O día 13 de novembro, tal como tiñamos indicado nos calendarios online das nosas aulas, tería lugar a celebración do Magosto no colexio.

Tal como lembramos mirando a páxina web do colexio, do curso pasado, participaríamos en xogos tradicionais e comeríamos castañas asadas.

Para poder meter as castañas, creamos un "cesto castaña" feito con pratos de cartón. Así foi como os creamos.

Empregamos tamén follas que había no patio para decoralas. Cada unha das aulas organizou o proceso para poder crear estes fantásticos cestos.

Fomos xuntando, cos compañeiros e compañeiras de todo o colexio, moitísimas castañas, para poder asalas o día da celebración do Magosto. 

Cando chegou o día, o profe Paulo foi o encargado de asalas, fomos a visitalo para ver que tal levaba o traballo.

Mentras se asaban as castañas, particiamos nunha chea de xogos tradicionais no pavillón, xunto aos compañeiros e compañeiras de todo o colexio.

Rematados os xogos, e xa coas castañas asadas, chegou o momento de comelas. 

Estaban boísimas!!!

Podes ver tódalas fotografías desta celebración, celebrada no centro, no seguinte álbum da galería fotográfica:

ÁLBUM - GALERÍA FOTOGRÁFICA: (2023-2024) Magosto 2023

Rematou outubro. A uns podeu pasarlle rápido, a outros lento, a outros indiferente... e logo estamos nós, que o pasamos traballando un montón. O curso acaba de comezar, pero non temos tempo que perder, pois temos moitas ideas e pouco tempo para levalas a cabo. Así que, ao igual que facemos na clase, toca poñernos mans a obra cunha nova entrada do blog! Esta vez, faremos un breve resumo de todo o que fixemos en outubro. Recordade que estas fotos son só unhas mostras, se queredes ver todas as fotos das actividades do mes podedes facelo AQUÍ.

Comezamos co máis típico do mes de outubro, o Samaín. Supoño que xa todos e todas teredes vista a entrada correspondente a todo o que fixemos para esta celebración. Os que aínda non tivestes a oportunidade, podedes botar unha ollada AQUÍ. Preparamos a decoración coa axuda dos maiores nalgunhas ocasións, pintamos un castelo xigante, e ata compuxemos (os nenos e nenas a historia e o profe a rima) e escribimos un poema en conxunto co que conseguimos un dos premios do concurso de poesía terrorífica.

Este mes comezamos tamén unha nova actividade, a búsqueda das letras. Todos os lunes, as letras do abecedario se esconden por todo o cole para que as busquemos. Xa atopamos a A, E, I e O; pero o curioso é que estas letras levan con elas unha maleta. E isto se debe a que as letras non só sirven para ler... Tamén teñen cheiro! E cada vez que atopamos unha, tentamos adiviñar a que cheira cada letra. Xa descubrimos que a letra "A" cheira a albahaca, que a letra "O" cheira a orégano... En conclusión, comezamos a semana a tope buscando estas letras tan viaxeiras.

Celebramos o "Día da Non Violencia" cunha asamblea onde falamos das consecuencias e alternativas a violencia, ademáis de preparar e xerar uns carteis que repartimos por toda a escola para amosar que na nosa escola non toleramos ningún tipo de violencia.

Tamén retomamos o traballo cos nosos diccionarios xigantes e pequenos. Os maiores xa son uns expertos, así que estamos traballando de forma coperativa, de xeito que os maiores titoricen aos seus compañeiros e compañeiras pequenas en canto a como facer este traballo. Por agora está funcionando moi ben, seguro que dentro de nada os máis pequenos e pequenas xa o poderan facer por si mesmos.

Pero o movemento no para nin cando os compañeiros e compañeiras teñen clase de relixión. Durante a hora de alternativa estamos facendo toda clase de actividades artísticas. Pintamos con espuma, con moldes de plastilina, con esponxas... Ata pintamos cos pés! Sen duda unha das horas máis divertidas de toda a semana.

No que se refire as letras, non só as buscamos e as cheiramos, tamén xogamos moito con elas (os pequenos cos maiúsculas, e os maiores coas minúsculas). Deste xeito, reforzamos aspectos como a identificación, os sons e os trazos; e deste xeito afianzamos un proceso de lectuescritura máis sólido. E por suposto, o pasamos xenial aprendendo!

