Resolución do VII Concurso de Traballos por Proxectos

Segundo Resolución do 10 de decembro de 2021, publícase a relación de centros que resultan galardoados no VII Concurso de Traballos por Proxectos baixo a coordinación (ou coa participación) da biblioteca escolar, correspondente a traballos realizados durante o curso 2020/2021. En vista de que algunhas sub-modalidades ficaron desertas, seleccionáronse máis proxectos dos previstos nas modalidades con maior participación, tal e como se recolle na resolución da convocatoria deste certame. Os traballos seleccionados serán difundidos a través da web de Bibliotecas Escolares de Galicia.