CEIP Víctor Sáenz

O luns 11 de setembro comezamos este novo Curso 23-24. Esperemos que sexa continuación de todos estes anteriores cursos. Para comezar o día o mestre de Música Óscar preparou unha canción para darnos todos a coñecer e romper o xeo do 1º día. BENVIDOS AO CURSO ESCOLAR 23-24!!!!!

O 24 de outubro celébrase o DÍA DAS BIBLIOTECA. E no noso centro, para celebralo, tivemos unha actividade, o martes día 25 de outubro, co grupo GALEATRO que representou en dúas sesións na Biblioteca do cole "AS AVENTURAS DE MARIÑA" sobre o exceso de plástico nos nosos mares, enlazando así co noso Proxecto Integrado de Centro sobre "A PEGADA ECOLÓXICA".

Como ben sabedes pronto chega a festa do SAMAÍN, e no centro pensamos que é importante celebrar as nosas tradicións, polo que, entre outras actividades, convocamos unha nova edición do "CONCURSO DE CABAZAS".

Lembrade que o obxectivo desta actividade é realizar un traballo en equipo, colaborando todos os membros da familia que poidan e queiran: as persoas maiores encargaranse de cortar, baleirar o seu interior, etc.; as nenas e nenos poden pintar, colorear, etc.

MOI IMPORTANTE: Recordade que a temática deste curso 22-23 no centro é "A PEGADA ECOLÓXICA"

Unha vez rematadas, traerémolas ao colexio para expoñer no corredor, onde lle será asignado un número para realizar a votación das que máis nos gusten. Para evitar que podrezan, comezaremos a colocales o luns, 24 de outubro, e a data límite para entrar no concurso será o mércores, 26 de outubro. O venres día 28, entregaranse os premios ás tres cabazas que máis votos reciban.

ANIMÁDEVOS A PARTICIPAR!!!!!

Picando no cartel tedes toda a información do Copcurso e máis...

Tivemos a sorte de contar na nosa Biblioteca coa presenza de Mario pertencente á Compañía Teatral "A XANELA DO MAXÍN" co seu espectáculo TOUPICIENCIA. Mario xunto coa Toupiña transformaron un anaco da Biblioteca nun laboratorio no que quedou moi claro que o máis importante é ler para descubrir cousas fantásticas. Aquí vos quedan as imaxes de ese día.

Recibimos no cole a Sara Carrasco e Silvia Iglesias que forman 13 GRADOS que é unha cooperativa creada no 2020. Así levaron adiante un Obradoiro sobre ILUSTRACIÓN CIENTÍFICA. Os nenos observaron a natureza do fondo mariño para logo debuxala e coloreala. Foi unha actividade que nunca olvidarán xa que como recordo de ese día quedáronlles unhas ilustración espectaculares.

O pasado día 28 de abril foi o DÍA INTERNACIONAL DAS RAPAZAS NAS TIC, e no cole fixemos varias actividades para celebralo. Unha delas, a máis emotiva, foi a de invitar ás familias a vir ao centro e falarnos sobre como a tecnoloxía mellorou as nosas vidas e os nosos traballos. Acompañáronnos Estefanía, Simón e Mónica, Nais e pai do alumnado de 3º e 4º de Primaria. Os tres fixeron unha exposición dos seus traballos en tres ámbitos diferentes: o forestal, o administrativo e o da saúde bucodental. Gracias a todois eles.

Recibimos a visita moi especial: un CUARTETO DE MÚSICA da REAL FILHARMONÍA DE GALICIA, auténticos profesionais. A frauta travesera tocada por Luís Soto, o violín por Nikolay Velikov, a viola por Ioana Ciobotaru e o viloncello tocado por Millán Abeledo. Estiveron case que toda a mañá tocando música de Mozart e deixaron aos nenos e nenas tocar os seus instrumentos. Unha clase moi didáctica. Todo xurdiu a raíz do libro que temos no Clube de Lectura de Fina Casaderrey "O xenio da Cidade do Sal". Un maravilloso día de exquisita música. Podedes ver as fotos eiquí.

Adicamos esta semana á Ciencia con duas sesións de CIENCIA EN MOVIMIENTO en dous días diferentes. Así Suso e Amparo trouxeron propostas relacionadas cos Planetas e a Astronomía, proxecto que estamos a traballar neste curso no cole. Así un día foron os de Infantil e 1º e 2º de Primaria os que disfrutaron destes obradoiros e ao día seguinte o alumnado de 3º a 6º de Primaria. Traballamos o Sistema Solar, Os Planetas, as Fases da Lúa, etc... e fixemos experimentos moi interesantes. mIRADE QUE FOTOS MÁIS CHULAS!!!!!

Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022-2023, que saíu publicada no Diario Oficial de Galicia o día 18 de maio de 2022 (código procedemento: ED330B).

O PRAZO PARA PRESENTAR AS SOLICITUDES É DENDE O DÍA 19 DE MAIO ATA O DÍA 22 DE XUÑO DE 2022 E PÓDESE PRESENTAR NO CENTRO OU DE XEITO TELEMÁTICO COA CHAVE 365

- Fondo solidario de libros de texto (préstamo libros): só para o alumnado que vaia a cursar 3º, 4º, 5º e 6º de primaria.

- Axudas para a adquisición de libros de texto: só para o alumnado que vaia a cursar 1º e 2º de primaria.

- Axudas para a adquisición de material escolar: todo o alumnado que vaia a cursar educación primaria, cando reúnan os requisitos establecidos na Orde.

ENLACE AO FONDO LIBROS

ENLACE AO MANUAL DE USUARIO DE FONDO LIBROS

ANEXO I E ANEXO II

CIRCULAR INFORMATIVA DO C.E.I.P. VÍCTOR SÁENZ

E por fin, chegou o día. O día no que case parece que estamos na normalidade anterior a toda esta pandemia que levamos padecendo durante dous longos anos. Hoxe o alumnado puido, no recreo da mañá e despois de xantar, quitar as máscaras no patio e disfrutar a tope. Puxemos uns estantes na saída ao patio para que cada grupo deixara alí as súas máscaras cos seus gardamáscaras. A partir de agora, a disfrutar, con sentidiño, pero sen máscara!!!

"NON Á GUERRA" e o lema que colocamos nas fiestras do cole como rechazo ante calquer tipo de violencia, conflito armado, etc... No cole celebramos un acto conxunto, colaborando tamén na recadación de fondos a través da ONG Save the Children, lendo un Manifesto e bailando unha canción do folclore ucraíno titulada "Oi u haiu". Picando nas imaxes poderedes ver fotos e vídeos de ese día.

A ONG "Ayuda en Acción" que desenvolve un proxecto no noso colexio dende o pasado curso, estivo esta semana no cole para ter reunións co profesorado, a ANPA e o alumnado, para analizar a situación na que nos atopamos e sacar conclusións de que camiño queremos seguir. Moitas grazas por todo!!!!!!

Despois das vacacións de Entroido, levamos a cabo unha actividade para rematar con esta celebración: A QUEIMA DO MECO. Fixémolo no patio o 1º día de bo tempo e xunto co Meco tamén queimamos OS MEDOS metidos nunha caixiña, para que o lume levara todo. Mirade as fotos.

Este ano foi un pouco diferente, pero aínda así o MECO fixo que o disfrutaramos do mellor xeito posible, animándonos a traer diferentes complementos ao longo da semana. Así viñemos con estrelas, con gafas enormes, capas voadoras, vestidos de branco-negro e con gorras moi orixinais. Pasámolo de maravilla. Para ver máis momentos, picade nas imaxes.