E como xa somos bastante maiores, as clases non se reducen ao espazo de aula, senón que nos imos movendo por todo o cole. Un dos nosos espazos favoritos e a biblio, que ademais de usar para ler contos, tamén visitamos para buscar información, pintar, aprender... Sempre coa axuda da profe Zaira, que sempre nos fai todo moito máis sinxelo.

Nos pouxos ratos que temos libres, continuamos desenvolvendo a percepción sensorial con materiais de distintas texturas. Por agora estamos traballando con plastilina, area de cores e pasta de letras. Nalgúns casos xogamos de forma libre, outras con obxectivos marcados e outras simplemente ocurren cousas tan chulas como o día que conseguimos facer todas as vogais en maiúscula e minúscula con plastilina! Estes rapaces e rapazas están feitos uns campeóns!

Por suposto, o noso proxecto anual de claendario xa está en marcha tamén. Con esta actividade diaria traballamos os números, a temporalidade, historia... en realidade é difícil resumir todo o que facemos cando abrimos o calendario porque as actividades poden variar tanto como facer un cadro con circunferencias, resolver un crucigrama, elaborar o noso propio periódico coa técnica do collage, escoitar a historia dalgún personaxe histórico importante... e este curso, por encima de todo, dar visibilidade as mulleres non sempre visibilizadas, pero si fundamentais para avanzar hacia unha sociedade onde a iguladade sexa unha realidade.

Por se isto non fose pouco, tamén nos metimos de cheo nun proxecto colaborativo co Parque Arqueolóxico de Arte Rupestre de Campo Lameiro. A nosa clase é encargada de facer tres xogos: un crebacabezas rupestre, un set de estampado con follas e uns abalorios para elaborar collares rupestres. No caso do estampado e os collares estivemos practicando antes de poñernos a traballar, o crebacabezas por outra parte xa esta feito e listo para a sorpresa que estamos preparando para decembro.

Os pais e nais dos nenos e nenas de EI1 xa o saberedes porque o teredes na casa, pero tamén fixemos o noso propio horario da semana con recortes. Deste xeito podemos anticipar que faremos cada día e planificarnos mellor no día a día. Quedou chulísimo (casi tanto como traballo costou facelo).

Por suposto retomamos un clásico xa en infantil, que son os nosos xogos de lóxica-matemática. Iso si, como este ano somos un pouco máis maiores, o grado de dificultade aumentou un pouco, de xeito que non quede outra que poñer a cabeza a funcionar as máximas revolucións.

E por suposto, elaboramos as nosas normas. Como xa as acordamos nunha asamblea en septembro, agora solo nos quedaba plasmalas e poñelas nun lugar visible da nosa aula. En verde o que se pode facer, e en vermello o que non; acompañado de fotos que representan cada norma. Xa non hai excusa para non portarse ben no cole!

Tal e como imos facer agora neste blog, que parece que nunca acaba, tivemos tamén algún que outro parón para descansar e xogar ao noso aire porque... hai que admitilo, o profe é un pouco pesado e hai que aproveitar os momentos nos que se pode desconectar e xogar a... a... Todavía non sabemos ben a que estaban xogando nas fotos, así que aceptamos suxerencias sobre que credes que están a facer nas fotos!

Como parte do CPInclúe, na súam odalidade Iguala-T que comezamos este curso, aproveitamos o noso calendario de aula para visibilizar as mulleres destacadas na historia, tal e como vos falamos antes. Así que cada vez que celebramos unha data importante relacionada cunha muller, preparamos unha pequeña lámina-resumo da súa aportación, escribimos o seu nome, e o compartimos fora da aula para dar a coñecer cantas heroínas descoñecidas hai na historia da nosa sociedade.

E xa por último, celebramos os aniversarios de outubro. Na nosa clase estivo de cumple Miguel Ángel, e por suposto lle prpearamos unha camiseta e unha coroa de regalo, ademais de unha deliciosa tarta que se comeron entre todos, mentres os pobres mestres limpaban os pratos. Xa veredes xa cando cheguen os nosos aniversarios...

E con isto rematamos! Se chegaches ata aquí, parabéns. Foi unha entrada moi larga, pero tamén o foi este mes. E non vóos digo nada de outubro, aina temos moito por facer e por aprender, así que estade atentos porque pronto volveremos con máis!

