Podes ver os pasos previos desta investigación nas seguintes entradas publicadas neste mesmo blog:

10/03/23: (2022-2023) Continuamos co noso proxecto de investigación sobre os "coches e camións". Atopamos respostas ás primeiras preguntas. 

Durante as últimas semanas continuamos a investigar, no noso proxecto de investigación sobre os coches e camións, para atopar as respostas a algunhas das preguntas que tiñamos pendentes.

Nesta ocasión comezamos investigando en equipos.

Os e as integrantes do equipo OVELLA foron os encargados e atopar a resposta á pregunta "QUE PASAN CANDO COCHAN?", para o que empregaron un dos vídeos que tiñamos no noso recanto online da investigación.

Acordaron como plasmalo no mural, pegaron as imaxes que escolleran e escribiron os textos dos descubrimentos.

Así quedou reflexada a resposta a esta pregunta no mural da investigación. 

Pola súa banda, o equipo "PERROS SALCHICHA", encargáronse buscar a resposta á pregunta "QUE PASA CO FUME DOS COCHES", usando outro dos vídeos do recanto online da información.

Novamente acodaron como plasmar as respostas no mural, e organizaron o traballo para participar todos e todas.

Así contaron a reposta que atoparon no mural da investigación.

Por último o equipo "CABALO", empregou as fotocopias e documento impresos que recibíramos por e-mail, para atopar diferentes TIPOS DE COCHES QUE EXISTEN.

Foron recortándoos e pegándoos no mural, escribindo debaixo de cada un o sue nome.

Deron atopado todos estes tipos de coches.

Para investigar "QUE SE PODE CONDUCIR CO CARNET", todos xuntos visualizamos varios vídeos e consultamos, coa axuda do profe, diferentes páxinas web.

Descubrimos que no carnet de conducir, ten marcado que tipo de vehículos podes conducir, pero antes tes que facer dous exames para poder conseguilo. 

Así o contamos no mural da investigación.

Fomos anotando, no lugar correspondente, quen se foi encargando de investigar cada unha das preguntas.

Con todas estas novas respostas, tan só nos quedan dúas preguntas para rematar a investigación. O noso mural está cada vez máis cheo de respostas e descubrimentos.

Irémosvos contando neste mesmo blog, como rematamos a nosa investigación nos vindeiros días, buscando a resposta ás últimas preguntas que nos quedan.

Tamén vos contaremos como comezamos a elaborar os dosieres indiviudais, es os "productos finais" que nos plantexaramos ao comezo do mesmo.

Despois de elaborar o noso traballo, tal como xa vos contamos nunha entrada anterior e que podedes ver de seguido; chegou o día de participar nas actividades organizadas polo "Salón do Libro Infantil e xuvenil de Pontevedra".

(2022-2023) Creamos o noso "xogo-libro" para o Salón do Libro 2023. Queres velo? 

Para poder participar, quedaba por diante unha viaxe en autobús ata Pontevedra.

Fomos seguindo o mapa que fixeramos na clase, para chegar ata o salón do libro.

Finalmente demos chegado ao Pazo da Cultura de Pontevedra, onde nos estaba agardando unha estatua do lobo ORBIL, que sinalaba a entrada ao Salón do Libro. 

Alí reencontrámonos co lobo ORBIL... estabamos desexando darlle unha aperta enorme.

Queliña contounos unha chea de contos fantásticos, sobre animais e uns ovos misteriosos.

Antes de marchar despédimonos do mono Sabio. 

Unha vez rematada a sesión de conta-contos, Uxía acompañounos na visita, para ver todo o que había nas diferentes salas do Salón adicado ao "xogo" e aos "libros".

Cando rematamos a visita pola exposición, chegamos ao lugar onde estaba expostos os traballos, feitos polos compañeiros e compañeiras de tódolos colexios participantes.

E alí estaba, xunto aos dos demais colexios, o noso libro-xogo. Seguro que lles encantou a todos e todas.

