Economía

Hoxe 22 de maio tivemos a sorte de poder desfrutar, como colofón á actividade realizada durante o mes de abril, de dinamización do emprendemento e exposición de Enredadas no cambio, da experiencia de dúas das protagonistas de Enredadas.

Invonnsabel Zambrano, estilista colombiana e Sofía Vázquez Manzano, cooperativista de Mulleres colleiteiras, acompañadas de Luz Marina Monsalve, traballadora social da institución San José Obrero, que promove a formación profesional de xoves en situación de vulnerabilidade en Medellín, Ana Silva Romero e Rafael Veiga de Diego, da ONG Taller de Solidaridade achegáronnos as súas experiencias durante dúas sesións.

O alumnado de 2º da ESO, e de 4º da ESO da materia Economía e Emprendemento, puido coñecer de primeira man a situación das familias en Medellín, de como as mulleres loitan por labrar o seu porvir e o das súas familias... e non so en Colombia senón tamén ben pertiño, mulleres desfavorecidas da Coruña como Sofía, que perseguíu e conseguíu o seu soño de ser independente favorecendo a sostenibilidade.

Grazas por compartir connosco a vosa experiencia e enerxía inspiradora.

 Imaxes de Beatriz López CC BY-SA 

Cada 9 de maio, celebramos o Día de Europa en honor á Declaración Schuman, que foi pronunciada o 9 de maio de 1950, propoñendo a creación da Comunidad Europea do Carbón e dol Aceiro, que sentou as bases da Unión Europea tal como a coñemos hoxe. Os temas esbozados na Declaración —cooperación, unidade e paz entre os países europeos— seguen a estar vixentes setenta e catro anos despois. 

Canto sabes da UE? Propoñémoste algúns enlaces interesantes:

Xogo: A UE e eu

Zona de aprendizaxe con Material didáctico, xogos, liña cronolóxica da UE, novas e concursos

O concello de Lugo conmemora a data con varias actividades:

Hoxe 29 de abril, dentro do programa EduTecEmprende, da liña de actuación Conexión co mundo empresarial do Plan Eduemprende, que desenvolve a Dirección Xeral de Formación Profesional, puidemos desfrutar dunha interesante charla de Antonio Domingo Tudó, director de Recursos Humanos de Pérez Rumbao S.A.U.

Acudiron á clase de Economía de 1º de bacharelato tamén os de Economía e Emprendemento de 4º da ESO, ao escoller a modalidade de visita virtual, Antonio Tudó conectouse desde a aula por vía telemática co concesionario de Ourense. Percorréronse as instalacións do mesmo e entrevistouse a persoal dos distintos departamentos, o alumnado puido preguntar as súas inquedanzas e coñecer de maneira máis práctica o traballo nunha empresa, en especial do sector de automoción, descubrindo ademais amplas e variadas oportunidades profesionais.

 EduTEcEmprende, imaxes de Beatriz López CC BY-SA

Os martes 16 e 22 de abril, dentro da liña de actuación Desenvolvemento de habilidades empresariais do plan Eduemprende da Consellería de Educación, no que participamos, o alumnado de 1º de bacharelato da materia de Economía puido desfrutar dunhas motivadoras charla.

En concreto as charla eran da opción 3 do programa Finanzas para mortais, dirixida a Bacharelato.

Mª Jesús López Rodríguez, directora adxunta da oficina de empresas na oficina central do Banco Santander en Lugo, falounos eses dous días de moitos temas que teñen relación coa materia e  ademais desde a súa perspectiva e experiencia en banca.

En concreto tratamos:

  A economía dun país: Análise da economía dun país, principais indicadores económicos (PIB, desemprego, débeda, inflación).

  Fonte de ingresos dun país: Principais ingresos públicos, débeda pública, cotizacións sociais, transferencias recibidas, impostos.

  Gasto dun país: Orzamentos xerais do Estado, quen gasta nun país, principais partidas de gasto.

  As pensións: O Sistema da Seguridade Social, os cambios demográficos (taxa de natalidade, esperanza de vida, pirámide de poboación), evolución das pensións, que outras opcións existen, comparación de sistemas.

 Incluso comentounos tamén aspectos relacionados coas finanzas persoais.

Imaxe de Beatriz López