Os nenos e nenas de 3º e 4º estiveron a traballar nunha pirámide da alimentación na clase de inglés, pero non só ca intención de aprender vocabulario novo, senón ca finalidade de recordar que alimentos son saudables e cales debemos evitar. 

Deixamos unhas fotos de todo o preceso.

Bo traballo!!!

Este ano, ao igual que anos anteriores, retomamos as plantacións no invernadoiro ca finalidade de fomentar os hábitos alimenticios saudables dentro do programa NUTRIESCOLAS.

Había que organizarse e seguir os pasos para que plantación saíse segundo o esperado. Os pasos que seguimos foron:

1º paso: limpar o invernadoiro e vaciar os bancais

2º paso: coller humus do composteiro comunitario, posto que no colexio non tiñamos suficiente

3º paso: trasladar o composteiro do colexio para telo máis preto do invernadoiro

4º paso: xa estamos preparador para renovar os bancais de terra e humus

5º paso: cos bancais listos para plantar, asignamos as diferentes hortalizas a cada clase. 

• Infantil: cebolas
• 1º e 2º: cenorias e amorodos
• 3º e 4º: ravos (ou rábanos) e pementos de Padrón
• 5º e 6º: chícharos e tomates

6º paso: regar un pouquiño tódolos dias e a arrincar as malas herbas!

7º paso: estar preparados para a colleita

8º paso: elaborar ricas receitas cos produtos!

Este curso estamos particiando nun proxecto sobre hábitos alimenticios saudables chamado Nutriescolas. Este proxecto ten por obxectivo a adquisición de hábitos alimentarios saudables no alumnado de educación infantil e primaria

Polo tanto o que buscamos é que o alumnado adquira e consolide hábitos alimentarios adecuados e desenvolva as competencias necesarias para facer eleccións saudables no futuro. Para acadar estes obxectivos, animamos ao alumnado a crear os seus propios menús, a valorar o noso patrimonio alimentario tradicional e a reflexionar sobre os beneficios e danos dunha determinada alimentación.

Para iso, cada semana imos crear un menú saudable. Aí van os dous primeiros:

Este curso estamos a levar a cabo un proxecto sobre as "25 especies do bosque atlántico" encadrado dentro do progrma Voz Natura, un programa de educación medioambiental que busca poñer en valor o patrimonio natural e cultural da contorna na que vivimos. 

Dende o centro queremos elaborar unha plantación de bosque atlántico nunha zona próxima ao centro, co obxectivo de poñer e valor e recuperar especies autóctonas que están a desaparecer. Pero, para iso debíamos informarnos, documentarnos e preparar as preguntas para para a visita dunha experta ambiental como Xiana Albor. Algunhas das prguntas que lles fixeron foron:

Cales son as especies do bosque atlántico? Cal é a súa extensión?

Que diferenzas hai entre o bosque atlántico e o normal?

Cal é a fauna e flora autóctona en galego?

Que animais e plantas están extintas?

Cales son as especies invasoras?

O noso concello ten algún bosque atlántico?

Cales son os perigos aos que se enfrenta o bisque atlántico?

Cal é a súa riqueza?

Que podemos facer para recuperalo?

Despois de ter as preguntas preparadas, dirixímonos á radio escolar para entrevistar á nosa experta. Foi unha xornada moi pedagóxica, interesante e que nos vai a aportar moita información para seguir co noso proxecto.

Grazas pola visita, Xiana. Agora xa sabemos moito máis sobre o bosque atlántico!

Podes escoitar a entrevista a continuación ou no apartado "Radio O Cervo"

O pasado luns 13 de novembro celebramos o magosto. Este curso non puidemos facelo en San Antonio por mor da climatoloxía, polo que tocou celebralo no centro.

Sobre as 9:00 horas da mañá, o maestro castañeiro púxose mans á obra para que todos/as puidésemos degustar ese fabuloso manxar como é a castaña asada. Mentres se facçian as castañas, dispuxémonos a preparar o circuíto de xogos populares e tradicionais que tiñamos programado para esta data.

Unha vez instalados, por cursos participaron nun circuíto de xogos populares e tradicionais moi variado. Algúns dos xogos foron "o pano", "os aros", "os zancos", "a corda" e, como non, o tan esperado "come-castañas".

Despois de dalo todo en cada xogo e participar ao máximo, había que recuperar os folgos, e que mellor maneira que con unhas castañas recén asadas aportadas polos propios nenos/as. Aínda que algunhas estaban podres e un pouco duras, enchemos bastante o bandullo. Algúns ata repetiron!

Para o ano máis!!!

