CEP de Cespón

O alumnado do noso centro participou no certame de elaboración de marcapáxinas convocado polo Departamento do Concello de Boiro. A participación foi masiva e as técnicas e slogans do máis orixinal. O xurado seleccionou dous gañadores do noso centro: Carla de 4º e Nicolás de 3º.

A exposición dos marcapáxinas e entrega de premios tivo lugar o venres, 17 de maio. No mesmo acto, alumnado dos centros e primaria de Boiro realizaron a lectura de poemas. O noso centro estivo representado por Adriana de 4º que recitou o poema :"A FALA" de Manuel María e por Lidia de 3º que recitou "Con leres un libro" de Mamá Cabra.

Como remate da XII Semana Cultural realizamos un festival no salón de actos da Casa da Cultura "Ramón Martínez López" en Boiro. Queremos agradecer a colaboración da AMPA do centro, da Escola de Música, do departamento de cultura de Boiro, de Mª José profesora de baile rexional, Tania e Orlando profesores de baile moderno,...Contamos con variadas actuacións: baile rexional, baile moderno, actuacións con piano, trompeta, marimba, baixo, Lara e Fernando de 2º leron as poesías coas que resultaron gañadores no certame "Francisco Añón" .O pallaso RUDI e o mago ALÁN puxeron a proba as gargantas do alumnado. Rematamos visualizando o extraordinario vídeo "Bos días, princesa" realizado polo titor de 1ºB, Manuel Villar. Grazas a Rubén de 4º e a Ivana de 3º que foron uns excelentes presentadores. Queremos pedir desculpas pola mala calidade das fotos.

Durante a Semana Cultural realizamos diversas actividades e obradoiros: "Mesas de expertos/as arredor dos seres mitolóxicos e as lendas, obradoiros de chaveiros, imáns, broches, trufas...Queremos destacar o obradoiro de cestería realizado grazas a colaboración da asociación  ADISBISMUR que ten a sede en A Serra de Outes, e se achegou ao noso centro para impartilo . Resultou moi interesante, o alumnado estivo moi motivado e unha gran maioría rematou a cesta. Foi unha semana moi atarefada para o profesorado, para o alumnado, para Muñiz e Ana...pero estivo xenial. Aquí déixovos un aperitivo de imaxes, pero se queredes ver máis entrade na GALERÍA.

Tras unha paréntese do curso pasado, seguimos e... chegamos a XII Semana Cultural. Diversos obradoiros (cestería, cociña, broches, imáns,...), xogos de pistas, actividades de biblioteca...se levarán a cabo ao longo dos días, poñendo o broche final o xoves, 16 de maio coa realización dun Festival das Letras Galegas no salón de actos Ramón Martínez na casa de cultura de Boiro.

O contacontos Anxo Moure, visitou hoxe, tres de maio o noso centro. Realizáronse tres sesións desde infantil ata o alumnado do 2º ciclo. A experiencia foi moi positiva, o grao de participación do alumnado e as ensinanzas que transmite a través dos seus contos son moi enriquecedoras. "O carballo con botas" "As árbores da PAZ" ...foron algúns dos contos en defensa da natureza, da paz, solidariedade,..dun xeito divertido e ameno. Se queres ver máis fotos destes divertidos encontros visita o blog da biblioteca.

Cando pasedes cerca da conserxería poderedes observar unha urna de cristal. SORPRESA! DENTRO DELA UNHAS DIMINUTAS LARVAS! Grazas a Muñiz e a Ana que se encargan de traerlle moitas follas de moreira e de coidalas, porque son moitas e comen...SEN PARAR... Xa iredes observando os fascinantes cambios que se irán producindo nos corpos destes diminutos animaliños.

O venres, 27 de abril, realizamos a xornada de sendeirismo, prevista para antes das vacacións de Semana Santa, pero aprazada debido ao mal tempo. O punto de encontro foi a ermida de San Ramón de Bealo. A actividade estaba aberta ás familias, e si contamos coa colaboración de pais e nais. Déixovos de momento, imaxes da camiñata do 2º ciclo: foi un percorrido extraordinario. pasamos da agreste paisaxe de montaña con toxos e xestas en plena floración,  a percorrer á beira do río Beluso por un estreito camiño. A paisaxe fermosísima e o río, por sorte, moi limpo, con augas transparentes que nos ían guiando no noso percorrido. Logo, tomamos a merecida merenda porque estabamos moi, moi cansas/os...PERO PASÁMOLO XENIAL: FOI UNHA RUTA DE EXPLORADORES/AS! Grazas Miguel Ángel (pai de Marta de 4º) que nos acompañou e axudou. En poucos días teremos subidas fotos doutros ciclos!

TÉS MOITO CONTO! este é o eslogan proposto para unha das actividades para conmemorar O DÍA DO LIBRO. Se queres ver máis información ou fotos visita o noso blog nos enlaces

http://bibliotecacespon.blogspot.com.es/2013/04/tes-moito-conto.html

http://bibliotecacespon.blogspot.com.es/2013/04/dia-do-libro.html

Hoxe, venres 19 de abril, visitou o noso centro o SEPRONA (Servizo de Protección da Natureza) é unha unidade da Garda Civil, encargada da conservación da natureza. A súa principal función no cole foi fomentar condutas de respecto cara ao coidado e conservación do medio ambiente. Estivemos visualizando unha presentación, observando algúns dos materiais e ferramentas coas que traballan e por último, o alumnado puido subir a dous medios de transporte que o SEPRONA emprega no seu labor cotián

Hoxe, 18 de marzo, o alumnado de 3º, 4º e 5º realizamos unha visita cultural a cidade de Pontevedra. Primeiro visitamos o Salón do Libro. "A toda máquina" é o título elixido este ano. Foi unha visita guiada onde o monitor nos foi dando moita información en torno ao tema. Logo, realizamos unha visita guiada pola parte antiga de Pontevedra: a praza da verdura, a praza da leña, a dos ferreiros, ...restos da muralla, ...a historia do loro Ravachol