You are hereO instituto está PECHADO ao público
O instituto está PECHADO ao público
Seguindo as ordes da actual autoridade competente durante o estado de alarma, o instituto está pechado. Aínda que entendemos que algún alumnado ten material no instituto que puidera facerlle falta, non será posible acudir a recollelo. Esta medida protexe ao alumnado, ás súas familias, aos traballadores do centro e ás súas familias. Este é o momento de utilizar convenientemente as tecnoloxías, a solidariedade e os grupos de clase para compartir o material entre o alumnado.
O profesorado está traballando dende o domicilio e utilizando medios telemáticos para comunicarse. O martes día 17 subiremos a esta páxina as instruccións para o traballo do alumnado dende casa. Cando subamos esa información, daremos instruccións tamén sobre cómo preguntar dúbidas que poidan xurdir, tanto das tarefas como do acceso á aula virtual naqueles casos en que se utilicen.
Saúdos e Saúde.
Carlos Encisa
Director do IES Antonio Fraguas