Listaxe definitiva de alumn@s admitidos para o curso 2016/2017

 

Todos os nenos e nenas que solicitaron praza no noso cole para o vindeiro curso, resultaron admitidos/as.

Recordade que a formalización de matrícula realizarase entre o 20 e o 30 de Xuño.

 

Aquí podedes ver a listaxe de admitidos/as:

 

4º de Educación Infantil:

  • Fernández Novo, Fabio
  • González Sedes, Samuel

 

5º de Educación Infantil:

Rodríguez De Oliveira, Ainara

Procedemento de Admisión e Matrícula para o curso 2016/2017

 

NORMATIVA REGULADORA DO PROCEDEMENTO:

  • Decreto 254/2012, do 13 de Decembro, polo que se regula a admisión de alumnado en centros docentes sostidos con fondos públicos que imparten as ensinazas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de maio, de educación (Pódese ver clicando aquí).
  • Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan as ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei Orgánica 2/2006, do 3 de maio, de educación (Pódese ver clicando aquí).
  • Instruccións da Dirección Xeral de Centros e Recursos Humanos sobre o proceso de admisión de alumando en centros sostidos con fondos públicos para o curso académico 2016/2017.
  • Instruccións para os centros sostidos con fondos públicos da Xefatura Territoria da Consellería de Cultura, Educación e Ordenación Universitaria da Coruña sobre o proceso de admisión de alumnado para o curso 2016-2017.

 

POSTOS ESCOLARES OFERTADOS PARA O CURSO 2016/2017.

 

 

curso

ordinarios

reservados n.e.a.e.

total

educación infantil

4º (3 anos)

22

3

25

5º (4 anos)

20

-

20

6º (5 anos)

17

-

17

educación primaria

19

3

22

21

-

21

20

-

20

19

-

19

21

-

21

18

-

18

 

SOLICITUDE DE ADMISIÓN E DOCUMENTACIÓN REQUERIDA.

O prazo para presentar solicitude de admisión será durante os días 1- 29 de Marzo. A solicitude será única e de carácter vinculante, presentándose no centro que se solicite praza en primeiro lugar.

Deberá presentarse a seguinte documentación:

  • Solicitude de admisión (anexo II) debidamente cumprimentada e asinada por ambos proxenitores. Poderase solicitar o impreso na dirección do centro (ou descargar aquí).
  • Libro de familia.
  • DNI dos proxenitores e do alumno/a, se dispón del.

O prazo para a presentación acreditativa do baremo, será dende o 1 ao 10 de abril. Isto sería únicamente necesario se houbera unha demanda de prazas superior á oferta.

 

PUBLICACIÓN DE ADMITIDOS/NON ADMITIDOS.

Listaxe provisional: antes do 25 de abril. As reclamacións resolveranse no prazo de cinco días hábiles, contados a partires do día seguinte á publicación desta listaxe.

Listaxe definitiva: antes do 15 de maio.

 

FORMALIZACIÓN DA MATRÍCULA.

O prazo para a formalización da matrícula será entre os días 20-30 de Xuño.

Deberase presentar a seguinte documentación:

  • Solicitude de matrícula (anexo III-1) debidamente cumprimentada, a cal se poderá solicitar na dirección do centro (ou descargar aquí).
  • 4 fotos tamaño carné do alumno/a.
  • Fotocopia das tarxetas sanitarias dos proxenitores do alumno/a.
  • Fotocopia do boletín de vacinas do alumno/a.
  • Certificado de empadroamento dos membros da unidade familiar.
  • Certificado médico do alumno/a no que se explicite que padece ou non enfermidades graves e/ou contaxiosas.

 

CENTROS ADSCRITOS E DE ADSCRICIÓN.

Adscritos: non temos.

De adscrición: I.E.S. Punta Candieira, en Cedeira.

 

ÁREA DE INFLUENCIA DO CENTRO.

Abrangue as 3 parroquias do concello de Cerdido, A Barqueira, Cerdido e Os Casás. As áreas limítrofes serían os concellos de Cedeira, As Somozas, Moeche, Valdoviño e Ortigueira.

 

SERVIZOS COMPLEMENTARIOS.

O centro oferta de maneira complementaria os seguintes servizos:

  • Transporte escolar, regulado pola Instrucción 3/2015 da Secretaría Xeral Técnica da Consellería de Cultura, Educación e Ordenación Universitaria, do 1 de Xuño, sobre a xestión do servizo de transporte escolar no curso escolar 2015-2016, salvo instruccións posteriores ao respecto.
  • Comedor escolar, regulado polo Decreto 132/2013, do 1 de Agosto, polo que se regulan os comedores escolares dos centros docentes públicos non universitarios dependentes da consellería con competnecias en materia de educación (Pódese ver clicando aquí) e pola Instrución 1/2015 da Secretaría Xeral Técnica da Consellería de Cultura, Educación e Ordenación Universitaria, do 14 de xuño, sobre funcionamento dos comedores escolares de xestión directa no curso escolar 2015-2016, salvo instruccións posteriores ao respecto.

O alumnado que desexe facer uso destes servizos deberá expresalo debidamente tanto na súa solicitude de admisión como na conseguinte formalización de matrícula.

