You are hereClases voluntarias 2º bacharelato
Clases voluntarias 2º bacharelato
A reserva realízase mediante whatsapp coa dirección do centro. Para acceder ao grupo de whatsapp de reservas, contactar co/a delegado/a do grupo correspondente.
Despois da publicación o pasado venres día 22 das instrucións relativas ao procedemento para o inicio das clases voluntarias, adicaremos o luns 25 de maio á organización das mesmas (reunións co profesorado e o alumnado, trámites das dispensas dos/as traballadores/as, adecuación de espazos, reservas do alumnado...)
O martes 26 de maio inician as clases presenciais voluntarias segundo o horario que se estableza e que se dará a coñecer ao alumnado por whatsapp coa dirección do centro.
Tanto no acceso ao centro como para desplazarse polo interior do mesmo é obrigatorio o uso de máscara (tanto para os/as traballadores/as como para o alumnado). O alumnado poderá non utilizala cando se atope sentado na aula. O profesorado, dentro da zona de seguridade da aula.
Respectaranse nas aulas as distancias de seguridade marcadas entre pupitres, e coa mesa do/a profesor/a. Non está permitido compartir material escolar. No caso de levantarse do pupitre haberá que ter a máscara posta.
Para poder respectar as distancias interpersoais de 2 metros, a ocupación máxima das aulas é de 9 alumnos/as e 1 profesor/a.
Horario especial para preparar as materias ABAU: tanto as materias obrigatorias como as optativas (materias de ponderación).
En determinadas situacións poderá seguirse as clases presencias tamén mediante videoconferencias. Cando exista esta posibilidade, indicarase no horario semanal.