Achegándonos ás vacacións de Nadal, hai que buscar un intre para escribir a carta ás súas Maxestades, os Reis Magos de Oriente. Deixámosvos aquí un modelo de carta que podedes imprimir.

Preme aquí

Sabías que un de cada dez nenos é un neno con discapacidade?

As persoas con discapacidade foron historicamente marxinadas. Cómpre redobrar e acelerar os nosos esforzos para integralas na sociedade e axudarlles a conseguir as súas metas.

O noso mural colectivo, que leva por título, “A diversidade enriquece”, quere ser unha homenaxe a todos estes superheroes e a todas estas superheroínas que están aquí para regalarnos sorrisos, abrazos, agarimos… e cos que queremos compartir unha morea de retos e aventuras. Quixemos destacar todas esas cousas que elas e eles son capaces de facer, aínda que a súa discapacidade ás veces llo pon moi difícil. 

No que levamos de ano, xa van 51 mulleres asasinadas! Cómpre reflexionar e pensar que hai moitas cousas que deben cambiar na nosa sociedade. No noso centro fixéronse actividades moi variadas, adaptadas a cada nivel e entre elas destacamos a visualización de vídeos, lectura de contos, traballo con cancións... Todas as clases colaboraron na decoración dos corredores e portas das aulas, sendo partícipes da importancia de reivindicar este día.

Ademais, as titorías de 4º, 5º e 6º de E.Primaria sumáronse á campaña posta en marcha polo Concello de Arzúa polo 25 de novembro. Baixo o lema xenérico “Acabouse!”, a campaña ten como fío condutor diferentes citas que podemos achar en famosas series, películas e contos, convidando a reflexionar sobre as violencias machistas que representan e que habitualmente normalizamos.

Esta é unha mostra do traballo que se está facendo nas distintas titorías do centro.

Traballos das nenas e nenos da aula de 3 anos-A:

Traballos do alumnado de 3ºB:

Cartel das nenas e nenos de 2ºB:

Mural do alumnado de 4º A:

Mural do alumnado de 4ºB:

Mural do alumnado de 5ºA:

Cada 20 de novembro celébrase o Día Mundial da Infancia, unha data para reivindicar a importancia de protexer os dereitos de todos os nenos e as nenas e unha ocasión para impulsar accións que permitan seguir construindo un futuro mellor.

Este día recorda que todos os nenos e nenas teñen dereito á saúde, á educación ou á protección, independentemente do lugar do mundo no que naceron.

Para traballar e reflexionar sobre a importancia desta data traballamos co libro “YO SERÉ TRES MIL MILLONES DE NIÑOS” deAllain Serres – Judith Gueyfier onde, con diferentes contos, se mostra a realidade de moitos nenos e nenas, que carecen destes dereitos.

Cada nivel traballou un conto, reflexionou sobre as carencias que aínda hoxe en día sofren moitos nenos e nenas de todo o mundo, e plasmouno nun debuxo nunha cometa.

Ademais, o Departamento de Cultura do Concello de Arzúa convidounos, un ano máis, a gozar duns espectáculos para celebrar esta data con todos os nenos e nenas do colexio.

O luns, 13 de novembro os cativos e cativas de Educación Infantil desfrutaron do espectáculo “Soñando Inventei” de maría Faltri e Jorge Juncal.

O martes, 14 de novembro os nenos e nenas de 1º, 2º e 3º de EP desfrutaron do concerto “Bravas. O rexurdir da luz” de A Gramola Gominola.

O mércores, 15 de novembro os rapaces e rapazas de 4º, 5º e 6º de EP desfrutaron do concerot de Femininoplural.

 Traballos realizados polas distintas titorías:

Deixámosvos aquí algúns recusos para traballar o Día Internacional da eliminación da violencia contra a muller nas aulas:

• Actividades propostas polo Departamento de Orientación do noso centro para E. Infantil e 1º ciclo de EP. Preme aquí
• Actividades propostas polo Departamento de Orientación do noso centro para 2º e 3º ciclos de EP. Preme aquí
• Outras actividades. Preme aquí
• Ficha de lectura "Nin un bico á forza. Preme aquí
• Coplas contra a violencia de xénero para traballar no 3º ciclo EP. Preme aquí
• Ficha 25 N para os máis pequenos. Preme aquí
• Campaña do 25 N do Concello de Arzúa "Cambia o conto" para 2º e 3º ciclos EP. Preme aquí
• As rapazas e os rapaces de 5º de primaria do CEIP Plurilingüe do Carballal elaboraron este fantástico videoclip no que versionaron unha canción de Alaska dos anos 80 e crearon unha coreografía para ela. O alumnado quixo lembrar deste xeito tan orixinal o Día Internacional da eliminación da violencia contra a muller e facer un chamamento para que ningunha muller agredida fique calada.

