Título node Learning object
A Fundación Asia-Europa (ASEF) abre convocatoria para o profesorado de educación primaria, secundaria e formación profesional para participar na Rede de escolas de ASEF, a cal cumpre 16 anos.
En 2023, ASEFClassNet16 aborda o tema "Liderar o cambio: Transformación dixital da educación na era da IA". Grazas á formación e colaboración entre docentes, desenvolverase a comprensión das dimensións humana e tecnolóxica da Intelixencia artificial (IA) na educación, o uso de ferramentas de IA no ensino, así como o seu funcionamento, creación e implicacións sociais, éticas e humanas.
O obxectivo principal da colaboración entre escolas de Asia e Europa é levar a cabo diversas actividades de capacitación, diálogo e creación de alianzas que permitan dotar a profesorado e persoal educador de coñecementos básicos, competencias e estratexias sobre IA e Educación para o Desenvolvemento co fin de construír sistemas educativos intelixentes.
A fase de formación comezará o 1 xuño e finalizará o 14 de setembro de 2023, tendo o inglés como lingua de traballo.
Achéganse a convocatoria e o programa. A data para inscribirse finaliza o 30 de abril.