En cumprimento do disposto na Orde do 5 de abril de 2013 pola que se regulan as probas para a obtención dos títulos de técnico e de técnico superior de ciclos formativos de formación profesional dos establecidos ao abeiro da Lei orgánica 2/2006, do 3 de maio, de educación e na Resolución do 6 de xullo de 2023, da Dirección Xeral de Formación Profesional, pola que se ditan instrucións para o desenvolvemento das ensinanzas de formación profesional do sistema educativo no curso 2023/24.

 CALENDARIO DAS PROBAS LIBRES:

1. Primeira parte: Probas teóricas: Días 3, 4, 5, 6 e 7 de xuño de 2024.

Publicación cualificacións probas teóricas (taboleiro de anuncios): 7 de xuño de 2024

2. Segunda Parte: Probas prácticas: 10, 11, 12, 13 e 14 de xuño de 2024.

Publicación cualificacións probas prácticas (taboleiro de anuncios): 17 de xuño de 2024

3. Publicación de cualificacións (AbalarMobil): 20 de xuño de 2024, ás 20:00 h

Nos arquivos adxuntos podedes acceder ao calendario de probass libres por ciclo formativo e curso. 

Pódese consultar a normativa relativa ás probas libres na seguinte ligazón: Probas libres para a obtención de títulos FP (LOE-LOXSE) 2023-2024 | Xunta de Galicia

A  Consellería de Cultura, Educación, FP e Universidades“ ven de publicar o "Plan Integral contra o acoso e ciberacoso escolar” así como a actualización do “Protocolo educativo para a prevención, detección e tratamento do acoso e ciberacoso escolar”. Por ende, os centros educativos poñen en funcionamento un PUNTO LARANXA tanto físico como virtual como medida para intentar erradicar o acoso e ciberacoso nos centros educativos grazas á colaboración de alumnado, docentes, familiares e outras persoas próximas á comunidade educativa. 

O punto laranxa físico do centro, está situado na planta baixa do edificio principal, a carón da conserxería do centro. Neste espazo, podedes de xeito anónimo introducir unha mensaxe no buzo indicando calquera situación ou preocupación relacionada con esta temática. Só poderá ter acceso á información introducida a persoa encargada desta tarefa con carácter estritamente confidencial.

Por outra banda, tedes á vosa disposición un punto laranxa virtual no lateral esquerdo desta páxina web. Ao premer nel, abrirá un pequeno cadro de texto no cal podedes, de xeito anónimo ao igualque no punto físico, manifestar calquera situación ou preocupación relacionada.

Dende o equipo de igualdade do centro levarase a cabo un obradoiro no cal conversaremos e participaremos en diferentes actividades que permita darnos conta do impacto negativo que supón a desigualdade de oportunidades e a persistencia de roles e estereotipos de xénero.

Trátase de desfrutar mentres participamos, reflexionamos, identificamos problemas e aprendemos ferramentas para combater e previr ese impacto negativo da falta de igualdade real entre homes e mulleres en todos os aspectos da nosa sociedade

Non o perdades