Deixámosvos aquí algúns recursos que podedes empregar nas vosas aulas para conmemorar o Día da Infancia. 

• Lecturas, cancións e lista de dereitos. Preme aquí
• Dereitos para imprimir. Infantil e 1º ciclo. Preme aquí
• O alumnado do CEE A Barcia de Santiago de Compostela lémbranos, a través das imaxes e dos pictogramas deste vídeo, algúns dos dereitos fundamentais dos nenos e nenas; entre outros o dereito a recibir coidados especiais cando teñan impedimento físico, mental ou social ou a non ser discriminados/as e medrar en igualdade. 

Unha das actividades organizadas con motivo do Día das bibliotecas é esta sesión de animación á lectura, que hoxe desfrutaron todos os nenos e nenas do noso colexio.

Erica González, a contacontos e actriz que nos visitou, preparounos un espectáculo que leva por nome "A volta ao día en 80 mundos". Inspirándose na famosa obra de Julio Verne, Erica achegounos aos distintos continentes e falounos de moitos países, das súas culturas, curiosidades... e, polo medio, contounos algún conto destes lugares. Así, por exemplo, con "Pepita Sarmiento" aprendemos que cando queres a alguén hai que darlle ás para voar, razóns para entender e motivos para quedarse; con "Moussa soña" caímos na conta de que para soñar é moi importante xogar, pero hai nenos e nenas no mundo que deixaron de facelo porque só traballan e xa non soñan con nada fai tempo.

Estas fotos forman parte dalgúns dos catro pases que se fixeron para que todo o alumnado do centro puidera participar nesta actividade. 

Grazas Erica por deixarnos "viaxar" hoxe contigo e recordarnos que o idioma universal é o sorriso. 

“Por San Martiño faise o Magosto, con castañas asadas e viño ou mosto”.

O MAGOSTO é unha festa tradicional na que os veciños e veciñas preparaban unha fogueira para asar castañas, compartilas e festexar esa noite.

Nós tamén celebramos o noso Magosto con castañas asadas e chocolatada.

Aínda que o tempo non permitiu desfrutar dos xogos tradicionais, degustamos as castañas e o chocolate ben quente cos nosos compañeiros e compañeiras.

Na noite do 31 de outubro, as portas do máis alá ábrense para que os mortos visiten o mundo dos vivos.

Esta é unha tradición celta que conta con máis de 3000 anos.

Samaín significa “fin do verán”. Era unha festa na que os celtas conmemoraban o cambio de estación (de verán a inverno) e o fin da tempada das colleitas.

Pero esa noite de festa, crían que as almas dos defuntos volvían ao mundo dos vivos.

Para espantalos, utilizaban máscaras e disfraces e adornaban as casas e os camiños con caveiras, nabos e cabazas con caras terroríficas.

Dado que este curso a temática a traballar é “Unha ventá aberta ao mundo” quixemos que cada nivel descubrise como celebraban esta noite ou o Día dos Mortos en diferentes países do mundo. Descubrimos novas festividades e datos moi curiosos.

Plasmámolo neste mural que leva por título “O Samaín no mundo” onde unha bruxa que viaxa a noite do 31 de outubro polo noso planeta, nos trouxo toda a información que rotulamos e decoramos nestas cabazas tan fermosas.

Así o festexamos nas aulas:

Aquí vos quedan algunhas ideas e recursos interesantes para traballar o Magosto:

• Animade aos vosos alumnos e alumnas a facer unha recompilación de refráns do outono, contando coa axuda das súas familias. Poden ilustralos e con eles crear un bonito mural.

•  Unidade didáctica do Magosto. Preme aquí

•  Outra unidade didáctica do Magosto. Preme aquí

•  Recusos didácticos Magosto. Preme aquí