CEP Celso Emilio Ferreiro

Tempo de castañas, tempo de xogos!

Volvemos á nosa habitual celebración do Magosto cunha degustación deste froito de outono que nos prepararon familias e ANPA.

Pero antes tocaban xogos tradicionais por equipos coa colaboración de dúas profes do IES Álvaro Cunqueiro e un grupo de alumnado de 4º da ESO.

O noso agradecemento a todas as persoas que nos axudastes a preparar a celebración desta festa.

Sama, Sama, Samaín que pasaches por aquí deixándonos:

-Unha decoración de ultratumba que nos mergullou no mundo da escuridade e das criaturas horripilantes.

-Unha exposición de cabazas que, grazas á colaboración das familias, invadiron a entrada do colexio.

-Disfraces arrepiantes a mogollón.

-Lendas terroríficas na escuridade do salón de actos con dúas nais moi artistas (Alba e Olalla).

-Un Tragamedos onde botamos todos os nosos medos para durmir mellor esta noite e uns conxuros moi especiais.

-Unha aula de inglés que se converteu no inframundo cuns invitados terroríficos que nos acompañan cada ano e onde xogamos e cantamos para espantar os nosos medos co noso Halloween.

-E unha improvisación musical de última hora coa que o profe Isma e o profe Emilio, xunto cun grupo de alumnado, obsequiaron ás persoas que decidiron pasar pola biblio no recreo.

Informamos a todas as familias beneficiarias do vale de 50€ para a compra de material escolar, que no día de hoxe foi publicada a Resolución de 5 de outubro de 2022 de concesión directa da ampliación da axuda para adquirir material escolar; polo que a partires do luns, 17 de outubro, poderán recoller o vale de 25€ na secretaría do centro escolar. 

Enlace á resolución

Publícase circular con información sobre os horarios do centro, día e hora das reunións de inicio de curso para cada nivel, calendario escolar e outras informacións de interese. Enlace á circular

*Tamén podedes consultar a información publicada o día 5 de setembro sobre o horario do primeiro día de clase para cada nivel e outros aspectos de interese. Enlace

Dámosvos unha afectuosa benvida a este curso 2022-2023 e agardamos que puiderades descansar e desfrutar das vacacións.

O vindeiro xoves, 8 de setembro, iniciamos un curso que nos seus protocolos aseméllanse aos anos previos á pandemia. Á espera dalgunha comunicación oficial seguiranse mantendo medidas de carácter xeral vixentes (uso obrigatorio de mascarillas no transporte escolar, adecuada  ventilación, recomendación do uso de mascarilla nos casos sospeitosos ou confirmados da COVID 19, así como contactos estreitos de positivos…).

*Poderase acceder ao centro pola porta da rúa Porriño ou  pola porta da Av. Castelao.

*As portas A e B (a porta B está na zona biblioteca) corresponden aos patios cubertos e estarán sinalizadas cun cartel.

*Listaxes alumnado: expostas nos patios cubertos.

- Horario alumnado de 3º, 4º, 5º e 6º: de 9.00 h a 14.00 h.
- Horario alumnado de 2º: de 9.30 h a 14.00 h.
- Horario alumnado de 1º: de 10.00 a 14.00 h.

Farase unha pequena xuntanza  de benvida coas familias do alumnado de 1º ás 10 horas no Salón de Actos.

SERVIZO DE COMEDOR E TRANSPORTE

-Funcionará dende o primeiro día.

LIBROS E MATERIAL