No mes de outubro, na nosa aula sucedeu todo isto, que xa vos comentamos en entradas anteriores:

• 31/10/23: (2023-2024) Xa chegou o Samaín a infantil... así o celebramos 
• 26/10/23: (2023-2024) Así celebramos os aniversarios do mes de outubro 
• 19/10/23: (2023-2024) Xa temos novos equipos cooperativos para este curso... queres coñecelos? 
• 12/10/23: (2023-2024) Creamos uns xogos rupestres e participamos nun obradoiro organizado polo PAAR, no día europeo da Arte Rupestre 

Pero ademais tamén tivo lugar todo o que vos contamos de seguido:

Cada día o encargado ou encargado foi o/a responsable de anotar o  calendario online, e outra chea de responsabilidades.

Comezamos a completar a noso dicionario xigante, empregando a aplicación online do dicionario, coas imaxes e textos das nosas palabras favoritas.

Comezamos o préstamo de libros para casa, os venres, empregando unha aplicación que podes atopar no recanto de infantil.

Traballamos o día da "non violencia".

Recibimos a visita dunha reponsable do Parque Arqueolóxico da Arte Rupueste de Campo Lameiro, para preguntarnos como fixeramos o noso traballo para eles

Podes ver como che contamos a creación dos nosos xogos rupestes na seguinte entrada:

(2023-2024) Creamos uns xogos rupestres e participamos nun obradoiro organizado polo PAAR, no día europeo da Arte Rupestre 

Recibimos novo mobiliario para a aula, e tivemos que acordar onde poñer cada "cousa".

Participamos nunha formación na "Biblioteca do colexio", a cargo da profe ZAIRA.

Tal vez che interese coñecer como usamos os "carnets QR" na aula, podes facelo na seguinte entrada:

Así empregamos a aplicación do calendario, diccionario e bliblioteca online nas nosas rutinas da aula

Coa chegada do mes de outubro anotamos no noso calendario online, unha das datas que máis estabamos a agardar: A celebración da festa do Samaín.

Lembramos mirando a web do colexio todo o que fixéramos o curso anterior, para contarllo tamén aos novos compañeiros e compañeiras.

Contamos contos de medo e debuxamos bruxas, pantasmas, monstruos...

Para decorar o noso corredor, creamos estes simpáticos morcegos que penduramos do teito.

Estes morcegos estarían dentro do "castelo de Drácula" que pintamos entre todos e todas. 

Así de fantástico quedou unha vez rematado.

En infantil 2 deseñaron e crearon a súa propia cabaza de Samaín.

Tamén preparamos as "notas" paras ás nosas casas, onde se explicaba o concurso-exposición de cabazas, e todo o que sucedería na festa do Samaín no colexio. 

A profe ZAIRA recolleu as poesías teorroríficas que trouxemos da casa, e a que escribimos entre todos e todas.

Pouco a pouco foron chegando a nosas cabazas á clase, listas para engadilas á exposición, xunto ás dos demais compañeiros e compañeiras do colexio.

O día da celebración do Samaín, participamos nos obradoiros xunto aos compañeiros e compañeiras de todo o centro.

Pero antes unha foto de grupo, con todos e todas difrazados:

Obradoiro de cociña terrorífica, co profe PAULO:

Puidemos comer as "momias que cociñamos" durante a merenda. 

Curtametraxes de medo:

Fotomatón terrorífico:

Podes ver todas as fotos que fixemos facendo click nas seguintes imaxes: 

Manualidades terroríficas, coas profes ZAIRA e MARTA:

Participamos tamén na votación das nosas cabazas favoritas.

Podes ver tódalas cabazas da exposición no seguinte vídeo

Para rematar a xornada participamos na entrega de premios ás cabazas máis votadas, e dos diplomas en diferentes categorías. 

Tes máis información sobre estes obradoiros na seguinte entrada:

(2023-2024) Polo Samaín, participamos nuns obradoiros de terroríficos 

Podes ver como foi a celebración do Samaín en todo o centro, cos obradorios e exposición de cabazas, na seguinte entrada:

(2023-2024) ÁLBUM FOTOGRÁFICO: Obradoiros do Samaín 2023

Cando rematou o mes de outubro, tal como tiñamos sinalado no calendario online, celebramos os aniversarios do mes, nesta ocasión cumpriran anos JESÚS, MIGUEL ÁNGEL e ELOY, eles foron os encargados de escoller unha tarta do noso libro de receitas.

