You are hereAplicación "ABALAR MÓBIL" - Nova funcionalidade de comunicación coas familias.
Aplicación "ABALAR MÓBIL" - Nova funcionalidade de comunicación coas familias.
Dende o IES Antonio Fraguas queremos comunicar que xa está dispoñible a aplicación Abalar Móbil para os pais/nais do alumnado do noso centro. Tras varios problemas e incidencias presentadas nas últimas semanas, que retrasaron a implantación desta aplicación, na actualidade xa está totalmente operativa. Recordamos que esta aplicación permite as familias consultar as cualificacións dos seus fillos/as, consultar ou xustificar as faltas de asistencia, faltas de conducta ou ben solicitar unha cita de titoría.
Tal e como se indicou na anterior comunicación, como requisitos, as familias deben dispoñer dun teléfono móbil que dispoñan de sistema operativo Android ou ben de sistema operativo IOS. A aplicación que xestiona a información indicada debe descargarse de Play Store (sistema operativo Android) ou de Apple store (sistema operativo IOS) a través das seguintes ligazóns:
Poden consultar toda a información relevante sobre esta aplicación a través da páxina web que a Consellería de Educación ten dentro do espazo Abalar coa seguinte ligazón:
-
Información familias: www.edu.xunta.es/espazoAbalar/sites/espazoAbalar/files/guia_mobil-familias_-galego_1.pdf
É recomendable visionar ademais o video que explica o funcionamento da mesma e ubicado en youtube coa seguinte ligazón:
IMPORTANTE: Para o correcto funcionamento da aplicación Abalarmóbil, é preciso que se notifique ó centro o número de teléfono do dispositivo móbil que se vai usar para xestionar esta aplicación. É pois imprescindible que o centro coñeza o número de teléfono do dispositivo que xestiona a aplicación para poder proceder a dalo de alta. Por iso, todas as familias que desexen utilizar a aplicación Abalarmóbil deben cubrir, recortar e entregar ós titores/as dos seus fillos/as o formulario que poden descargar na ligazón que aparece a continuación.
Para a notificación de calquera incidencia relativa á instalación ou funcionamento desta aplicación poden enviar un correo eléctrónico a: jmar@edu.xunta.es
Adxunto | Tamaño |
---|---|
FORMULARIO.pdf | 28.08 KB |