FAMILIAS - ANPA O Castro
|
Educación física
Deporte escolar: actividades na praia de Ares
Enviado por admin o Mar, 23/05/2017 - 21:39Grazas á organización dos servizos de deportes dos concello de Mugardos e Ares, os nosos alumnos de 1.º e 2.º ESO puideron gozar a semana pasada dunha estupenda mañá de actividade física no areal de Ares. A programación incluíu a práctica de volei praia, windsurf, canoa, paddle surf, vela...
A ritmo de zumba e hip-hop
Enviado por admin o Lun, 15/05/2017 - 19:06Esta mañá contamos no centro coa presenza de Patricia, monitora do Club de Baile Móvete, que impartiu unha masterclass de baile moderno. Durante catro horas, por quendas de estudantes e profesores, puxo a todo o centro da bailar zumba e hip-hop no pavillón.
Torneo de volei mixto
Enviado por admin o Mar, 09/05/2017 - 19:36Esta semana deu comezo o torneo de volei por equipos mixtos. Os partidos celebraranse durante os recreos no pavillón.
Curso de "Soporte Vital Básico"
Enviado por admin o Mar, 02/05/2017 - 22:18O profesorado terá a oportunidade de asistir a longo das próximas semanas a varias sesión do curso de "Soporte vital básico e desfibrilación externa semiautomática" a cargo da xefa do departamento de Educación Física, Leticia Ogando. Aproveintando a presenza no centro de catro bonecos de práctica para a reanimación cardiopulmonar, pasaran polos grupos de alumnos para recibir coñecementos adaptados de primeiros auxilios.
CURSO PROFESORADO: Soporte Vital Básico e DESA
Enviado por admin o Lun, 01/05/2017 - 17:24CURSO:
Soporte vital básico e desfibrilación externa semiautomática
DURACIÓN:
Mínimo 4 horas para diploma.
DOCENTE:
Leticia Ogando
DÍAS:
Do 2 ao 12 de maio
DÍAS E HORAS:
Mércores: 10:45...........Pavillón
Xoves: 11:35...............Salón de actos ou aula.
Xoves: 12:45...............Salón de actos ou aula.
Venres: 11:35..............Salón de actos ou aula
MATERIAIS:
Senderismo nas Fragas do Eume
Enviado por admin o Xov, 27/04/2017 - 23:06O alumnado de 3.º e 4.º da ESO puido desfrutar esta semana nas rutas de sendeirismo organizadas polas concellarías de deportes dos Concellos de Ares e Mugardos dentro do programa Deporte Escolar da Xunta de Galicia. A actividade realizouse conxuntamente cos colexios de Ares e Monfero nunha gran xornada de convivencia e actividade física no medio natural.
Campionato provincial escolar de orientación
Enviado por admin o Mér, 15/03/2017 - 20:57Moi agradecidos coa organización do Campionato provincial escolar de orientación celebrado esta mañá nas instalacións de Acea da Ma (Culleredo). O alumnado de 3.º e 4.º ESO gozou dunha mañá intensa de actividade deportiva e compañeirismo, na que ademais Marta R. e Brais G. acadaron o 3.º posto na clasificación de cadetes.
Carreira de orientación en Monfero
Enviado por admin o Ven, 10/03/2017 - 13:57Máxima participación e colaboración entre compañeiros/as de 1.º e 2.º ESO na carreira de orientación zonal celebrada o pasado xoves, en Monfero, dentro do programa Xogade. Moitas grazas aos estupendos anfitrións do CPI Virxe da Cela.
Comezo do campionato masculino de balomán
Enviado por admin o Mar, 21/02/2017 - 22:58Recreos no pavillón
Campionato masculino de
BALONMÁN
Comezo do campionato feminino de balomán
Enviado por admin o Mar, 31/01/2017 - 22:16Recreos no pavillón
Campionato feminino de
BALONMÁN
Recreos saudables (xaneiro)
Enviado por admin o Xov, 12/01/2017 - 15:16Continuamos co programa "Recreos Saudables" que lembramos é unha iniciativa Trátase dunha iniciativa patrocinada pola ANPA O Castro e o Concello de Mugardos que ofrece aos usuarios da cafetaría escolar unha alimentación controlada. Por exemplo, dá visibilidade ao consumo de froita e productos lácteos.