Percorrimos tamén un divertido labirinto, menos mal que demos atopado a saída todos xuntos e xuntas.

Antes de voltar ao colexio adicamos un momento para tomar a merenda. Tiñamos tamén planeado xogar nun parque, pero por mor do mal tempo non quedou máis remedio que voltar ao Centro unha vez rematada a visita ao Salón.

Lembra que podes ver moitas máis fotos da nosa visita, no seguinte álbum da galería fotográfica:

Álbum (Galería fotográfica): (2022-2023) Participamos nas actividades do Salón do Libro 2023

Lembrade que podedes ir a visitar a exposición, ver o noso traballo e participar nas actividaes do "Salón do libro 2023", no "Pazo da Cultura de Pontevedra" desde o 21 de abril ao 7 de maio de 2023.

Tes toda a información sobre datas e horarios na web oficial: www.salondolibro.gal.

Está visto que a puntualidade non é o forte de EI1. Pero, aínda que sexa un pouco a destempo, temos unha publicación chea de novidades e información sobre todo o que fixemos durante o mes de marzo. Listos! Imos alá!

Nas clases de inglés conxuntas seguimos a traballar a través do xogo cada vez máis vocabulario relacionado con aspectos tan variados como os productos do mercado, a familia, os animais... Pero tamén nos divertimos un montón con actividades como as que implican mancharnos ata as orellas de colorante alimentario.

Outra tarefa que nos tivo moi ocupados, foi a preparación do noso conto para o salón do libro. O plan foi elaborar un super taboleiro de oca, acompañado do seu dado e as fichas para xogar. A nosa clase quedou encargada de facer as fichas, e en relación co noso proxecto sobre o arco da vella, decidimos facer unha ficha azul, outra vermella, outra amarela... e unha ficha de todas as cores do arco da vella! E xusto dentro desa ficha, vai o noso conto, que podedes ver aquí.

No referente as actividades artísticas, este mes demoslle un descanso as lavadoras da casa e deixamos a tempera gardada. Nesta ocasión nos centramos nos olores, pois estivemos facendo os nosos propios cadros de flores con petalos perfumados, e traballando diferentes técnicas artísticas como o puntillismo.

En marzo, tamén recibimos unha invitación moi especial. Os alumnos e alumnas de primeiro e segundo invitáronnos á sua clase para un contacontos. Os compañeiros e compañeiras non só o fixeron xenial, senón que ademais, ensinaronnos a súa aula e foron introducindo aos alumnos a e alumnas de 6º de Educación infantil a que será a súa aula o curso que ben. Incluso comezaron a elixir que sitio queren!

Despois de un par de meses sen cumpreanos na nosa aula, retomamos as celebracións. Nesta ocasión preparamos todo para celebrar o aniversario da nosa compañeira Ana, que cumpre xa 5 anos. A homenaxeada pediu unha camiseta da "Patrulla canina" e con todo o noso agarimo fixémoslle unha, xunto a súa coroa de agasallo.

E como, remitindonos ao primer parágrafo, en EI1 a puntualidade non é o noso forte, fixemos dous experimentos este mes. No caso do que podedes ver a continuación; Noa, Matías e Mario foron os encargados de grabar a posta en práctica do experimento do papel que non se molla. Aínda non o víchedes! Podedes atopalo no seguinte enlace.

En marzo tamén celebramos unha data moi importante, o 8M; ou en outras palabras, o Día da Muller. Na sesión conxunta de inglés ocelebramos debuxando a muller máis importante da nosa vida; e xunto a o resto do colexio o fixemos visibilizando a grandes mulleres ecoloxistas que fixeron do noso planeta un lugar máis verde no que vivir. No noso caso investigamos e elaboramos un mural informativo sobre a vida de Rachel Carson que podedes ver un pouco máis abaixo.