Seguindo os seus pasos crearía unha torta coa que convidar a todos os compañeiros e compañeiras das dúas aulas de infantil, nunha fantástica festa.

Xunto aos compañeiros e compañeiras das súas aulas, prepararon as camisetas de agasalo. Quedaron fantásticas!

Tamén decoraron as súas coroas de aniversario.

Cos ingredientes que trouxeraon, un día antes da celebración, preparamos a torta, con axuda dos restantes compañeiros e compañeiras das dúas aulas de infantil, seguindo os pasos da receita elixida.    

Despois dun día no frigorífico, na data da celebración, só faltaban uns últimos retoques de decoración na mesma.

O día da celebración, contamos, clasificamos, organizamos e preparamos todo material que iamos precisar para celebrar a festa de aniversario.

Antes de probala había que soprar as candeas, e escoitar como lle cantábamos o "cumpleaños feliz" e "parabéns para ti"

Ese día JESÚS estivo enfermo, polo que non puido asistir á súa celebración. De seguro que o vindeiro curso si estará presente.

E por fin chegou o momento de que os homenaxeados repartisen a tarta entre os seus convidados e convidadas.      

Rematamos esta primeira festa de anivesrarios con zume de mazá e piña, algunhas patacas fritidas e gusanitos para compartir.

No vindeiro mes de novembro teremos novos aniversarios e, por suposto, unha nova celebración dos mesmos.

Chegou o momento de organizar os equipos cooperativos que este curso teremos na nosa aula, e nos que traballaremos en diferenes tarefas que se propoñan ao longo do mesmo.

Unha vez coñecido en que equipo estaría cada quen, cada equipo escolleu, despois de acordalo, a cor que o idenficaría, escribíndoo nunha lista para logo buscar a témpera desa cor.

Cada un dos equipos pintou o seu panel do equipo da cor elixida. Tiveron que acordar como facelo, e como organizarse, a través do diálogo, posto que só tiñan un pincel para usar entre todos e todas.

O seguinte paso foi escoller un nome para cada equipo, novamente tras diálogos e debates, tódolos equipos chegaron ao acordo do nome que convencía a todos e todas. Escribírono nun listado, para poder empregalo posteriormente como modelo.

O equipo VACA que escollera a cor verde.

Pola súa banda o equipo COCODRILO, optou pola cor vermella.

E por último a cor azul foi a escollida polo equipo LEÓN.

Cada un dos equipos estaba preparado para comezar a completar o seu panel.

Acordaron e escolleron unha imaxe idenficativa, que tivera que ver co seu nome de equipo, para recortala e pegala no panel.

Tamén pegaron a foto do equipo e ordenaron as letras móbiles, para reconstruír o nome do mesmo... menos mal que o tiñan escrito no listado. 

Despios de escribir o nome dos integrantes de cada equipo, deron o traballo por rematado.

Así quedaron os paneis, unha vez rematados:

Rematado o traballo, chegou o momento de levar a cabo a primeira avaliación "figuro-analóxica", autoavaliando diferentes aspectos do seu traballo en equipo con emoticonas.

Xa nos veredes empregar estes nosos novos equipos cooperativos a partir de agora, nas diferentes entradas que publicaremos neste blog.

Neste mes de outubro tería lugar o "Día europeo da Arte Ruprestre", polo cal o "Parque Arqueolóxico da Arte Rupestre de Campo Lameiro" (PAAR), propúxonos participar nun obradoiro que tería lugar no colexio o día 10. Así o marcamos no noso calendario online para non esquecernos.

Pero antes de participar no obradoiro, tiñamos que crear as "vesións rupestres" de tres xogos de mesa: un xogo de memoria (Memory), o Dobble e o Lince.

Despois de descubrir que era o PAAR, os petroglifos e outros elementos da arte rupestre, estabamos listos para poñernos mans á obra.

O primeiro foi lembrar as normas dos tres xogos e xogar con eles para descubrir o seu funcionamento. Deste xeito xa poderíamos facer unha versión rupestre dos mesmos.

