FSE+ Galicia 21-27 - Programas de apoio á inclusión educativa e atención á diversidade. Curso 22-23

Os programas de apoio á inclusión educativa e atención á diversidade están cofinanciados polo Programa FSE+ Galicia 21-27 no marco do Obxectivo Político 4.- Unha Europa máis social mediante a aplicación do pilar europeo de dereitos sociais.

Esta actuación está dirixida ao alumnado con necesidades específicas de apoio educativo. O obxecto desta actuación é a atención, a través de docentes coas especialidades de Pedagoxía Terapéutica e Audición e Linguaxe, daquel alumnado con necesidades específicas de apoio educativo e, principalmente, do alumnado que presenta necesidades educativas especiais.

A finalidade principal dos programas é a plena inclusión do alumnado contribuíndo así á mellora do éxito escolar. Trátase, polo tanto, dunha medida esencial para reducir a taxa de abandono escolar temperá na Comunidade Autónoma de Galicia, que permitirá acadar o obxectivo fixado para 2030 pola Comisión Europea dunha taxa inferior ao 9%.

Os programas de apoio á inclusión educativa e atención á diversidade encádranse na medida 3.f.02.- Programas de diversificación curricular, de atención á diversidade e garantía da equidade educativa, no obxectivo específico ESO4.6.- Promover a igualdade de acceso a unha educación e unha formación de calidade e inclusivas e a súa culminación, en particular para os colectivos desfavorecidos, desde a educación infantil, pasando pola educación e a formación xerais e profesionais, ata a educación superior, así como a educación e a aprendizaxe dos adultos; así mesmo, facilitar a mobilidade educativa para todos e a accesibilidade das persoas con discapacidade, na Prioridade 3.- Educación e formación, do Programa FSE+ Galicia 21-27.

A taxa de cofinanciamento do FSE+ Galicia 21-27 é do 60%. Esta achega contribúe a financiar os custos laborais do profesorado que intervén nos programas (docentes especialistas en Pedagoxía Terapéutica e Audición e Linguaxe) así como os custos indirectos derivados da súa intervención.

Normativa

• Regulamento (UE) Nº 2021/1060 do Parlamento Europeo e do Consello, de 24 de xuño de 2012, por lo que se establecen as disposicións comúns relativas ao Fondo Europeo de Desenvolvemento Rexional, ao Fondo Social Europeo Plus, ao Fondo de Cohesión, ao Fondo de Transición Xusta e ao Fondo Europeo Marítimo, de Pesca e de Acuicultura

• Regulamento (UE) Nº 2021/1057 do Parlamento Europeo e do Consello, de 24 de xuño de 2021, polo que se establece o Fondo Social Europeo Plus (FSE+)

• Decisión C(2022) 9389 final da Comisión Europea pola que se aproba o Programa FSE+ Galicia 2021-2027 (09.12.2022)

Documentos de programación e xestión

• Programa FSE+ Galicia 2021-2027

Operacións seleccionadas

• Atención á diversidade 2022-2023

  • Autorización previa

  • Ficha descritiva

  • Custos simplificados

  • Centros e proxectos autorizados

  • Comunicación aos centros

Información e comunicación

• Cartel informativo

• Logotipo UE

Obrigas en materia de difusión e publicidade:

• Informar ao profesorado e ao alumnado atendido sobre o cofinanciamento da intervención dos docentes das especialidades Pedagoxía Terapéutica e Audición e Linguaxe, nos centros que foron seleccionados na operación.

• Poñer no taboleiro de anuncios do centro educativo e na súa páxina web, se a tiver, o cartel anunciando a axuda do FSE+ segundo o modelo que se axunta no enlace anterior.

• Na documentación e nos materiais de comunicación relacionados coa execución destes programas destinados ao público e aos participantes, incluirase unha mención que destaque a axuda da Unión de maneira visible. Tamén se recomenda incluír a referencia ao Programa FSE+ Galicia 21-27.

Enlaces de interese:

• La Dirección General de Empleo, Asuntos Sociales e Igualdad de Oportunidades de la Comisión Europea

• Fondo Social Europeo

• Comisión Europea

• Consellería de Facenda e Administración Pública