Chega o último trimestre e con el os gañadores e gañadoras do Froitómetro do mesmo.
Outra ocasión da que sacamos proveito e, tras teren degustado anteriormente amorodos, froita do dragón..., hoxe tivemos a oportunidade de probar o mangostán.
O pasado venres tivemos a oportunidade de coñecer, un poco máis, a importancia do traballo dos axentes e bombeiros forestais. Asistimos a unha charla que promoveu unha maior concienciación sobre a protección do noso medio ambiente e a preservación do monte. Posteriormente, no patio, este persoal altamente cualificado para a extinción de incendios, realizou unha demostración práctica dos medios que utilizan para dito fin. Moitas grazas, foi fascinante!!!!!!
O pasado martes, 16 de maio, no marco das actividades da Semana das Letras Galegas, asistimos ao concerto didáctico do GRUPO ABRIL.
Da man de Antón, Claudia e Abril gozamos de dúas sesións de música Folk nas que todos puidemos cantar entre outros: O cantar do arrieiro, Arrolo ou canto do berce… e bailar: muiñeira, xota, pasodobre…
O alumnado de quinto e sexto participou o 15 de maio nunha charla divulgativa na que tiveron a sorte de desfrutar das verbas de Anxo Rajó Pazó. Este escritor e profesor relatounos a través de anécdotas a biografía de Don Paco Martínez del Riego, homenaxeado este ano no día das Nosas Letras.
-A Asociación de veciños de Coia organiza o domingo 11 de xuño, a partir das 10.30 horas, a XIII Maratón Infantil Intercolexios de Coia.
-Para participardeberán cumprimentar a autorización e entregala no colexio ou na asociación de veciños Cristo da Victoria, ata o 5 de xuño (data tope).
"Aí vén o maio de frores cuberto..." escribía o gran poeta Manuel Curros Enríquez e ao noso centro tamén chegaron o maio e as flores coas que se construíron dous fermosos maios tradicionais que encheron de cor o patio.
Arredor deles as rapazas e rapaces cantaron e bailaron as coplas compostas polo alumnado de 5º e as familias tamén cantaron as súas coplas e interpretaron varias pezas con instrumentos tradicionais galegos.
O noso agradecemento a todas as persoas que colaboraron nesta actividade.
Os alumnos e alumnas de 5°A recibimos o venres 14 de abril a nosa saborosa recompensa por teren sido o grupo do cole que máis froita consumiu no terceiro trimestre.
Con todo o que traía a caixa de agasallo fixemos: brochetas de froita do dragón, macedonia e incluso un guacamole con nachos.