Como xa é tradición, tamén continuamos enchendo o noso calendario de datas importantes, persoaxes ilustres, xogos e aprendizaxes coas que abrimos todas e cad aunha das mañas de clase. Dende unha revisión a táboa periódica, a xogar ao "London Bridge" ou unha visita ao fondo do mar; xa non sabemos que sorpresas agardar co noso divertido calendario de aula.

Outra constante deste curso son as emocións, que están presentes todos os días e en moitas das nosas actividades. Por exemplo... Recordades os nosos disfraces de emoticonas? Pois ben, para aproveitar todo o cartón invertido nos disfraces, fixemos un "Memory" xigante para emparellas emocións. Imaxinade como de grande é, que precisamos de toda a aula de usos múltiples para montar o xogo. E por suposto, tamén estivemos a traballar na nosa táboa periódica de emocións, que podedes revisar nesta publicación.

Entre traballo non nos olvidamos das familias, pois sacamos un ratiño para facer un regalo para os pais do noso alumnado. Este ano nos decantamos por unha foto decorada cun marco feito polos nenos e nenas, e envolto en papel de regalo feito por eles mismos tamén.

Tamén introducimos novos xogos de lóxica matemática e motricidade fina, é como podedes ver foi un verdadeiro éxito. O certo é que esta hora termina pasando voando, pois entre xogo e xogo, ademais de divertirnos moito, afianzamos conceptos como a clasificación, seriación, tira numérica, concepto de número...

E por último, coa axuda das familias, celebramos o Día da Poesía no colexio cun recital de poesía no que regalamos a cada alumno ou alumna un verso adicado. Permitindo así fortalecer as relacións e crear un mellor clima de convivencia no centro. 

Este ano voltaremos a participar nas actividades do "Salón do libro infantil e xuvenil de Pontevedra". Nesta ocasión o tema é o Xogo.

Para poder visitar o Salón, e reencontrarnos co noso amigo ORBIL, creamos un xogo de mesa xigante cuns libros moi divertidos para levalos ao Pazo da cultura, onde se celebrarán as actividades do Salón.

Anotamos no calendario online a data na que visitaremos o Salón para participar nas súas actividades, e poder ver o noso traballo xunto co dos restantes colexios participantes.

Lembramos, visitando a web do colexio, como eran as visitas ao Salón dos compañeiros e compañeiras de cursos anteriores.

Para elaborar o "xogo-libro" trabalamos a reo os nenos e nenas de Infantil, xunto aos compañeiros e compañeiras de 1º e 2º.

En INFANTIL 1 encargáronse de facer as fichas do xogo. Unha delas ten o libro que inventaron "A receita do arco da vella".

Así crearon o seu libro-ficha, coa historia "A receita do arco da vella", cunha páxina dunha cor diferente.

No caso de INFANTIL 2 crearon un dado-libro xigante para o xogo de mesa. Co libro titulado "O dado que perdeu os puntos".

A través de sucesivos borradores acabaron inventando a historia do dado e todo o que lle pasaba.

Unha vez acordada a historia, chegou o momento de convertila no libro-dado. Para elo por quendas fomos elexindo e creando as ilustracións, e escribindo o texto entre todos e todas.  

Tan só quedaba enumerar a páxinas para deixar o libro-dado rematado.

Os compañeiros e compañeiras de 1º e 2º DE PRIMARIA encargáronse de facer o tabloeiro do xogo e de escribir as instrucións do mesmo.

Así quedou o traballo, unha vez rematado, coas partes feitas por cada un.

De seguido, podes ver como quedaron os 3 libros unha vez rematados:

EI1: A receita do arco da vella (fichas do xogo)

EI2: O dado que perdeu os puntos (dado do xogo)

1º e 2º: tabloeiro e instrucións do xogo.

Tan só nos quedaba levalo ao Pazo da Cultura, para que ORBIL poida poñelo la exposición xunto cos restantes trataballos dos outros colexios que participan.

Xa vos contaremos como nos foi na visita ao Salón, que terá lugar o día 24 de abril, nunha próxima entrada.