Programa radiofónico "Convivir en Igualdade" (Radio Galega)
Enviado por admin o Ven, 23/12/2016 - 23:10http://www.crtvg.es/podcast_rg/0086/0086_20161222010000.mp3
A partir do minuto 6
Sesión radiofónica gravada no instituto o 13 de decembro e emitido no programa "Convivir en Igualdade do día 22 de decembro para dar a coñecer o Proxecto Deportivo de Centro. Contou coa participación de gran parte da comunidade educativa, entidades deportivas e municipais. Unha hora estupenda de radio para compartir.
A Radio e a Televisión de Galicia no instituto
Enviado por admin o Mar, 13/12/2016 - 23:11PREME NA IMAXE
Primeira conexión no minuto 26 e a segunda a partir do 47:40
Esta mañá os medios de comunicación públicos de Galicia tomaron o salón de actos para dar a coñecer de primeira man o Proxecto Deportivo de Centro. A televisión realizou dúas entradas en directo no programa matutino A Revista; e por outra banda, o veterano xornalista Alfonso Pardo gravou un novo programa da serie Convivir en igualdade que será emitido por primeira vez a vindeira noite do 21 ao 22, ás 1:00 horas.
Foi case unha hora de gravación radiofónica na que se deu voz a todos os axentes implicados: profesores e departamento de Educación Física, a Administración representada pola Secretaría Xeral para o deporte, concellos de Mugardos e Ares, entidades deportivas como o Galicia de Mugardos ou o Club de Remo de Ares, ANPA e, por suposto, o alumnado que un ano máis está convocado a participar nos Premios Estudo e Deporte.
Camiño de Santiago (25 de outubro)
Enviado por admin o Xov, 27/10/2016 - 23:10
O pasado martes, 25 de outubro, o alumnado de 1.º bacharelato realizou a trandicional actividade dunha etapa do Camiño de Santiago para comezar con ganas todo curso deportivo que lles queda por diante. Nesta ocasión foron algo máis de 15 quilómetros entre Palas de Rei e Melide.
Visita do antigo alumno Adrián Lorenzo
Enviado por admin o Lun, 24/10/2016 - 20:58Esta mañá recibimos a visita de Adrián Lorenzo, antigo alumno. Falou do Ciclo Superior de Animación de Actividades Físicas e Deportivas co alumando da materia optativa de Actividade Física de 2º. bacharelato.
Comezo dos Recreos Saudables
Enviado por admin o Xov, 20/10/2016 - 21:46Esta semana comezaron dúas actividades importantes para dinamizar os recreos. Por unha banda, o Plan Deportivo de Centro cos torneos deportivos que arrincaron co Fútbol Sala. E por outra, o programa Recreos Saudables. Trátase dunha iniciativa patrocinada pola ANPA O Castro e o Concello de Mugardos que ofrece aos usuarios da cafetaría escolar unha alimentación controlada. Por exemplo, dá visibilidade ao consumo de froita e productos lácteos. Comezamos cuns dez alumnos/as apuntados e esperamos aumentar o número de familias interesadas nas próximas semanas.
|
V Premio Estudo e Deporte
Enviado por admin o Xov, 02/06/2016 - 21:50Comprácenos informar dos gañadores e mencións especiais dos Premios Estudo e Deporte que patrocina o IES de Mugardos e mais os Concellos de Mugardos e Ares, a ANPA O Castro e o Club do Mar e a SDC Galicia de Mugardos, coa colaboración indispensable de ata 35 entidades deportivas e asociacións de Ferrolterra. Entre todos queremos poñer en valor a capacidade de organizarse e de programar o tempo con eficacia para render positivamente nos estudos e na actividade física.
Os alumnos e alumnas do IES de Mugardos premiados nesta ocasión acadaron unha media moi elevada na fase de baremación, segundo os criterios que se poden consultar nas bases. Tamén queremos facer chegar o noso recoñecemento a todas as familias que asumen con dedicación a tarefa de facilitar a práctica de calquera tipo de actividade física dos seus fillos.
