Extraescolares e complementarias

Recordamos ao alumnado, familias, persoal non docente e profesorado que comeza o CLUB DE LECTURA RibaLEO en Igualdade do IES de Ribadeo Dionisio Gamallo.
Se che gusta ler, únete ao noso club na Biblioteca do centro o vindeiro luns 23 de xaneiro a partir das 17:15 h.
Esperámosvos!!

Alumnado e profesorado do noso centro viaxou ata Bruxelas dende o luns 10 de outubro ata o xoves 14, para coñecer a sede do Parlamento Europeo grazas á invitación que o eurodiputado Nicolás González Casares brindou durante a súa visita o pasado 9 de maio Día de Europa, nos actos organizados como Escola Embaixadora do Parlamento Europeo.

O vídeo Believer (Imagine Dragons) foi elaborado polo alumnado de 1º de bacharelato da materia de Linguaxe e Práctica Musical baixo a organización e planificación do seu profesor Xurxo Fernández e coa colaboración da Comisión de igualdade do IES de Ribadeo Dionisio Gamallo.

Enlace do vídeo: https://youtube.com/watch?v=-9u17MOPZZg&feature=share

      VER VÍDEO

Cada 22 de maio, celébrase o Día Internacional da Biodiversidade para recordar o Convenio sobre Diversidade Biolóxica firmado en 1992, no Cumio de Río de Xaneiro. Manter a biodiversidade tamén é un dos obxectivos do Pacto Verde Europeo, un conxunto de propostas para adaptar as políticas da UE en materia de clima, enerxía, transporte e fiscalidade co fin de reducir as emisións netas de gases de efecto invernadoiro en polo menos un 55% de aquí a 2030.

O pasado luns 9 de maio, recibimos a visita do IES Perdouro de Burela.
Na actividade organizada polo departamento de orientación, o alumnado de 4º da ESO puido coñecer de primeira man a oferta educativa de formación profesional dese centro, especialmente dos ciclos de grao medio das familias profesionais de Instalacións de Telecomunicacións, Mecanizado e de Peiteado e Cosmética Capilar. O profesorado da FP explicoulles a carga horaria dos módulos impartidos, as actividades prácticas realizadas, a FCT e as posibles saídas laborais dos ciclos formativos á hora a probar os aparellos de telecomunicacións que nos trouxeron.