Ata entón lembrade que podedes ir a visitar a exposición, ver o noso traballo e participar nas actividaes do "Salón do libro 2023", no "Pazo da Cultura de Pontevedra" desde o 21 de abril ao 7 de maio de 2023.

Tes toda a información sobre datas e horarios na web oficial: www.salondolibro.gal.

Ola a todos e todas! Sabíades que hoxe é o Día Mundial do Arco da Vella? Sí, oíchedes ben, hoxe é o día do ano que lle dedicamos a un dos fenómenos naturais máis recoñecidos, máis bonito é con máis significado a nivel cultural de todos: O Arco da Vella.

Como xa sabedes os habituais que ledes estas entradas, na nosa clase estamos a investigar esta temática. De feito, descubrimos que este día se celebra grazas ao noso compañeiro Matías, que xunto a súa familia achegounos moita información que nos foi de gran utilidade, entre ela, a data da celebración deste acontecemento.

Pois ben, quixo a sorte que este día coincida coas vacacións de Semana Santa, e que non poidamos celebralo no cole. Pero iso non impide que, aproveitando a data, amosemos qué e o que levamos feito en relación ao noso proxecto. O primeiro é máis importante, e que falamos un montón para compartir os nosos coñecementos previos, que sentan a base da investigación.

Pero non fixemos o traballo solos e solas, as familias de compañeiros e compañeiras como Mario, Noa e Manuel, compartiron información, experimentos, manualidades e moito máis material para continuar ampliando os nosos coñecementos sobre o arco da vella. De feito, como podedes ver aos fotos, os nenos e nenas disfrutaron un montón de convertirse en profes e compartir o seu traballo!

Pero ademais de buscar información para responder as preguntas plantexadas, tamén aproveitamos para convertir a nosa clase nun espazo cheo de cor e información sobre o noso proxecto de investigación. Dende nubes de cores, ata un arcoiris xigante feito coa técnica do collage ou estrelas; cada día aparece un material novo para continuar coa transformación da nosa aula.

Pero non pensedes que fora da clase non pasa nada, todo o contrario. Coa colaboración das familias unha vez máis, estamos a organizar un concurso de fotografía, onde os nenos e nenas da clase amosan fotografías do arco da vella en diferentes paisaxes e zonas da nosa contorna. E por se iso fora pouco... Tamén tivemos un arco da vella dentro do colexio! E no lugar onde nace, un conto moi chulo que nos axudou a resolver moitas dúbidas.

E así chegamos a actualidade. Xa temos a base para empezar a traballar, así que este tercer trimestre, toca resolver as preguntas que plantexamos ao comezo da investigación. Así que, nenos e nenas, aproveitade para cargar as pilas, pois nos espera un terceiro trimestre moi movido e cheo de sorpresas!

E por suposto... FELIZ DÍA DO ARCO DA VELLA A TODOS/AS!

Ao longo das semanas dos meses de febreiro e marzo, na nosa aula sucedeu todo isto, que xa vos comentamos en entradas anteriores:

• 31/03/23: [Infantil xuntos] (2022-2023) Celebramos os aniversarios do mes de marzo 
• 23/03/23: (2022-2023) Sabes como facer que o papel na auga non se molle? Descóbreo no noso experimento deste mes 
• 10/03/23: (2022-2023) Continuamos co noso proxecto de investigación sobre os "coches e camións". Atopamos respostas ás primeiras preguntas. 
• 24/02/23: [Infantil xuntos] (2022-2023) Así celebramos os aniversarios do mes de febreiro 
• 17/02/23: [Infantil xuntos] (2022-2023) Chegou o Entroido das emocións a infantil: Organizamos un obradoiro de disfraces coas nosas familias, seguimos as instrucións de Serafín e participamos no desfile 
• 09/02/23: (2022-2023) Sabías que un globo pode pegar? contámoscho no vídeo que creamos deste novo experimento 

Pero ademais, tamén tivo lugar todo isto, que vos contamos de seguido:

Os encargados e encargadas, continuaron a desenvolver as súas funcións, entre outras sinalar as datas mas significativas no calendario online, e facer as rutinas e rexistros.

