Actualidade

Podedes consultar máis información pinchando na imaxe o no arquivo adxunto. 

Parabéns a todos os participantes das Galiciaskills, en especial ás nosas premiadas Lucía Piñeiro e Lucía Tomé que obtiveron a medalla de ouro na categoría de Programas Formativos de Peiteado. Grazas ao seu traballo, esforzo e profesionalidade destacaron nas probas realizadas.

1ª proba - Ondas

2ª Proba - Recollido

O martes 24 de outubro está convocada unha folga de persoal docente. O centro manterá os servizos mínimos publicados na orde do 17 de outubro de 2023 pola que se ditan normas que determinan os servizos mínimos durante a folga no ámbito do ensino público convocada para o día 24 de outubro de 2023.

Estades convidados todos e todas á II Xuntanza de Familias do CEE Nosa Señora do Rosario.

Teremos contacontos, obradoiros de pintacaras e globoflexia, xogos e un pequeno aperitivo para que disfrutemos dunha tarde de convivencia e diversión.

Contamos con vós!

 Axudas para adquirir libros de texto e material escolar curso 2023/2024.

▶ Onde se atopan os detalles da convocatoria:

• No portal web da Consellería de Cultura, Educación,
 Formación Profesional e Universidade:

http://www.edu.xunta.gal/portal/fondolibros

• Directamente no Diario Oficial de Galicia de 19 de maio de 2023: https://www.xunta.gal/dog/Publicados/2023/20230519/AnuncioG0655-100523-0001_gl.pdf

▶ Prazo de presentación de solicitudes

Do19 de maio ao 21 de xuño de 2023 (incluídos)

▶ Procedemento de presentación de solicitudes
Hai tres maneiras de presentar a solicitude:
A) De xeito manual e presencial
B) Con creación de solicitude na aplicación e presentación
presencial
C) Con creación de solicitude na aplicación e presentación electrónica (IMPORTANTE: Por cuestións técnicas,a
presentación electrónica esixe que se presente unha
solicitude individual para cada alumno beneficiari

Poderán ser beneficiarios das distintas contías  os/as alumnos/as que no ano académico 23/24 estean matriculados neste centro en programas formativos.

PRAZOS:

27 de marzo ao 17 de maio de 2023

Para calquera información no seguinte enlace:

https://www.becaseducacion.gob.es/portada.html.

A comunidade educativa do CEE Nosa Señora do Rosario quere darvos a benvida a este novo curso 2022-2023.

O día 8 de setembro comezarán as clases para todo o alumnado do centro de xeito simultáneo, desde educación infantil ata programas formativos.

A entrada ao centro será pola porta de transporte, a cal permanecerá aberta de 8:50 a 9:00 horas. Rogamos puntualidade dentro dese horario (ante situacións excepcionais como citas médicas, o acceso será pola mesma porta).

As merendas faranse antes do tempo de lecer na propia aula, recoméndase as familias enviar alimentos que faciliten o consumo autónomo por parte do propio alumno ou alumna, sempre promovendo unha alimentación saudable.

O alumnado deberá ter toda a roupa marcada co seu nome e unha bolsiña co cepillo e pasta de dentes. Despois do xantar fomentarase a autonomía no cepillado de dentes. As familias deberán supervisar diariamente o estado dos útiles para o axeitado cepillado de dentes, non quedará no centro.

A saída de todo o alumnado será pola porta do comedor, sexan ou non usuarios do servizo. Ás 14:00 horas os que non asisten ao comedor e ata as 15:00 horas o alumnado de comedor.

Os servizos de comedor e transporte escolar funcionarán desde o primeiro día de clase. Non haberá quendas de comedor e segundo a información dispoñible previa ao inicio de curso, os horarios de transporte non sufrirán alteracións.

É moi importante que teñades os teléfonos de contacto ante emerxencias actualizados e dispoñibles durante o horario lectivo. 

Ante calquera incidencia ou dúbida podedes pedir cita presencial no centro ou contactade con nós a través do teléfono do centro 881961070 / correo electrónico cee.nosasenhora.rosario@edu.xunta.gal