Curso 2020/2021

Do 1 ao 22 de marzo estará aberto o prazo para a presentación de solicitudes de admisión para o curso 2021-22. 

Este prazo é para o alumnado que se incorpora ao centro dende calquera outro centro educativo non adscrito. O alumnado matriculado neste curso e o procedente dos centros adscritos xa ten a praza reservada para o curso seguinte. 

No caso de presentar solicitude de admisión é importante ter en conta:

1. Que cada alumna e alumno só pode presentar unha única solicitude no centro no que solicite praza en primeiro lugar, advertindo que a infracción determinará a perda dos dereitos de prioridade que poidan corresponderlle.
2. Que o alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.
3. Que o alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

Para presentar a solicitude, seguir as instrucións da aplicación admisionalumnado. 

As vacantes para cada un dos cursos están publicadas na aplicación admisionalumnado e no taboleiro do centro.

O calendario para o proceso é o seguinte:

• Presentación da documentación acreditativa dos criterios de baremo: 10 días hábiles contados a partires dos 2 días seguintes ao remate do prazo para presentar as solicitudes de admisión. Só no caso de que o número de solicitudes sexa superior ás vacantes existentes no nivel solicitado.
• Publicación das listaxes provisionais de persoas admitidas e non admitidas antes do 25 de abril.
• Publicación das listaxes definitivas de persoas admitidas e non admitidas: antes do 15 de maio.
• Formalización da matrícula en ESO e bacharelato: 25 de xuño-10 de xullo.
• Prazo extraordinario de formalización de matrícula en ESO e bacharelato: 1-10 de setembro.

Normativa e instrucións específicas do procedemento publicadas pola Consellería.

Plans e protocolos elaborados segundo as instrucións recibidas polas Consellería de Educación:

• Plan de adaptación ao contexto Covid
• Plan de continxencia
• Plan de acollida

Calendario escolar 2020/2021

A actividade lectiva comezará coa incorporación progresiva do alumnado segundo a seguinte orde:

• 1º e 2º ESO o mércores 23
• 3º ESO o xoves 24
• 4º ESO o venres 25

O mércores 16 de setembro é día festivo local no Concello de Arteixo. O centro permanecerá pechado ao público.

As listaxes PROVISIONAIS de asignación do alumnado por grupos estarán dispoñibles o mesmo día da incorporación do alumnado, que accederá ao centro por orde acompañado polos titores respectivos. Disporase de profesorado de garda suficiente para conducir ao alumnado aos seus grupos respectivos, tendo prioridade o alumnado transportado, que accederá directamente ao centro seguido á súa chegada.

NON é necesario consultar antes do día da presentación o grupo asignado a cada alumno. 

A listaxe definitiva dos libros asignados a cada alumno publicarase no centro o 14 de setembro, e o repartos do mesmos farase progresivamente a partir da primeira semana de clase. 

Os vales para material escolar serán repartidos nas titorías ao alumnado, non sendo necesario achegarse ao centro para a súa recollida.

O centro está a elaborar os plans e protocolos segundo as instrucións recibidas polas Consellería de Educación:

• Plan de adaptación ao contexto Covid
• Plan de continxencia
• Plan de acollida

Guía para o inicio do curso (Xunta de Galicia)