Todo listo para celebrar o Samaín.
Para ver como temos o cole adornado, picade na seguinte ligazón :
O mes de outubro comezou facendo a VENDIMA no patio de infantil do noso centro escolar.
As familias trouxeron acios de uvas que o equipo docente colgou polo valado do patio. Despois de facer grupos de cores formados por alumnado de 3, 4 e 5 anos, mesturados, comezou a vendima cortando os acios de uvas e botándoos en cestos. Ao rematar a vendima, houbo que acarrexar os acios ata o soportal onde tiñamos mesas, bancos e bandexas nos que cada grupo tivo que separar os bagos dos cangallos. Cando xa fixemos a selección, exprimimos as uvas coas mans para sacarlle o zume que, logo, filtramos empregando grandes coadores que nos cedeu o persoal de cociña.
O alumnado de 5º e 6º de infantil (4 e 5 anos) fixo o percorrido do CAMIÑO DO INVERNO desde o Monte de San Vicente ata o Parque dos Condes. Ao chegar abaixo ofreceuselle unha mazá e un botellín de auga.
Esta actividade foi organizada pola Asociación de Camiños de Santiago pola Ribeira Sacra e, como todos os anos, houbo unha numerosa participación de escolares da zona. A radio ONDA CERO e o xornal EL PROGRESO foron algúns dos medios que se fixeron eco do que estivemos a facer.
O pasado venres día 06 o alumnado de 3º Ciclo de E.Primaria realizou un tramo do Camiño de Inverno organizado pola Asociación de Camiños a Santiago pola Ribeira Sacra.
Queredes ver o ben que o pasaron dende Reigada a Monforte de Lemos ? Picade na seguinte ligazón :
Os PEXEGOS do horto escolar foron apañados polo alumnado de 5º de primaria e, tras probar algúns, os que sobraron quedaron para poñelos en conserva.
Esta actividade foi dirixida e preparada por Sara Martínez Gallego quen coordina o proxecto de Voz Natura do noso centro escolar.