Matemáticas do cotián por Victoria Otero

O pasado 16 de xaneiro recibimos a visita da decana da facultade de matemáticas, Victoria Otero, para falar das Matemáticas do cotián. A charla, dirixida ao alumnado de 4º ESO e 1º BACH, pretendía dar a coñecer o traballo dun matemático. A que se dedica un matemático, unha persoa que investiga matemáticas? Victoria Otero sorprendeunos a todos ao nos explicar como un matemático pode estar metido en cousas tan cotiás como a obtención da ecuación que describe unha coleta perfecta. De entrada pode parecer que estes traballos non teñen utilidade, pero téñena. Unha ecuación que rexe o aparcamento perfecto, que podería parecer unha parvada, emprégase hoxe en día nalgúns modelos de coches que aparcan sós e nos que o usuario non ten que manobrar.

Destas e doutras cousas falounos Victoria Otero, nunha charla que recomendamos.