Portugués

Visita de estudos ao Porto.

Xov, 02/05/2019 - 13:56 — admin2

Do 24 ao 28 de abril, o alumnado de Portugués de 4º de ESO e de 1º de Bacharelato viaxou a Portugal, concretamente ás cidades do Porto e Gimaraes. Os obxectivos eran a inmersión lingüística em portugués e coñecer o patrimonio cultural, paisaxístico e arquitectónico de Portugal.

Foron acompañados polas profesoras Carla Díaz Fernández e Dores Fernández Abel.

A viaxe fíxose conxuntamente co IES de Foz. Ver mais imaxes

Viaxe a Santiago e Pontevedra para coñecer a obra artística de Castelao

Lun, 18/02/2019 - 16:43 — admin2

Un grupo de alumnas e alumnos de 3º de ESO visitaron Pontevedra e Santiago para coñecer a obra artística de Castelao.

No Museo da Deputación Provincial puideron coñecer, ademais da excelente colección de pintura e debuxos de Castelao, obras de arte de todas as épocas, desde a Prehistoria até a contemporánea. Despois visitaron o centro da cidade.

Xa pola tarde, e no Gaiás, contemplaron o cadro "a derradeira leición do mestre" e visitaron algúns dos edificios da Cidade da Cultura.

Acompañáronos as profesoras Mirian Bouso Gallego, Carla Díaz Fernández e Teresa González Piñeiroa.

Viaxe a Melgaço, norte de Portugal.

Lun, 18/02/2019 - 16:37 — admin2

O alumnado de portugués de ESO viaxou o día 21 de decembro a Melgaço, vila portuguesa fronteiriza con Galiza.

Foron recibidos na biblioteca municipal, onde visitaron as instalacións e asistiron á lectura dun conto en portugués. Despois coñeceron a historia do contrabando a través do rio Miño e da emigración no Espaço Memória e Fronteira. Xantaron nas Termas do Peso, cuxas intalacións visitaron a continuación. Pasearon pola vila e subiron á torre de homenaxe do castelo. Por último aprenderon como foi evolucionando o mundo do cinema no Museo do Cinema.

Foron acompañados polas profesoras Dores Fernández Abel e Isabel López López.

Peça a peça. Actividade de portugués

Xov, 22/11/2018 - 09:15 — admin2

Cathia Capelán Díaz , do Departamento de Lingua Portuguesa, deseñou a actividade “Peça a peça” para 4º da ESO e púxoa en práctica o pasado 20 de novembro. Trátase dun xogo cooperativo e dinámico no que o alumnado fai parte activa da biblioteca e aprende ao mesmo tempo.

Dinámica:

• Consiste en completar un puzzle obtendo previamente as diferentes pezas que o compoñen.(O puzzle realizouse utlizando un cartaz de Plambe sobre as Bibliotecas Escolares)

• A profesora realizou previamente unha selección de libros da literatura galega e portuguesa e colocou as diferentes pezas agochadas nas súas páxinas.

• Tras atopar os libros, aos que se chega a través dunha serie de pistas, o alumnado recompilou todas as pezas e completou o puzzle.

Obxectivos:

• Coñecer as diferentes seccións en que está distribuída a biblioteca: hemeroteca, linguas (galego, portugués…), sociolinguística…

• Identificala cun lugar para aprender dun xeito divertido e para descubrir magníficas obras literarias.

• Empregar as TAC (tecnoloxias da aprendizaxe e do coñecemento) para a súa investigación inicial inicial nos ordenadores da biblioteca.

• Perfeccionar o seu nivel en lingua portuguesa e aprender novo vocabulario coa resolución das pistas e a posterior lectura e escrita selectiva dalgún fragmento dos libros.

Viaxe do alumnado de Portugués ao Porto.

Xov, 03/05/2018 - 13:11 — admin2

Máis un ano, o alumnado de portugués de primeiro de bacharelato viaxou a Portugal, concretamente á cidade do Porto, e aproveitou o regreso para coñecer Guimarães.

O museo da Fundação Serralves, que expuña obra de Álvaro Lapa, e os seus xardíns foi, xunto coa Casa da Música, unha das visitas máis destacadas.

Os principais monumentos e lugares da cidade foron coñecidos a través das explicacións dun guía local e complementadas cun paseo en barco polo río Douro.

Coñecer o sistema educativo portugués e o contacto co alumnado eran tamén obxectivos da viaxe. Con esta finalidade, visitouse un instituto de Vila Nova de Gaia, a Escola Inês de Castro, a través do profesorado de Educación Física, que preparou varias actividades relacionadas co mundo do deporte.

O tempo libre permitiu que alumnado se relacionase cos habitantes desta cidade tan dinámica, e puidese ter contacto coa lingua portuguesa dunha maneira máis informal.

Leer máis

Viaxe a Valença do miño e Vigo

Lun, 22/01/2018 - 07:52 — admin2

O alumnado de portugués da ESO e todo o de 3º de ESO púxolle o ramo á primeira avaliación viaxando a Valença do Minho e Vigo.

En Valença coñeceron a Fortaleza e a súa historia; en Vigo, o casco histórico. Tamén visitaron o Museo do Mar para ver o Pergamiño Vindel, e aprender sobre a época en que foi escrito.

As profesoras Mírian Bouso, Isabel López López, Dores Fernández Abel e o profesor Suso Fernández Acevedo acompañaron o alumnado nesta xeira de espairecemento e aprendizaxe. Mais fotografías

Viaxe a Porto

Ven, 21/04/2017 - 05:45 — admin2

Do 5 ao 9 de abril, e dentro do proxecto aPorto Júnior, un grupo de alumnas e alumnos de portugués de 1º de Bacharelato viaxaron a Portugal. Foron acompañados polos profesores Ignacio Rego e Dores Fernández Abel. O Concello de Ribadeo colaborou cos gastos do transporte.

Visitaron unha escola agraria, a EPAMAC, un instituto de Vilanova de Gaia (o Inés de Castro), a Fundación Serralves, coñeceron a cidade do Porto e, finalmente, subiron á citania de Sanfins.

PROGRAMA PIALE 16

Mar, 10/01/2017 - 07:34 — admin2

A profesora Dores Fernández Abel, do departamento de Língua portuguesa, participou no Programa Piale 2016 cunha estadía nun centro escolar de Lisboa.

Premendo neste enlace podes ver información sobre esta experiencia.

1 adxunto

Falua: música en portugués

Mar, 14/06/2016 - 03:51 — admin2

O venres, día 10 de xuño, o grupo Falua (Sara de Sousa e Gom de Abadim) actuou para o alumnado de Lingua portuguesa. Organizou a actividade Dores Fernández Abel, xefa deste departamento. Previamente, a nosa alumna Yolanda Dias interpretou un tema de Aline Frazão.

Aquí pódese ver un VÍDEO doutra actuación deste grupo.

Correlingua, 2016

Mér, 20/04/2016 - 13:46 — admin

O alumnado de portugués de 4º da ESO, acompañado da profesora Dores F. Abel, recolleu o premio ao manifesto gañador do Correlingua 2016, en Pontevedra, no acto oficial de presentación desta actividade no Museo Provincial.
Aproveitaron a viaxe para coñecer unha magnífica exposición da obra de Castelao e visitar o casco historico da cidade.