Particiamos, xunto aos compañeiros e compañeiras de todo o colexio, na construción da nosa cabana de bimbios.

Reciclamos e usamos o composteiro do colexio, para depositar os restos orgánicos, que non ían ao resto dos contenedores de cores. 

Continuamos a escoller as nosas palabras favoritas completando o "dicionario xigante" e os nosos dicionarios individuais.

Participamos na primeira sesión do obradoiro sobre as emocións, con Gloria.

Para conmemorar o 8M (Día da muller), xunto co resto de compañeiros e compañeiras do colexio, investigamos e creamos un panel informativo sobre unha muller relevante na defensa da natureza. No noso caso descubrimos todo o que fixo Jane Goodall

E tamén descubrimos a quen investigaron o resto de compañeiros e compañeiras.

Seguimos a empregar a aplicación de préstamo de libros, para anotar os que cada venres levamos para casa da biblioteca de aula.

Continuamos a levar por quendas, xunto co resto de compañeiros e compañeiras do colexio, a "mochila de lecer", que estará nas nosas casas durante unha semana completa.

Polo día da Poesía, intercambiamos poemas, escritos coa axuda das nosas familias, cos compañeiros e compañeiras de 5º e 6º de primaria.

Creamos un agasallo para as nosas familias polo Día do Pai.

Regalámonos "cocholitanas" da amizade polo día de San Valentín, comentando algo "positivo" do compañeiro ou compañeira que nos tocou por sorteo.

Exploramos a nosa creatividade usando diferentes técnias para pintar con témpera.

Sementamos cenorias no invernadoiro, irémolas coidando ao longo das semanas para que vaian medrando.

Completamos cadanseu boletín de auto-avaliación, onde lles contamos ás nosas familias todo o que fixemos neste trimestre.

Para completar unha das partes, creamos uns vídeos onde cada que comentaba aspectos positivos dos restantes compañeiros e compañeiros. Engadimos un código QR no boletín de autovaliación, para puidese abrirse desde casa e puideran ver o vídeo de cada un de nos.

De seguido podes ver tódolos vídeos xuntos, onde contamos o que pensamos dos nosos compañeiros e compañeiras

Estrenamos, cun xogo de memoria, o novo panel interactivo que instalaron na nosa aula xunto antes de rematar este trimestre.   

Á volta desta semana de vacacións continuaremos a contarvos todo o que sucede na nosa aula. Aínda nos quedan moitas sorpresas e aventuras por vivir ata que remate o curso.

No mes de marzo estiveron de aniversario os nosos compañeiros e compañeiras ANA, KARINA E YOEL, así aparecía no calendario online, onde sinalamos tamén o día en que os celebraríamos ao rematar o mes. Nesa data axuda de todos e todas preparían unha tarta para convidar aos seus compañeiros e compañeiras/as e celebrar unha pequena festa.

Os compañeiros e compañeiras de cadansúa aula, preparáronlle unhas camisetas de agasalo, cos seus nomes e o debuxo que escollean (mans estampadas, arco da vella...). Tamén decoraron, como quixeron, a súas coroas de aniversario.

Os homenaxeados escolleron do libro de receitas a súa tarta favorita, despois de poñerse dacordo.

Cos ingredientes que trouxeron, o día anterior da celebración, prepararon a tarta seguindo os pasos da receita elixida, coa axuda dos compañeiros e compañeiras de ámbalas dúas aulas. 

Despois dun día no frigorífico, na data da celebración, só faltaban uns últimos retoques de decoración na tarta.

Pero antes de probala había que soprar as candeas, e escoitar como lles cantábamos o "cumpleanos feliz", "parabens para ti" e "happy birthday", usando os tres idiomas que coñecemos.

 E por fin chegou o momento de que os homenaxeados repartiran a tarta entre os seu convidados e convidadas.  

