O alumnado de 5º e 6º de E.Primaria participou hoxe dunha actividade de Iniciación á Micoloxía da man de Carlos, de Terras de María Castaña.
Despois de traballar na biblioteca do cole, saímos ata o Concello de Bóveda a buscar cogomelos e para rematar fíxose unha clasificación e exposición de todo o atopado.
Para ver o vídeo desta actividade, picade na seguinte ligazón :
Aquí está o vídeo das monstruosas merendas dos nosos nenos e nenas.
Para velo, picade na seguinte ligazón :
Todo listo para celebrar o Samaín.
Para ver como temos o cole adornado, picade na seguinte ligazón :
O TEU CORPO É TEU e ninguén debe tocalo se ti non queres.
O pasado luns, 9 de outubro, Blanca, representante de OUTONÍA, cooperativa que traballa en prol da educación social e da sustentibilidade rural, fixo un obradoiro co alumnado de 4º e 5º de infantil (3 e 4 anos) no que falar do noso corpo, da nosa identidade e do bo trato persoal, colectivo e social. Para iso serviuse do libro: O TEU CORPO É TEU de Lucía Serrano.
Grazas á Asociación de Nais e Pais do CEIP Plurilingüe A GÁNDARA por facer chegar este obradoiro ao noso alumnado de infantil.
O mes de outubro comezou facendo a VENDIMA no patio de infantil do noso centro escolar.
As familias trouxeron acios de uvas que o equipo docente colgou polo valado do patio. Despois de facer grupos de cores formados por alumnado de 3, 4 e 5 anos, mesturados, comezou a vendima cortando os acios de uvas e botándoos en cestos. Ao rematar a vendima, houbo que acarrexar os acios ata o soportal onde tiñamos mesas, bancos e bandexas nos que cada grupo tivo que separar os bagos dos cangallos. Cando xa fixemos a selección, exprimimos as uvas coas mans para sacarlle o zume que, logo, filtramos empregando grandes coadores que nos cedeu o persoal de cociña.