Portugués

Fomentando a aprendizaxe en diferentes contextos, ampliando o coñecemento e o acceso á cultura, o alumnado do 4.º da ESO e do 2.º do Bacharelato do IES de Ribadeo Dionisio Gamallo, realizaron un traballo diferente: un ciclo de visitas de estudo na cidade do Porto. Entre os días 10, 11 e 12 de xaneiro tiveron a oportunidade de visitar puntos emblemáticos da cidade do Porto. A viaxe de estudo permitiu ao alumnado coñecer a riqueza histórica e cultural da cidade, aproveitando o bo tempo, tamén deron paseos polas rúas da Ribeira, de Vila Nova de Gaia, paseo en barco polo Douro, visita guiada á Casa-Museo Teixeira Lopes, unha visita apaixonante que testemuña a riqueza da colección reservada neste espazo.

O IES Perdouro de Burela convidou-nos para participar da leitura continuada do romance Chiquinho de Baltasar Lopes. As alunas e alunos de português do IES de Ribadeo Dionisio Gamallo aceitaram o convite e puseram mãos à obra com a leitura de excertos do livro, celebrando a diversidade e a partilha entre estudantes e escolas de diferentes lugares.

Ampliamos a sección de banda deseñada coa incorporación do último cómic de Astérix, A filha de Vercingétorix, en lingua portuguesa.

Co fin de buscar novos materiais para as aulas de Portugués e, á vez, ampliar a nosa sección Local adquirimos, a petición de parte do profesorado, o filme en portugués “Bad Investigate”, filmado en boa parte en escenarios de Ribadeo e a súa contorna.

http://cinesribadeo.blogspot.com/2017/01/rodaxe-de-bad-investigate.html

A finais do curso 2018-2019, o órgao de goberno da Fundaçom Meendinho concedeu o Prémio Meendinho á profesora do noso centro Dores Fernández Abel, por ser a docente de toda Galiza con máis alumnado de portugués. Todo isto dentro do contexto da implementación da Lei Paz Andrade (LEI 1/2014, do 24 de marzo, para o aproveitamento da lingua portuguesa e vínculos coa lusofonía), por como esta serve para mellorar o desenvolvemento social, económico e cultural galego ao tirar proveito da vantaxe histórica da variante internacional da nosa lingua. 

O pasado sábado, día 19, foi entregue esta distinción no decurso dunha Festa da Lusofonia, no Círculo Habanero da Devesa. Asistiron ao convivio, antigo alumnado e alumnado actual, ademais de profesorado do centro, para alén doutras persoas con interese no portugués. Tamén se contou coa presenza do Presidente  e a secretaria da Fundaçom Mendinho, Alexandre Banhos Campo e Manuela Riveiro Cascudo, así como coa do lexicógrafo e  profesor Isaac Alonso Estraviz. Amenizaron o acto, ademais dun concurso sobre a lusofonia, un grupo de alumnos do IES Perdouro de Burela e un grupo de cantareiras de Ribadeo.

A prensa fíxose eco do evento:

- PLG.gal

- Sermos Galiza

- La Comarca

Premendo aquí pódese acceder á nova publicada no Blog da Biblioteca.