Esta iniciativa dos Premios Estudo e Deporte está incluída no Plan Proxecta e nos Contratos-Programa para a mellora da excelencia que promove a Consellería de Educación. Este ano acada xa a súa quinta edición. Queremos nesta ocasión compartir con todas as entidades colaboradoras o recoñecemento máximo que para nós foi a concesión ao IES de Mugardos do Premio Galicia Saudable á entidade educativa destacada no fomento e promoción da actividade física e hábitos de vida activa.
A entrega dos Premios Estudo e Deporte realizarase o día 22 de xuño como colofón ao Acto Cultural de fin de curso.
Xornadas sobre o Proxecto Deportivo de Centro
Enviado por admin o Lun, 23/05/2016 - 22:48O pasado venres, as profesoras Lecicia Ogando e Covadonga Rodríguez-Moldes participaron nas I Xornadas sobre o Proxecto Educativo de Centro e promoción de hábitos saudables celebrado no salón de actos do INEF en Bastiagueiro. Neste foro puidon expoñer as actividades desenvolvidas no noso centro e a organización dos Premios Estudo e Deporte.
Premio Galicia Saudable á entidade educativa destacada no fomento e promoción da actividade física e dos hábitos de vida activa
Enviado por admin o Sáb, 14/05/2016 - 11:51
Este galardón oficial da Secretaría Xeral para o Deporte da Xunta de Galicia recoñece o Plan Deportivo de Centro do IES de Mugardos que se basea, por unha banda, na extensa programación de actividades impulsadas poio Departamento de Educación Física; e por outra, na convocatoria anual dos nosos Premios Estudo e Deporte.
A gala de entrega celebrouse o 12 de maio, no Teatro Principal da cidade de Ourense. Ademais da dirección e profesorado, acudiron representantes do Concello de Ares: Eugenio Fernández, concelleiro de Cultura, e Javier Sánchez, técnico municipal de deportes. Por parte da ANPA, Manuel Brage e do alumnado, Sara Vázquez.
Recolleron a acreditación, a a profesora de Educación Física, Leticia Ogando, e a coordinadora dos nos Premios Estudo e Deporte, Covadonga Rodríguez-Moldes.
Entre outros galardoados salienta o Premio ao mellor deportista mastulino para Javier Gómez Noya, primeiro triatleta da historia en ser Pentacampión do Mundo. FOTO: La Voz de Galicia (Ourense) Ver listaxe completa de galardoados
|
LIGAZÓNS:
- Secretaría Xeral para o Deporte
- Portal educativo da Consellería de Educación
- DIARIO DE FERROL (13 de maio)
Iniciación ao remo no Club do Mar (2)
Enviado por admin o Mar, 26/04/2016 - 21:38
Esta semana tocoulle aos Agradecemos ao Club do Mar
|
||
Iniciación ao remo no Club do Mar
Enviado por admin o Lun, 18/04/2016 - 20:33Grazas ao Club do Mar de Mugardos, todo o alumando de 3.º e 4.º ESO asistiu esta mañá a unha sesión de iniciación ao remo. O tempo axudou e foi unha experiencia moi gratificante tanto para os que xa practican este deporte coma para os que saíron por primeira vez ao mar.
Exhibición e práctica de tenis de mesa
Enviado por admin o Xov, 31/03/2016 - 23:09O alumnado de 1.º e 2.º ESO asisitiu esta mañá a unha práctica do tenis de mesa guiados por representantes do club San Xoán de Ferrol. Ao longo da actividade, que se desenvolveu no pavillón do Cristo, puideron coñecer as características deste deporte, realizar varios exercicios de adestramento e iniciar varias partidas cos compañeiros e compañeiras. A exhibición contou coa organización dos Concellos de Ares e Mugardos a través das súas Concellerías de Deportes.
Carreiras de orientación
Enviado por admin o Mér, 24/02/2016 - 21:49Celebración do magosto
Enviado por admin o Dom, 22/11/2015 - 19:05Actualización:
Diplomas aos equipos da xincana deportiva.
Como en anos anteriores, a celebración do magosto incluíu o reparto de castañas ofrecidas pola ANPA e a organización da xincana lúdica. Ademais, o alumnado de 4.º ESO repetiu a venda de produtos para recadar fondos para a excursión de fin de curso.