O domingo día 22 de febreiro foi o día da festa da androlla en Viana do Bolo. Como cada ano fíxose entrega dende o salón de plenos do concello do máximo galardón dende hai 5 anos: A ANDROLLA DE OURO. Esta élle concedida a aquelas persoas e institucións que, de algunha maneira potencien o entroido e as súas costumes. En total concedéronse seis, en forma de broche ou pin.
Unha destas androllas de ouro veu parar ó Ceip Bibei, en recoñecemento a súa longa traxectoria na potenciación e difusión do entroido. A entrega corre a cargo do señor alcalde e recibiuna a directora do centro Mª Luisa Atanes franco en nome de toda a Comunidade Educativa.
Tamén nos acompañou o delegado de Educación Don Gonzalo Iglesias Sueiro e nos sentimos moi honrados pola súa presenza.
Ademáis de ser un acto oficial foi un acto entrañable e inesquecible que nos enche de orgullo a todo o claustro e nos dá folgos para seguir traballando nas costumes e entroido do noso pobo.
Norabóa e grazas.