Coas ideas claras, puxémonos mans á obra para crear as tres versións dos xogos, buscando e internet, imprimindo e escollendo as diferentes imaxes "rupestres" que levaría cada un deles.

Traballando todos e todas xuntos/as, chegando a acordos e repartíndonos o traballo, demos conta de tan ambicioso obxectivo.

Cos tres xogos xa listos, só nos restaba escribir entre todos e todas o nom de cada xogo para pegarllo na súa caixa, e así poder identificalos.

Non podíamos esquecernos de redactar as instrucións de cada un dos xogos, onde explicamos como poder usalos.

Novamente, colaborando entre todos e toas demos conta do recado.

E así de fantásticos quedaron os tres xogos "rupestres" unha vez rematados.

Usando estes xogos, xunto a todo o que están a elaborar o resto dos compañeiros e compañeiras do colexio, a proposta do PAAR, crearemos algo "fantástico nos vindeiros meses". Como é unha sorpesa....  non podemos contarvos nada polo momento ;)

Obradoiro organizado polo PAAR:

Cando chegou a data que tiñamos sinalada no calendario online, tal como vos contamos anteriormente, participamos nun obradoiro "rupestre" oganizado polos traballadoes e traballadoras do Parque Arqueolóxico da Arte Ruprestre de Campo Lameiro.

Pasámolo xenial, xunto aos compañeiros e compañeiras de todo o colexio.

Moi pronto xa vos contaremos o que imos facer cos "xogos rupestres", como sempre poderedes lelo neste mesmo blog.

Benvidos e benvidas de novo ao blog de EI1! Estamos de volta para dar inicio ao curso 2023/24. Este curso vai estar cheo de novidades e de sorpresas, e a través destas publicacións poderedes seguir cada unha delas. Outras vías polas que podedes seguir as nosas publicacións, é o noso Facebook e tamén o noso Instagram: @ceippedroantoniocervino

O primeiro, e unha das cousas máis importantes este mes, é que recibimos a novos compañeiros e compañeiras. Así que os primeiros días de clases, dedicámonos a ensinarlles o cole, axudarlles a sentirse como en casa, explicarlles como funciona o colexio... E por suposto, xogar en grupo!

Para descubrir os diferentes espazos do colexio, fixemos unha búsqueda de pezas dun crebacabezas moi especial por toda a escola. Todos os días apareceron unhas pegadas nas portas das nosas aulas, que nos levaban a aulas distintas onde se agochaban algunhas das pezas que buscabamos. Foi moi divertido, e ademais de pensar para resolvelo, puidemos ver como aínda que todos e todas somos diferentes, como pezas dun crebacabezas, podemos encaixar perfectamente.

Fixemos tamén outras actividades de benvida, coma elaborar un marco de fotos onde lucir a foto que nos sacamos o primeiro día de clase. Para facelo utilizamos cartulinas, purpurina (tranquilidade, nese momento era legal), pasta, cola blanca, cores... En resumo, un pouco de todo. Inlcuso fixemos unha visita ao supermercado para escoller o tipo de pasta que queríamos usar!

Pouco a pouco, tamén retomamos as rutinas do día a día na aula. Neste aspecto, os alumnos e alumnas de 6º de EI tiveron un papel moi importante, pois axudaron aos más pequenos a comprender e participar en todas é cada unha delas. Dentro de nada, xa o terán máis que controlado.

Tamén estamos a elaborar o noso horario semanal con miniaturas de cada unha das actividades que facemos cada día no cole. A elaboración aínda está en proceso, pero moi pronto poderedes telo en casa para saber o que toca facer cada día!

Outra actividade en proceso, é a elaboración de normas da aula. O primeiro, e máis importante, foi reunirnos para acordar cales serían e que é o que sucede cando non se cumplen as normas. Agora, unha vez dramatizadas, pasaremos a escribilas para colgar na nosa aula.

Por suposto, xogamos moito coa plastilina, unha das mellores actividades para mellorar a motricidade fina dos máis peques; ao mesmo tempo que lles damos a oportunidade de expresarse de xeito creativo.

Tamén celebramos o primer cumple de este curso, o cumple da nosa compañeira Carlota. Aquí xa non importaba canto tempo leva cada un no cole, todos o pasaron xenial elaborando a tarta e colaborando para organizar a festa de aniversario.