Estaba boísima!!! 

E como remate festa patacas fritidas, gusanitos e zume... e por suposto, aqueles que o preferiron, a súa merenda.

O vindeiro mes celebraremos os aniversarios do mes de abril, como sempre, poderedes estar ao tanto neste mesmo blog.

Neste mes de marzo, un novo experimento foi o que nos fixo pensar e dialogar durante un anaco, sobre un feito moi curioso... "e que non parecía ter sentido".

Como sempre, o primeiro foi plantexar hipóteses sobre o que se podería facer con todo este material.

Finalmente probamos a encher o bote de auga, meter o pano dentro do vaso e metelo, boca a baixo na auga... cando o sacamos: O papel estaba seco!!!

Por que non se mollaba cando metíamos o papel, dentro do vaso, na auga... plantexamos as nosas hipóteses, ata que concluímos que "o aire que quedaba no vaso", impedía que a auga subise "a tocar o papel e mollalo".

Cada un dos equipos, empregou o diálogo, para chegar ao acordo de como levar a cabo o experimento, participando todos e todas.

Puxéronse mans á obra para seguir os pasos do mesmo.

Cada equipo deu repetido o experimento con éxito, o papel non se mollaba grazas ao aire que quedaba dentro do vaso.

Ao rematar avaliamos noso traballo en equipo, usando os paneis de "auto-avaliación" figuro-analóxica.

Tan só quedaba completar o noso "caderno de campo", para anotar as nosas observacións, deste cuarto experimento.

Nesta ocasión, os compañeiros e compañeiras de Infantil 1 foron os encargardos de crear o vídeo do experimento, podes velo, así como os anteriores deste curso, na seguinte ligazón.

Experimentos do curso 2022-2023

Podes ver os pasos previos desta investigación nas seguintes entradas publicadas neste mesmo blog:

08/12/22: (2022-2023) Escollemos democráticamente o tema da nosa próxima investigacion... queres saber cal é?

26/01/23: (2022-2023) Descubrimos o que sabemos, o que queremos saber e comezamos a xuntar información, para a nosa investigación sobre os coches e os camións

Con toda a información xa dispoñible no noso recanto da investigación, tanto en papel como online, así como con toda a que continuamos a recibir ao longo dos días; comezamos a investigar para atopar a resposta ás primeiras preguntas.

As primeiras delas afrontámolas en gran grupo, e conseguimos atopar a resposta a catro das preguntas que tiñamos plantexadas.

QUE PODEN LEVAR OS CAMIÓNS?

COMO SE TRANSPORTA AOS ANIMAIS?

Visualizando uns vídeos do noso recanto da investigación online, descubrimos todo o que podían levar os camións e como se chamaba cada tipo, segundo a súa carga. Fomos anotándoo entre todos e todas nun listado.

Plasmamos o descuberto no mural da investigación, acordando onde poñer a fotografía de cada tipo e escribindo ao seu lado o nome correspondente.

Por outra banda tamén anotamos que tipo de carga podían levar, incluídos os animais (que era outra das preguntas).

Os máis pequenos encargáronse de recortar e pegar as fotografías que escollimos entre todos e todas.

Os maiores foron os encargados de escribir, coa axuda de todos e todas, os nomes de cada carga. 

Así de completa quedou a resposta a estas dúas primeiras preguntas. Se queres saber que carga leva cada tipo de camión, tan só tes que seguir o seu camiño para descubrilo.

Anotamos na táboa de "Como nos organizamos", o número da pregunta na fila "todos xuntos e xuntas". Repetiríamos este proceso con cada nova resposta que fóramos atopando.

COMO SE CARGAN? CON GASOLINA OU CON "CARGA"?

OS COCHES DE "CARGA" SON DE VERDADE OU SÓ DE XOGUETE? 

Días despois, enfrontámonos a dúas das preguntas que máis debate suscitaran entre nós. Existían os coches "de carga" que funcionaban con electricidade?... eran coches de verdade ou de xoguete?.

