10 da mañá e regresando ás 16:30 da tarde. Fixemos unha visita-camiñata guiada polas fragas de 12:00 a 14:00 horas, e despois xantamos na alameda das fragas, bocatas e demais comida preparada polo comedor, voltando para o colexio e chegando ás 16:30 horas para que os alumnos colleran os buses de camiño a casa, como é habitual.