O mércores 8 de maio o profesorado que participa na formación dentro do programa de Polos Creativos reunímonos para trastear co plotter de corte. Traballamos con vinilo termoadhesivo e con vinilo textil. Aquí vos deixamos unha pequena parte do noso traballo, que consistiu na elaboración de material para a aula de convivencia.

Este Xoves, 9 de maio, o alumnado de 3º da ESO pasou unha fermosa xornada de convivencia descubrindo a nosa contorna e preparando as pernas para futuras aventuras.

No día de hoxe, o alumnado de 2ºESO A e B tivo a ocasión de participar nun relatorio organizado polo EDLG do centro con Carlos García Vieito, politólogo, experto en redes sociais, membro da Mesa pola Normalización Lingüística e podcaster de éxito co programa “Exército Mekemeke”.