Praparando as castañas que aportaron as familias

Carreira de sacos

Conducir os aros

Soga-tira

O come-castañas

Carreiras de zancos grandes e pequenos

O pano

...e por fin chegou o momento máis esperado. Cos nosos cucuruchos xa preparados, os profes foron repartindo as castañas asadas.

O 19 de xuño celebramos a primeira edición do Cervifest, onde o alumnado de infantil e primaria amosaron algún traballo do curso en formato vídeo. Toda a organización correu a cargo de 5º e 6º, que resultaron ser uns anfitrións excepcionais.

O alumnado de infantil contounos todo o que aprenderon nos seus proxectos.

1º e 2º tróuxonos un vídeo da súa versión do conto "Brown bear, brown bear, what do you see?" de Eric Carle que podedes ver premendo na seguinte foto.

Os de 3º e 4º fixeron un vídeo inspirado no "Peace book" de Todd Parr que nos encantou. Deixámolo enlazado na seguinte foto.

O alumnado de 5º e 6º realizaron catro curtas en grupo:

Sara, Uxía, Lara Pousa e Lois presentaron a curta "Los buenos amigos".

Nayra, Carlota, Lara Fraga e Cecilia presentaron "Mentiras".

Brais, Alicia, Joel e Úrsula presentaron "Bullying".

E Lucas, Nani e Jorge presentaron "Diversidade".

Finalmente, fixemos a entrega de premios (elaborados por nós) aos participantes.

Parabéns a tod@s polo bo traballo!

O pasado martes 23 de maio o alumnado de 3º a 6º de primaria foi de excursión á cidade da Coruña.

Logo dunha longa viaxe en autobús, chegamos á nosa primeira parada: a Casa das Ciencias. Comezamos cunha proxección no planetario, na que aprendemos moito sobre a evolución e extinción dos dinosauros, e logo ensináronnos a identificar algunhas estrelas e constelacións do ceo actual. Posteriormente baixamos a gozar das propostas científicas.

Tras merendar, collemos o autobús que nos levou á Domus. Alí aprendemos sobre o corpo humano a través de diferentes xogos e experiencias interactivas.

Tras facer unha pausa para comer e coller forzas, visitamos o acuario, onde unha guía nos foi contando moitas cousas sobre o mundo mariño.

E así rematamos unha xornada agradable e diferente que compartimos con compañeir@s e profes esta vez fóra das aulas.

Un pracer, ata a próxima!

Despois de elaborar o noso traballo, tal como xa vos contamos nunha entrada anterior e que podedes ver de seguido; chegou o día de participar nas actividades organizadas polo "Salón do Libro Infantil e xuvenil de Pontevedra".

(2022-2023) Creamos o noso "xogo-libro" para o Salón do Libro 2023. Queres velo? 

Para poder participar, quedaba por diante unha viaxe en autobús ata Pontevedra.

Fomos seguindo o mapa que fixeramos na clase, para chegar ata o salón do libro.

Finalmente demos chegado ao Pazo da Cultura de Pontevedra, onde nos estaba agardando unha estatua do lobo ORBIL, que sinalaba a entrada ao Salón do Libro. 

Alí reencontrámonos co lobo ORBIL... estabamos desexando darlle unha aperta enorme.

Queliña contounos unha chea de contos fantásticos, sobre animais e uns ovos misteriosos.

Antes de marchar despédimonos do mono Sabio. 

Unha vez rematada a sesión de conta-contos, Uxía acompañounos na visita, para ver todo o que había nas diferentes salas do Salón adicado ao "xogo" e aos "libros".

Cando rematamos a visita pola exposición, chegamos ao lugar onde estaba expostos os traballos, feitos polos compañeiros e compañeiras de tódolos colexios participantes.

E alí estaba, xunto aos dos demais colexios, o noso libro-xogo. Seguro que lles encantou a todos e todas.

Percorrimos tamén un divertido labirinto, menos mal que demos atopado a saída todos xuntos e xuntas.

Antes de voltar ao colexio adicamos un momento para tomar a merenda. Tiñamos tamén planeado xogar nun parque, pero por mor do mal tempo non quedou máis remedio que voltar ao Centro unha vez rematada a visita ao Salón.

Lembra que podes ver moitas máis fotos da nosa visita, no seguinte álbum da galería fotográfica:

Álbum (Galería fotográfica): (2022-2023) Participamos nas actividades do Salón do Libro 2023

Lembrade que podedes ir a visitar a exposición, ver o noso traballo e participar nas actividaes do "Salón do libro 2023", no "Pazo da Cultura de Pontevedra" desde o 21 de abril ao 7 de maio de 2023.

Tes toda a información sobre datas e horarios na web oficial: www.salondolibro.gal.