Programa Eduemprende 2024.
O Plan de Emprendemento do Sistema Educativo de Galicia, Eduemprende, ten como obxectivo principal promover a cultura do emprendemento entre o alumnado, proporcionando ferramentas que permitan avanzar neste sentido.
Para isto, propóñense unha serie de programas de carácter práctico e adaptados a cada nivel educativo cos que se pretende involucrar a alumnado e profesorado de distintas ensinanzas. Estes programas están dirixidos a impulsar procesos de emprendemento por parte do alumnado e a desenvolver un panel de iniciativas de descubrimento da cultura emprendedora, que sirvan de referencia á comunidade educativa galega: visitas a empresas e centros tecnolóxicos, relatorios, formacións, concursos de ideas ou actividades de orientación e mentorización.