Os niveis educativos impartidos no noso centro non están incluídos no retorno da actividade lectiva presencial do 25 de maio.

A Federación Provincial de ANPAS, conxuntamente co Concello da Coruña, co fin de dar resposta ás necesidades de conciliación das familias, oferta unha proposta de actividades multidisciplinares para este período vacacional. A estrutura é semellante aos Campacoles de edicións anteriores, pero neste caso exclusivamente para as familias (ambos proxenitores ou familias monoparentais) que xustifiquen a necesidade de conciliar, xa que este é o eixo principal desta proposta.

Bo día familias,

deixámosvos aquí á oferta de campamentos de verán que oferta o Concello de A Coruña para nenas e nenos que nacesen entre o 1 de xaneiro de 2008 e o 31 de decembro de 2016. As preinscricións serán os días 27, 28 e 29 de maio.

Bo día,

deixamos por aquí unha nova proposta do Equipo de Actividades Complementarias e Extraescolares para que non vos esquezades do horto.

Compartimos convosco esta suxerencia do Equipo do Club de Ciencias para que poidades continuar cos experimentos desde casa. Sabemos que non é o mesmo, pero a ciencia debe continuar.

 Pulsa na imaxe para acceder

Como ben sabedes, este domingo é o Día das Letras Galegas. Este ano, o máis rariño que acordamos, homenaxéase a Ricardo Carvalho Calero, autor ferrolano e defensor da lingua galega.

Pulsa na Imaxe para acceder ao Material

Ao redor da súa figura e da súa obra "As pitas baixo a choiva", preparamos actividades, vídeos, información... Todo accesible e listo para que o disfrutedes.
Esperamos que vos guste!!

Equipo de Dinamización da Lingua Galega

Bo días,

xa estamos de volta coas actividades que nos facilitan cada semana os compis do equipo de Actividades Complementarias e Extraescolares.

Esperamos que a proposta vos guste.

Saúdos.

Ola a todas/os! deixámosvos por aquí un material do Banco de Recursos de Educación Emocional (Educación Responsable - Fundación Botín). Dar as grazas á profe Sonia pola elaboración do recurso. Esperamos que vos guste!

https://play.makeit.app/?code=795183 

Hoxe queremos facerlle unha pequena homenaxe a Amalia, xa que estase a encargar do coidado da nosa pequena horta, para que siga crecendo e o traballo do noso alumnado non fose en balde.

Ata estamos a pensar en cambiarlle o nome á nosa "Horta de Charito" e chamala a "Horta de Amalia". Os nosos aplausos de hoxe e este poema de Díaz Castro van para ti. Moitas grazas por todo! 

Herba pequerrechiña,
que con medo sorrís
ó sol que vai nacendo
e morrendo sin ti.
Por que, de ser pequena
te me avergonzas ti?
O Universo sería
máis pequeno sen ti!

Xosé María Díaz Castro - Esmeralda (Nimbos) 1961

https://www.instagram.com/p/B_2w5lIoTjh/