Mirando varios vídeos do recanto online de información, así como toda a información que tiñamos en papel, remitido polas familias, descubrimos que existían tres modos de "cargar os coches".

Con GASOLINA ou GASOLEO: descubrimos que dentro do motor o combustible "explotaba", e por iso botaba fume polo tubo de escape, e que era moi contaminante.

ELÉCTRICOS: que se enchufaban e sí eran de verdade. Non botaban nada polo tubo de escape.

DE HIDRÓXENO: que se cargaban con hidróxeno.  Polo tubo de escape botaban auga (vapor de auga), e non fume.

Despois de comentar onde e como  se cargaba cada un (na gasolinera, na casa cun enchufe, en postes...); cada equipo buscou en toda a información que tiñamos, coches e camións dos tres tipos, para recortalos.

Cada equipo tivo que acordar quen pegaría cada unha das fotografías que recortaron, no mural da investigación. Calquera acordo era válido, sempre que todos e todas estiveran de acordo, e todos os integrantes participasen.

Foron pegando, por equipos, os coches e camións que atoparan, clasificándoos nalgún dos tres tipos no mural.

En cada tipo escribimos como se cargaban, se botaban ou non fume e, no caso dos de combustión, como funcionaba o motor, e por que botaban fume tan contaminante.

Así quedou a resposta a esta pregunta plasmada no mural.

Así está, neste momento, o noso panel da investigación coas primeiras preguntas e súas respectivas respostas, pero aínda nos quedan algunhas por resolver. Farémolo nas vindeiras semanas traballando en equipos e en gran grupo.

Irémosvos contando neste mesmo blog, como continuamos  con esta investigación.

Un més que tachamos do calendario solo pode significar unha cousa... Unha nova entrada do blog!

Ao longo de febreiro, na páxina do cole, puidechedes ver algunhas das actividades que fixemos ao longo destas semanas, como por exemplo a recollida de alimentos solidaria ou a marcha que fixemos polo noso concello polo Entroido.

Pero dentro da clase tamén pasaron moitas cousas, e aprendemos outras tantas. No que se refire a lóxica matemática, seguimos introducindo novos xogos para traballar con nenos conceptos básicos, a tira numérica, as formas, clasificación, seriación... Sen duda esta hora estase a convertir en unha das favoritas da semana.

Tamén fixemos o experimento deste mes, que tiña como protagonistas os globos e a electricidade estática. E como calquer oportunidade e boa para reciclar e traballar a motricidade, estivemos cortando anaquiños moi pequenos de papel con restos que tiñamos gardados. Deste xeito, puidemos comprobar ata que punto podiamos cargar os globos de electricidade ao frotalos no noso pelo acercandoos a estes anacos de papel.

Tamén foi un mes moi artístico, xa que estivemos explorando diferentes formas de expresión. Recortamos formas xeométricas, as estampamos, coloreamos... E ata pintamos usando unha xiringa! Deste xeito o noso dossier de láminas de expresión artística sigue aumentando, estamos desexando que o vexades!

Como ben sabedes xa os pais e nais, estivemos moi liados co Entroido. Non so organizamos paso por paso como facer o disfraz, tamén tivemos que escoller que emoticono elaboraría cada un, fixemos as parellas e recibimos ás familias no cole. Todos o pasamos xenial, e o resultado dos disfraces o reflictiu perfectamente.

Pero tampouco descoidamos a lectoescritura. Non so escribimos de forma contextualizada todos os días na aula, tamén levamos a cabo distintos xogos para aprender as letras, sílabas e palabras de xeito divertido. Este e o caso das nosas ocas fonolóxicas, a elaboración dos diccionarios, rexistros de contos e experimentos, contrasinais diarias da aula...

E con isto nos despedimos... por agora; xa que pronto estaremos de volta con máis actividades tanto dentro da aula, como co resto de cole. Estade atentos e atentas, porque ven un mes moi completo!