Título node Learning object
Día Europeo das Linguas 2015
Ven, 18/09/2015 - 11:28
O vindeiro 26 de setembro celebrarase o Día Europeo das Linguas. Esta iniciativa do Consello de Europa realízase desde 2001 coa participación de numerosas institucións e asociacións con intereses culturais e lingüísticos, así como universidades e centros escolares.
A web desta campaña ofrece a posibilidade de que os centros de ensino participen nas actividades propostas. Entre elas, ofrécese a posibilidade de votar a iniciativa máis innovadora, creativa e transferible que contribúa a promoción das linguas. O prazo para realizar as votacións vai do 22 de setembro ao 21 de outubro de 2015. O resultado anunciarase en decembro.
Pódese tamén consultar a nova no portal da lingua galega.