Escolares

Como xa sabedes, o CEIP da Barqueira en colaboración coa FUNDACIÓN AMIGOS DE GALICIA, estamos a levar a cabo unha recollida de tapóns solidarios coa seguinte causa:

Así, con todos os tapóns que levamos ó cole, estamos a facer un rexistro mensual da recollida dos mesmos, xa que Iago necesita unha cantidade moi grande de tapóns e queremos saber cal é a nosa parte en toda esta colaboración que o pequeno recibe.

Nesta liña e con toda a nosa recollida diante, comezamos por facer unha estimación de cantos podíamos ter na nosa pequena caixa (ó máis puro estilo ABN), e este foi o resultado...

Unha vez feitas as nosas estimacións, A CONTAR!!!! Porén, para non liarnos coas nosas contas decidimos facer primeiramente decenas con eles (QUE VIVA Ó ABN!!!)

Como era normal os tapóns non facían decenas exactas, polo que finalmente tivemos que contar os que quedaban soltos e rexistrar todas as decenas que conseguimos facer pola clase. Tras o reconto das decenas e das unidades que quedaban soltas quedounos esta suma taaaaaan complexa que conseguimos resolver cun pouco de axuda.

RECOLLIMOS EN XANEIRO 563 TAPÓNS!!!!

Máis tarde, aínda o complicamos máis, cánto sería esa cantidade en peso? Así que fixemos novamente estimacións e...

Para estar comezando non o fixemos nada mal!!!! Case un kilo e medio de tapóns para Iago.

GRAZAS FAMILIAS!!!

Continuamos adquirindo conceptos como: tanto como...

Así, seguindo as diferentes cosignas íamos collendo os paliños de cores: "tantos como orellas teño", "tantos como somos na clase", "tantos como faltan hoxe", "tantos como marca o nº da carta". Un xogo que pode parecer sinxelo, pero que para eles supón contar, pensar nos que teñen na man e engadir ou sustraer en función desa cantidade...CASE NADA!!!

Posteriormente, e aproveitando que contábamos coas cartas do UNO, xogamos a ubicalas na recta numérica que temos na aula. Porén, non valía de calquera xeito, xa que coas cartas cara abaixo e a espera do "XA!", colocábamos a carta máis alta, a máis baixa, os amigos do 10...

Outro día, xogaremos ó xogo seguindo as reglas reais, a ver que tal se nos da, aínda que eu non teño dúbidas de que será perfecto.

*************

Noutra sesión, fixemos diferentes grupos para xogar ós xogos que temos na aula e que tamén viaxaron polas vosas casas nas caixas dos xogos.

Creo que agora os do ABN son os nosos favoritos.