 

 

Calquera dúbida ao respecto, será aclarada na dirección do centro, preferentemente en horario de 10:00 a 11:00.

Xuntanza alumn@s, ex-alumn@s e mestr@s do CEIP da Barqueira

 

Estudas ou estudache no CEIP da Barqueira?

Fuche mestr@ neste centro?

Simplemente queres recordar vellos tempos ou volver contactar con antigos coñecidos?

Anímate a vir xantar con nós o vindeiro domingo 6 de marzo, pasarémolo xenial!

E de paso axudarasnos a recadar fondos para a excursión de fin de curso dos nosos pequenos e pequenas.

Contacta con nós por teléfono ou correo electrónico para que te apuntemos antes do 26 de febreiro.

 

 

 

Reserva de praza no IES Punta Candieira para o alumnado de 6º de EP no curso 2016/2017

 

O alumnado de 6º de Educación Primaria que desexe continuar os seus estudos no IES Punta Candieira (Cedeira) deberá cumprimentar o Anexo I da Orde do 12 de Marzo de 2013 (DOG do 15 de marzo de 2013) e entregalo neste centro ata o 15 de Febreiro. Dito anexo está dispoñible na dirección do centro ou pódese descargar aquí.

O obxecto deste procedemento é o de reservar praza no IES adscrito ao noso centro, facendo prevalecer a  prioridade do noso alumnado na admisión. Publicada a listaxe definitiva de alumnado admitido e non admitido nese centro (maio), dita reserva terá carácter vinculante, co cal non se poderá solicitar a admisión noutro centro sen renunciar expresamente e por escrito a esta.

O conseguinte procedemento de formalización de matrícula, realizarase no centro de destino no mes de xullo, na forma que alí indiquen.

Calquera dúbida ao respecto atenderase na dirección do centro.

Día da Paz (29.01.2016)

 

No noso cole estamos convencidos de que a paz se ten que celebrar todos os días do ano, pero non puidemos deixar pasar o día sen festexalo!

Decidimos nesta ocasión cantar e bailar pola paz!!

 

Nadal 2015

 

 

 

Aproxímase o Nadal... que emoción!!

No CEIP da Barqueira arricamos estas datas, coma sempre, co noso concurso de postais de Nadal.

Tras un reñido proceso de votacións aquí tendes aos tres gañador@s.

Parabéns a todos el@s, pero especialmente a Anxo, cuxa postal, que acadou o maior número de votos, será a que empreguemos para felicitar as festas a tod@s os nosos coñecid@s.

   

 

Pero chegou o tan desexado día!! Os reis viñeron ao cole a recoller as nosas cartas...

   

 

E agora vos preguntaredes que facemos con estas pintas... Pois moi sinxelo!

Este ano decidimos facer un musical para despedir o ano, poñernos na pel de John Travolta, Olivia Newton John e toda a súa panda, e rematar o 2015 con moita marcha!

Pero non soamente iso, tomámolo moi en serio, tivemos taquilla, entradas reais, acomodadoras, panfletos de man, un vestiario e docorado de excepción, un público moi entregado... un éxito rotundo!

 

   


 

Aos Reis Magos gustoulles tanto que nos deixaron un agasallo por adiantado!! Graciñas maxestades!!

   

 

 

 

As mil e unha noites (11.12.2015)

 

Unha vez máis nos viñeron visitar os Ghazafelhos, esta vez para contarnos a súa versión da historia das mil e unha noites...

Esta compañía nunca defrauda e coma sempre, escachamos coa risa... ata ter maniotas!!!

Aquí vos deixamos unha pequena mostra para que entendades do que falamos.

 

   

   

 

Día "Espacial" en As Somozas (4.12.2015)

Os nen@s do CEIP da Igrexa, en As Somozas, convidáronnos no día de hoxe a visitalos.

Tíñan preparadas para nós unha chea de actividades sobre o seu proxecto do espazo.

Pasamos unha mañá estupenda... aprendimos máis cousas do Sistema Solar, fixemos un cohete de papel, pintamos un precioso mural, vimos como é o universo dentro dun planetario, vimos un traxe auténtico de astronauta... en fin, un montón de cousas!

Graciñas por convidarnos amiguiñ@s!! Sodes xeniais!!

 

   

   

 

Quilómetros de solidariedade

 

Como algúns de vós xa saberedes, dende o CEIP da Igrexa e o Concello de As Somozas, están a organizar unha carreira popular coa finalidade de recaudar fondos para a organización "Save the children".

A carreira celebrarase o vindeiro domingo día 29 de Novembro, a partires das 10:30.

Ademais de noutros lugares, podedes facer a inscrición no noso colexio ata o día 23, que será de 1€ para o menores de 16 anos e de 5€ para os maiores de 16.

Haberá distintas categorías segundo as idades e as distancias a percorrer.

Dende o noso cole animámosvos a participar... é por unha boa causa!!

Para máis información podedes dirixirvos, ademáis de a este centro, a:

     CEIP da Igrexa, en As somozas.

     CEIP San Ramón, en Moeche.

     O Barbeiro, en As Pontes.

Distribuir contido