Hoxe 16 de outubro conmemórase o Día Mundial da Alimentación e, grazas á colaboración de Slow Food Compostela e de Miguel Nogueira da Panadería Mercedes de Carral, as nenas e nenos de 2º de primaria puideron coñecer máis do alimento emblema da nosa vila, o PAN.

Fixeron unha cata e comprobaron así de primeira man as diferenzas entre o pan de Carral e o pan de elaboración máis industrial.

• Programación Xeral Anual

Informámolas de que se atopa publicada a listaxe provisional de admitidos e excluídos no comedor para o curso 23-24.

A listaxe pode consultarse no taboleiro que está no interior do centro de 9.00h a 14.00 h ou no teléfono 881880446.

O prazo de reclamacións abrangue desde mañá, venres 14 de xullo ata o xoves 20 de xullo, ambos incluídos. As reclamacións presentaranse por escrito na administración do centro en horario de 10.00 h a 13.00 h, non é preciso pedir cita.

A listaxe definitiva publicarase ao rematar o prazo de reclamacións. Asemade, as persoas que aparecen admitidas na listaxe provisional xa poden presentar a autodeclaración, poden descargar o modelo da páxina web ou solicitalo na conserxería do centro.

A data límite para a entrega da autodeclaración é o 1 de setembro. A autodeclaración pode entregarse cuberta por correo electrónico a administracion.ceip.vicente.otero@edu.xunta.gal.

O alumnado excluído queda pendente da presentación de documentación ou pago de taxas.

As familias que marcaron o criterio “Outro alumnado do centro” na solicitude quedan pendentes para a adxudicación definitiva.

Anexo IV

Atópase publicada no taboleiro do centro a listaxe provisional de admitidos e excluídos do fondo libros e de vales de material para o curso 23-24.

As reclamacións poden efectuarse nos dous días hábiles seguintes a partires da publicación de dita listaxe, polo que os días para efectuar ditas reclamacións son o venres 7 e o luns 10 de xullo.