No CEIP Plurilingüe A GÁNDARA estivemos de festa!!! Si, conmemoramos o DÍA DAS LETRAS GALEGAS durante toda a semana!!! (Un día non nos chegaba)

Cada día houbo algúns grupos de alumnado que nos deleitaron cos seus bailes galegos. Mirade no vídeo que aparece a continuación as nosas interpretacións das melodías típicas da nosa terra. Por favor, tede en conta que o fixemos con toda a nosa ilusión e bo facer, o obxectivo non era facelo perfecto senón gozar das melodías e cancións propias da nosa cultura, poñéndoa en valor.

O vindeiro domingo, 15 de maio, será o DÍA DA FAMILIA pero, nós, no colexio adiantamos a celebración para este xoves día 12.

Realizamos unha CARREIRA FAMILIAR convidando ás familias do alumnado de infantil a acudir a acompañarnos neste momento de convivencia activa.

A GÁNDARA CORREU, CORREU E CORREU!!!!! Mirade este vídeo que o atestigua.

O 15 de marzo celébrase o Día Mundial dos Consumidores e das Consumidoras. E como se aprende a consumir responsablemente? Facéndoo!!! Así que o alumnado de educación infantil botouse á rúa e practicou a mercar levando como presuposto un euro.  Grazas á colaboración do Centro Comercial Urbano e, en especial, dos comercios da Praza de Abastos a experiencia foi máis enriquecedora.

Hoxe celébrase o dia Internacional da Muller Traballadora, e dende a biblioteca do centro non podemos esquecer esta data para recomendar fermosas lecturas que promovan a igualdade entre todas as persoas. 

Esperamos que vos gusten.