Skip to Content

Día de Rosalía de Castro 2023

Ven, 24/02/2023 - 21:49 — admin

Como cada curso homenaxeamos e lembramos a figura e obra de Rosalía de Castro.

Ademais deste orixinal mural-collage elaborado coas achegas de todos os niveis e grupos e das diferentes actividades desenvolvidas nas aulas sobre a autora e a súa obra, tivemos un taller de pandereteiras para o alumnado de 1º, 2º, 3º e 4º e un taller de mitoloxía tradicional galega para o de 5º e 6º.

Animámosvos a ler a súa obra e a desfrutar da lectura na lingua de Rosalía.

Para saber máis sobre esta autora visita no enlace a páxina da Fundación Rosalía de Castro: Enlace

Día da Paz 2023

Mar, 31/01/2023 - 14:41 — admin

Para conmemorar o Día da Paz deseñamos e desenvolvimos varias actividades interdisciplinares nas aulas.

Dende a clase de música escolleuse a canción Your tribe speaks English para traballar unha coreografía de percusión corporal que ensaiaron en música e nas diferentes titorías e dende a clase de inglés traballouse o significado da letra e a mensaxe que trae implícita. O luns 30 saímos todo o colexio ao patio para cantar e danzar formando as letras do lema Vivamos a Paz.

Así mesmo, decoramos o centro con pombas feitas con técnicas de papiroflexia e a entrada do cole encheuse de postais do refraneiro con mensaxes de paz.

Danzamos, cantamos e, sobre todo, animamos ao alumnado a pensar e a reflexionar.

Preme na imaxe para ver máis fotos

Teatro en inglés 5º e 6º

Lun, 30/01/2023 - 19:49 — admin

Hoxe, 30 de xaneiro, desenvolvimos unha actividade de comprensión de oral en inglés asistindo a unha obra de teatro titulada What monster? no centro Afundación.

O alumnado de 5º e 6º puxo a proba as súas destrezas orais e, de paso, pasouno xenial. Ademais puideron ver a dous compañeiros e unha compañeira do cole saír ao escenario para formar parte do espectáculo. Unhas actuacións improvisadas de alto nivel!

Xornada Portas Abertas 2023

Lun, 23/01/2023 - 13:18 — admin

O martes 31de XANEIRO recibiremos aos pais e nais que desexen coñecer o noso centro.

HORARIO

  • Mañá ás 10.30 horas.
  • Tarde ás 17.00 horas.

Programa consumo froita e leite

Lun, 16/01/2023 - 16:08 — admin

Un ano máis participamos no Programa escolar de consumo de froita, hortalizas e leite nas escolas co obxectivo de fomentar os hábitos saudables.

Ofreceráselle ao alumnado froita de tempada (do 16 ao 27 de xaneiro) e leite (do 23 de xaneiro ao 17 de febreiro).

E non esquezades botar unha ollada na entrada do colexio ao noso reto saudable do mes.

Froitómetro

Ven, 13/01/2023 - 10:34 — admin

Neste curso estamos a participar nos Contratos Programa Innova na modalidade de Edusaúde para trasmitir ao noso alumnado a importancia do coidado do noso corpo e a adopción de hábitos de vida saudables, incidindo na práctica de actividade física e nunha alimentación sa e equilibrada.

Unha das actividades que estamos a desenvolver en todas as aulas é un froitómetro, un rexistro diario dos alumnos/as que merendan froita no colexio. Cada trimestre faise un reconto e os gañadores son galardoados cunha cesta con froita.

Neste primeiro trimestre a clase gañadora foi 5º A! Que desfruten do premio!

Postais de nadal 2022

Xov, 22/12/2022 - 12:34 — admin2

Despois de revisar todos os traballos do alumnado, tivemos que escoller unha postal de cada aula. Foi unha tarefa difícil xa que os traballos estaban moi ben; as postais que se utilizaron no calendario escolar son de:

1º Sofía e Ariana

2º Xoán e Yaiza

3º Son e Sabela

4º Daniel e Eric

5º Luz e Mar

6º Alba e Xela

Grazas a todos/as polo voso traballo!

Podedes ver todos os traballos no seguinte vídeo.

 

 

Calendario de Nadal 2023

Mér, 21/12/2022 - 13:29 — admin2
Como todos os anos celebramos o noso concurso de postais de Nadal coa participación de todo o alumnado. Estas postais adornan os corredores do colexio e forman parte da decoración navideña.
 
Como felicitación de Nadal achegámosvos, a través dos vosos fillos e fillas, un calendario do ano 2023 onde figuran doce postais, unha por cada aula do colexio.

(Clica na imaxe para descargar)

Programa Festival Nadal

Lun, 19/12/2022 - 15:15 — admin
Preme na imaxe para acceder ao programa.

Lecturas Nadal

Mér, 30/11/2022 - 12:00 — admin
Xa tedes as lecturas de Nadal no blog da biblioteca. Non esquezades visitalo. Enlace
Distribuir contido


cep.celso.emilio.ferreiro@edu.xunta.gal

Tfno: 986 29 80 58 - Fax: 986 24 42 49

Rúa O Porriño s/n - 36209, Vigo - Pontevedra
by Dr. Radut