Boas tardes familias!!
Hoxe traémosvos unha das derradeiras actividades para facer cos peques na casa antes de que rematemos este "atípico" curso.
A tarefa consiste en facer mans e pés, veredes, resulta que o profe Pencho e a profe Aida teñen un reto preparado para que fagan os nenos/as; pero para iso, precisamos ter os materiais que nos fan falla preparados.
Por isto, deberedes facer mans dereitas e esquerdas, pés dereitos e esquerdos, o podedes facer do xeito que queirades: imprimindo plantillas de internet nun folio, en cartolina, goma eva... É aconsellable que escollades dúas cores para que ao inicio lles resulte máis fácil a actividade, por exemplo mans verdes e pes vermellos...
A cantidade a facer depende da idade dos nenos/as, canta máis cantidade, máis opcións de xogo
Veña, mans á obra, que nuns días chega o reto!!