Tres días incríbeis cargados de bos momentos! O luns visitamos os museos de Quiroga (Etnográfico e Xeolóxico) camiñamos polo val das Mouras, unha paisaxe kárstica de conto chea de covas e vexetación exhuberante. Parada na poza das Mulas para darnos un baño (a auga estaba xeada!) e ver e analizar o bicherío que vive no río Lor.
No arquivo pdf adxunto indícanse os días e as horas dos exames da convocatoria extraordinaria do módulo 4 de ESA e de 1º e 2º de Bacharelato de adultos.
Os exames serán os días 19, 20 e 21 de xuño pola tarde.
Achégase no ficheiro adxunto o calendario da convocatoria extraordinaria de xuño. Estas datas están dirixidas ao alumnado que presenta materias pendentes de cursos anteriores na ESO , así coma ao alumnado de 2º de BAC con materias pendentes de 1º BAC.
No día de onte o Departamento de Orientación organizou unha Xornada de Sensibilización e Comprensión sobre as persoas no Espectro do Autismo para o alumnado da ESO. As sesións foron impartidas por Marlene Horma Castiñeiras, psicóloga de recoñecida traxectoria que traballa apoiando ás persoas no Espectro do Autismo e as súas familias.
Comeza a conta atrás para a celebración do entroido o próximo venres despois do recreo... Para írmonos preparando, facemos unha proposta de disfraces para cada día da semana. Anímate a participar!