Iria López Teijeiro pasou a mañá do mércores 11 de febreiro con dous grupos de clubs de lectura de Nivel II e ESA respectivamente. Falounos da súa obra e da súa profesión e respostou a todas as nosas preguntas. Os integrantes dos clubs mostráronlle o traballo feito (vense os debuxos na foto) e representaron un capítulo de Meniña de Crista. Iria deixounos exemplares de Santa Matriuska a súa segunda obra que comezaremos a ler en breve. Grazas por todo Iria!