Conectando con México...

Primeira conexión do proxecto colaborativo entre centros galegos e de México, a través da coodinación do CSIC. Este mércores 6 de novembro pola tarde (a mañá en México) foi a primeira conexión a través de videoconferencia.

O proxecto colaborativo con escolas de primaria de México, chamado “Leonora Carrington, Maruja Mallo y Frida Kahlo, expresión del surrealismo y el feminismo” no que participa o IES Antonio Fraguas, realizarase con aulas de 1º de ESO no marco da relación de traballo entre o CSIC e o Instituto Latinoamericano de Comunicación Educativa, e como parte das actividades previstas do recentemente creado "Club de Letras" que comenza a funcionar este curso 2019-20 no IES Antonio Fraguas.

Coordina a actividade a profesora Margarita Vidal.