Pedagoxía Terapéutica

Ola rapaces e rapazas, 

 hoxe propóñovos un conto que amablemente nos deixaron descargar desde Triqueta Verde. Titúlase PROFE, MIRA O QUE FIXEN. Botádelle un ollo xa que, ademais de moi divertido, dá moitas ideas para facer nestes tempos de quedar na casa. 

Agardo que vos guste!

Desta volta propóñoche que sexas ti o escritor ou escritora e crees o teu propio conto! Axúdoche un pouco dándoche algunhas ideas, só precisas un dado e a túa imaxinación.

No documento adxunto verás 3 personaxes, un obxecto, unha situación, un animal e dous lugares. Tira o dado 8 veces e vai vendo en cada casilla o que che tocou segundo o número que che saíra no dado. Cando xa o teñas todo, tócache a ti inventar o conto. 

Hoxe propóñoche unha páxina con moitos xogos e actividades interactivas de case todas as áreas, lingua castelá, matemáticas, ciencias sociais e ciencias naturais. En cada apartado atoparás moitos xogos interactivos para repasar contidos xa vistos, desde exercicios de ortografía e ditados, repaso de operacións matemáticas, mapas xeográficos, corpo humano, ... hai moita variedade.

    Nesta páxina, ademais de repasar contidos traballados nas aulas das áreas de matemáticas, lingua, inglés e ortografía, podes atopar tamén manualidades, receitas, contos, chistes, cancións, adiviñas, debuxos para colorear, xogos para facer dentro da casa, ...