Pintamos moito, moito, moito con témpera; de feito ata o profe ten as lavadoras que non dan feito con tanta roupa manchada de cores. Pero como podedes ver, non nos podemos resistir cando temos a oportunidade de crear con este material.

Fixemos varias visitas a biblioteca, onde o profe le contos aos nenos... pero ollo! Que tamén se fai de forma autónoma, de feito todas as semanas facemos debuxos dos nosos contos favoritos para decorar este espazo.

Elaboramos as bandexas para a merenda, escollendo cada neno e nena a foto que máis lle gustaba. Os temas favoritos foron os zombies e os raposos... Medo me da o proxecto que van a escoller este ano!

Non deixamos a lectoescritura de lado, e para ir aterrizando pouco a pouco, empezamos con algúns xogos sobre as vocais. Deste xeito, presentamos a temática aos nosos compañeiros e compañeiras novas, e ao mesmo tempo serviu de repaso para os maiores.

E con isto remata a entrada de setembro! Outubro ven ben cargado de traballo e cousas que facer, así que estade atentos ao blog e as nosas redes sociais porque as sorpresas so acaban de comezar.

No mes de setembro, tal como tiñamos sinalado no calendario online, celebramos os primeiros aniversarios do curso, nesta ocasión só CARLOTA cumpría anos, así que foi a encargada de escoller unha tarta do libro de receitas.

Seguindo os seus pasos crearía unha torta coa que covidar a todos os compañeiros e compañeiras das dúas aulas de infantil.

Coa axuda de todos e todas preparían unha tarta para convidar aos demais nunha fantástica festa.

Os compañeiros e compañeiras da súa aula, preparáronlle a camiseta de agasalo. Quedaou fantástica!

Tamén decorou a súa coroa de aniversario.

Cos ingredientes que trouxo, un día antes da celebración, preparamos a tarta, con axuda dos restantes compañeiros e compañeiras das dúas aulas de infantil, seguindo os pasos da receita elixida.    

Despois dun día no frigorífico, na data da celebración, só faltaban uns últimos retoques de decoración na mesma.

O día da celebración, contamos, clasificamos, organizamos e preparamos todo material que iamos precisar para celebrar a festa de aniversario.

Antes de probala había que soprar as candeas, e escoitar como lle cantábamos o "cumpleaños feliz".

E por fin chegou o momento de que a homenaxeada repartise a tarta entre os seu convidados e convidadas.  

Rematamos esta primeira do curso festa con zume de mazá e piña, algunhas patacas fritidas e gusanitos para compartir.

No vindeiro mes de outubro teremos novos aniversarios e, por suposto, unha nova celebración dos mesmos.

Despois de todo traballo que fixemos nos primeiros días de curso, que podes ver na seguinte entrada, chegou o momento de acordar e refacer as normas da aula:

• (2023-2024) Así nos foi nos primeiros días do curso en Infantil 2... queres ver todo o que fixemos? 

O primeiro que fixemos foi ir anotando as normas que pensabamos necesitar, todo aquilo que si podemos facer no colexio e o que non debemos.

Por equipos pintamos tantos cadrados de cores como normas escribíramos, o difícil foi pintar sen "entrar" no cadrado do compañeiro ou compañeira, pero traballando de forma coordinada e dialogada démolo conseguido.

Dramatizamos cada unha delas para poder ter unha fotografía na que, como actores, se contase cada norma.

Pegamos cada unha das fotografías, dramatizando as normas, en cada un dos cadrados que pintaramos.

Escribimos debaixo de cada unha delas, o texto que acordáramos para cada norma, separando as diferentes palabras cando era necesario. 

Entre todos e todas demos rematado o noso novo panel de normas, para este curso, en Infantil 2.

Puxémolas no lugar no que estaban as normas acordadas no curso anterio, agora xa podemos consultalas sempre que queiramos ou necesitemos.

Reproducimos as mesmas normas "en pequeno", para poder levalas para casa, e contarllas ás nosas familias. 

Había que pegar cada imaxe no cadrado de cor que lle correspondía, tal como figuraba no "gran panel das normas".

Fixándonos na orde, e na cor de cada unha, tamén o demos conseguido. 

Tan só faltaba engadirlle o texto que se correspondía con cada unha delas.

Por fin estaban listas para poder levalas ás nosas casas.